डेब्युमै कमालको बलिंग, दक्षिण अफ्रीका कमजोर



  • विकेटनेपाल, १४ साउन

इंग्ल्याण्ड ३५३ ( १०३.२ ओभर ) : बेन स्टोक्स – ११२, एलेस्टर कुक ८८ , मोर्केल ३/७० , रबाडा ३/८५
दक्षिण अफ्रीका १२६/८  : बभुमा : ३४* , रोलान्ड-जोनेस ४/३९

इंग्ल्याण्डको लागि आफ्नो पहिलो टेस्ट खेल्ने क्रममा टोबी रोलान्ड-जोनेसले उत्कृस्ट बलिंग गर्दै ४ माथिल्लो क्रमका दक्षिण अफ्रिकी ब्याट्सम्यानलाई आउट गरेपछि अफ्रीका माथि इंग्ल्याण्ड हावी भएको छ l

बेन स्टोक्सले टेस्ट करियरको पाँचौ शतक प्रहार गर्ने क्रममा ११२ रन बनाए

केंनिंगटन ओभल मैदानमा पहिलो दिन खराब स्थितिमा रहेको इंग्ल्याण्डले दोश्रो दिनको सुरुवातमै ८८ रन बनाएका एलेस्टर कुकलाई गुमायो l त्यसपछि बेन स्टोक्सले टेस्ट करियरको पाँचौ शतक प्रहार गर्ने क्रममा ११२ रन बनाउदै इंग्ल्याण्डको स्कोर ३५० पार गराएका थिए l त्यसक्रममा उनले ९ चौका र ४ छक्का प्रहार गरे l

इंग्ल्याण्डलाई ३५३ रनमा सिमित गरेको दक्षिण अफ्रीकाको लागि कासिगो रबाड़ा र मोर्ने मोर्केलले ३/३ विकेट हात पारे l

डेब्युमा उत्कृस्ट बलिंग 

सिरिज अन्तर्गत तेश्रो टेस्टमा इंग्ल्याण्डको पहिलो इनिंग ३५३ रनमा समाप्त भएपछि ब्याटिंग गरेको दक्षिण अफ्रीकाले अत्यन्त खराब ब्याटिंग गर्यो l दोश्रो दिनको समाप्तिमा १२६/८ को खराब स्थितिमा रहँदै इंग्ल्याण्डभन्दा २२७ रनले पछि परेको अफ्रीकालाई आफ्नो पहिलो टेस्ट खेलिरहेका टोबी रोलान्ड-जोनेसले अस्चार्यचकित बनाए l

जोनेसले दक्षिण अफ्रीकाको माथिल्लो ४ जना ब्याट्सम्यानलाई सस्तोमै पेभेलियन फर्काएका थिए जुन क्रममा ओपनर एल्गरलाई ८, कुह्नलाई १५, आम्लालाई ६ तथा डी ककलाई १७ रनमा आउट गरे l ११ ओभर बलिंग गर्ने क्रममा उनले ३ मेडन ओभर सहित ३९ रन खर्चेर ४ विकेट हात पारिसकेका छन् l

पहिलो ४ विकेट ४७ रनको कुल स्कोरमै गुमाएको दक्षिण अफ्रीकाले त्यसपछि पनि लगातार विकेट गुमाईरह्यो l कप्तान डु प्लेसिस १ रन बनाएर जेम्स एण्डरसनको शिकार हुन पुगे l

जोनेसले दक्षिण अफ्रीकाको माथिल्लो ४ जना ब्याट्सम्यानलाई सस्तोमै पेभेलियन फर्काए

टेम्बा बभुमाले अविजित ३४ रन बनाएर इंग्ल्याण्डलाई केहि राहत दिएका छन् भने कासिगो रबाडा ३० रन बनाएर आउट भए l

दुई देश बीच ४ टेस्ट म्याचको शृंखला १/१ को बराबरीमा रहेको छ l

धेरैले पढेको :-





थप समाचार

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]