रसेल र कार्तिकको उत्कृस्ट साझेदारी : कोलकाताले बनायो १८५ रन, सन्दिपको राम्रो सुरुवात



  • विकेटनेपाल, चैत १६ , शनिवार 

इन्डियन प्रिमियर लिग आईपीएल अन्तर्गत आफ्नो तेश्रो खेलमा सन्दिप लामिछानेको टिम दिल्ली क्यापिटल्सले कोलकाता नाइट राईडर्सको सामना गरिरहेको छ।

प्रतियोगितामा यस अघि खेलेको २ मध्ये दिल्लीले एकमा जित र एकमा हार बेहोरेको छ भने कोलकाता २ खेलमा दुवै जितको साथ शिर्ष स्थानमा रहेको छ।

जारि खेलमा टस जितेर दिल्लीले पहिले बलिंग गर्ने निर्णय गरेपछि दिल्लीको घरेलु मैदान फिरोजशाहमा कोलकाताले २० ओभरमा ८ विकेट गुमाएर १८५ रनको योगफल तयार गर्दै दिल्लीलाई १८६ रनको लक्ष्य प्रस्तुत गरेको छ।

टस हारेर ब्याटिंग गरेको कोलकाताको सुरुवात राम्रो हुन सकेन। ओपनर निखिल नैक ७ रन तथा क्रिस लिन २० रन बनाएर आउट भए भने रोबिन उथप्पाले पनि ११ रन मात्रै बनाउन सके। निखिल राना १ रन तथा शुबमन गिल ४ रन मात्रै बनाएर आउट हुँदा कोलकाताले पहिलो ५ विकेट ६१ रनमा गुमाएको थियो।

नैकलाई सन्दिप लामिछानेले चौथो ओभरमा एलबिडब्लु धरापमा पारेका थिए भने हर्षल पटेलले उथप्पा र नितिश रानाको विकेट लिए।

५ विकेट गुमेपछि भने दिल्लीको लागि आन्द्रे रसेल र दिनेश कार्तिकले उत्कृस्ट साझेदारी गरे। छैठौं विकेटको रुपमा आक्रामक ब्याटिंग गर्ने क्रममा दुवैले ९५ रनको साझेदारी गरे।

रसेल १८ औं ओभरमा आउट हुनु अघि उनले मात्र २८ बलमा ६ छक्का र ४ चौका प्रहार गरे। यस क्रममा उनले सन्दिप लामिछानेले गरेको इनिंगको १२ औं ओभरमा लगातार २ छक्का प्रहार गरेका थिए। २३ बलमा अर्धशतक पुरा गरेका रसेललाई क्रिस मोरिसले क्याच आउट गराए।

Sandeep Lamichhane

रसेलको विकेटपछि अर्को किनारमा आक्रामक ब्याटिंग गरेका दिनेश कार्तिक पनि ५० रन बनाएर आउट भए जसले ३६ बलमा ५ चौका र २ छक्का प्रहार गरे।

इनिंगको अन्तिममा पियुष चावलाले १२ रन ( ५ बलमा १ छक्का र १ चौका ) र कुलदिप यादबले १० रन बनाएपछि कोलकाताले २० ओभरमा ८ विकेट गुमाएर १८५ रनको योगफल तयार गर्यो ।

दिल्लीको बलिंगमा हर्षल पटेलले सर्वाधिक २ विकेट ( ४-०-४०-२ ) लिए। कागीसो रबाडा ( ४-०-४१-१ ) , क्रिस मोरिस ( ४-०-३५-१ ), अमित मिश्रा ( ४-०-३६-१ ) र सन्दिप लामिछाने ( ४-०-२९-१ ) ले समान १/१ विकेट लिए। ५ बलर मध्ये सन्दिप सबैभन्दा किफायती रहे।

 





थप समाचार

ओमान भ्रमण सकेर नेपाली टिमको स्वदेश आगमन, प्रशिक्षक व्हाटमोर फर्केनन्

आईसीसी विश्वकप लिग-२ अन्तर्गत त्रिकोणात्मक एकदिवसीय अन्तर्राष्ट्रिय सिरिजमा सहभागिता पछि ओमान पुगेको नेपाली क्रिकेट टिम मंगलबार बिहान स्वदेश आगमन गरेको […]

ओमानद्वारा अमेरिका ७२ रनले पराजित, सिरिज समाप्तिमा अंकतालिकाको अवस्था

अमेरिकालाई ७२ रनले पराजित गर्दै ओमानले आईसीसी विश्वकप लिग-२ अन्तर्गत एघारौं जित दर्ता गर्न सफल भएको छ। अल अमिरात मैदानमा […]

IPL : बैंगलोरलाई सहजै पराजित गर्दै कोलकाता पाँचौ स्थानमा उक्लियो

रोयल च्यालेन्जर्स बैंगलोरलाई ९ विकेटले पराजित गर्दै कोलकाता नाइट राईडर्सले युएईमा सुरु भएको आईपीएलको दोश्रो फेजको शानदार सुरुवात गरेको छ। […]

चक्रवर्तीले घातक बलिंग गर्दा बैंगलोर ९२ रनमै सिमित

युएईमा जारि आईपीएलको दोश्रो फेज अन्तर्गत लिगको ३१ औं खेलमा रोयल च्यालेन्जर्स बैंगलोर र कोलकाता नाइट राइडर्स प्रतिस्पर्धा गरिरहेका छन्। […]

ICCWCL2 : मक्सुदको अर्धशतक, ओमानद्वारा अमेरिकालाई चुनौतीपूर्ण लक्ष्य

आईसीसी विश्वकप लिग-२ अन्तर्गत ओमानमा जारी नेपाल, ओमान र अमेरिका सम्मिलित त्रिकोणात्मक एकदिवसीय अन्तर्राष्ट्रिय सिरिजको अन्तिम खेलमा ओमान र अमेरिका […]

IPL : कोलकाता बिरुद्ध बैंगलोरले पहिले ब्याटिंग गर्ने, दुई खेलाडीले डेब्यु गर्दै

युएईमा जारी इन्डियन प्रिमियर लिगको ( आईपीएल ) दोश्रो फेज अन्तर्गत लिगको ३१ औं खेलमा रोयल च्यालेन्जर्स बैंगलोर र कोलकाता […]