सन्दिपको उत्कृस्ट बलिंग, पन्जाबले दियो १६४ रनको लक्ष्य



इन्डियन प्रिमियर लिग अन्तर्गत ३७ औं खेलमा दिल्ली क्यापिटल र किंग्स-११ पन्जाब प्रतिस्पर्धा गरिरहेका छन्।

दिल्लीको घरेलु मैदान फिरोजशाह कोटला मैदानमा जारि खेलमा टस जितेर दिल्लीले बलिंग रोजेपछि ब्याटिंग गरेको पन्जाबले २० ओभरमा ७ विकेट गुमाएर १६३ रन बनाएको छ।

पन्जाबको लागि ओपनर क्रिस गेलले सर्वाधिक ६९ रन बनाए जुन क्रममा ३७ बलमा ६ चौका र ५ छक्का प्रहार गरे। यस्तै मन्दिप सिंहले ३० ( २७ बलमा १ चौका र १ छक्का ), हर्प्रित ब्रारले अविजित २० ( १२ बलमा २ चौका र १ छक्का ) र कप्तान रभीचन्द्रन आश्विनले १६ रन बनाए।

दिल्लीको बलिंगमा सन्दिप लामीछानेले सर्वाधिक ३ विकेट लिए जुन क्रममा ४ ओभरमा ४० रन खर्चिए। नेपाली स्पिनरले यस क्रम मा क्रिस गेलको महत्वपूर्ण विकेट लिए। यस्तै केएल राहुल र स्याम करनलाई पनि सन्दिपले विकेट लिंदै दिल्लीको लागि महत्वपूर्ण योगदान दिए।

कागीसो रबाडा ( ४-०-२३-२ ) र अक्षर पटेलले ( ३-०-२२-२ ) २/२ विकेट लिए।

Sandeep Lamichhane

प्रतियोगिता अन्तर्गत दिल्ली अंकतालिकामा ९ खेलमा ५ जित र ४ हार बेहोर्दै तेश्रो स्थानमा रहेको छ भने पन्जाब पनि समान जित/हार सहित दिल्ली भन्दा नेट-रन रेटमा पछि पर्दै चौथो स्थानमा रहेको छ। आज जसले जित्छ त्यो अंकतालिकामा अघि हुनेछ। चेन्नाई १४ अंक सहित पहिलो र मुम्बई १२ अंक सहित तालिकाको दोश्रो स्थानमा रहेको छ।

प्रतियोगितामा दिल्लीले हालसम्म मुम्बई, कोलकाता ( २ पटक ) , बैंगलोर र हैदराबादलाई पराजित गरिसकेको छ भने मुम्बई, हैदराबाद, चेन्नाई र पन्जाबसंग १/१ खेलमा हार बेहोरेको छ।

यस्तो रह्यो सन्दिपको बलिंग

सन्दिपको पहिलो ओभर : ११ रन र १ विकेट ( ६ , ० , ४ , विकेट , ० , १ )

इनिंगको दोश्रो ओभरमा बलिंग गर्न आएका सन्दिपलाई पहिलो बलमा केएल राहुलले विशाल छक्का प्रहार गरे। त्यसपछि तेश्रो बलमा पनि राहुलले चौका हिर्काए। चौथो बलमा सन्दिपले राहुललाई स्टम्प आउट गर्दै बदला लिए।

दोश्रो ओभर : १६ रन ( ४ , ० , ४ , ० , ४ , ४ )

लगत्तै स्पेलमा बलिंग गरेका सन्दिपलाई क्रिस गेलले ओभरको पहिलो, तेश्रो, पाँचौ र छैठौं बलमा गरि ४ चौका प्रहार गरे। २ बल डट गरे पनि सन्दिपले १६ रन खर्चिए।

तेश्रो ओभर : ६ रन र २ विकेट ( ६ , विकेट , ० , ० , ० , विकेट )

पहिलो २ ओभरमा २७ रन खर्चेका सन्दिप १३ औं ओभरमा तेश्रो ओभर गर्न आए। पहिलो बलमै क्रिस गेलले छक्का प्रहार गर्दै सन्दिपको स्वागत गरे। सन्दिपलाई अघिल्लो ओभरमा ४ चौका र यस ओभरमा छक्काले स्वागत गरे पछि ओभरको दोश्रो बलमा गेललाई क्याच आउट गराउदै सन्दिपले बदला लिए।

ठुलो सट खेल्ने चक्कारमा खतरनाक बन्दै गएका गेल लंग अनमा क्याच आउट भए। गेलले ६९ रन बनाईसकेका थिए।

गेलको विकेट पछि नयाँ ब्याट्सम्यान स्याम करनलाई लगातार ३ बल सन्दिपले डट गरे। ओभरको अन्तिम बलमा करनलाई सन्दिपले आफ्नै बलमा आफैले क्याच आउट गरे र तेश्रो विकेट लिए। ओभरमा ६ रन खर्चेका सन्दिपले ५ बलमा रन दिएनन् र गेल र करनको विकेट लिए।

चौथो ओभर : ७ रन ( १ , ४ , ० , १ , ० , १ )

१५ औ ओभरमा स्पेलको अन्तिम ओभर गरेका सन्दिपको दोश्रो बलमा आश्विनले चौका प्रहार गरे जसपछि कसिलो बलिंग गरे। ओभरको अन्तिम बलमा सन्दिपको बलमा रबाडाले क्याच मिस गर्दा चौथो विकेट लिने मौका गुमाए। ४ ओभरमा ४० रन खर्चेर सन्दिपले ३ विकेट लिए।





थप समाचार

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]

आईपीएलमा कोरोना प्रभाव, कोलकाता र बैंगलोरको खेल आज नहुने

भारतमा जारी १४ औं सिजनको इन्डीयन प्रिमियर लिगको सोमबार हुने रोयल च्यालेन्जर्स बैंगलोर र कोलकाता नाइट राइडर्स बीचको खेल सर्ने […]