IPL : पृथ्वी शको अर्धशतक, दिल्लीद्वारा चेन्नाईलाई १७६ रनको लक्ष्य



युएईमा जारि १३ औं आईपीएल अन्तर्गत सातौँ खेलमा चेन्नाई सुपर किंग्स र दिल्ली क्यापिटल्स प्रतिस्पर्धा गरिरहेका छन्। दुबई अन्तर्राष्ट्रिय स्टेडियममा टस हारेर ब्याटिंग गरेको दिल्लीले २० ओभरमा ३ विकेट गुमाएर १७५ रन बनाउदै चेन्नाईलाई १७६ रनको लक्ष्य प्रस्तुत गरेको छ।

दिल्लीको लागि ओपनर पृथ्वी शले लिगमा पाँचौ अर्धशतक बनाउने क्रममा सर्वाधिक ६४ रन बनाए। ४३ बलमा दायाँ हाते ब्याट्सम्यानले ९ चौका र १ छक्का प्रहार गरे। यस्तै रिशभ पन्तले अविजित २५ बलमा ३७ ( ६ चौका )  शिखर धवनले २७ बलमा ३५ ( ३ चौका र १ छक्का ) , श्रेयस ऐयरले २२ बलमा २६ ( १ चौका ) तथा मार्कस स्टोनिसले अविजित ५ रन बनाए।

पृथ्वी शले सर्वाधिक ६४ रन बनाए।

राम्रो सुरुवात गरेको दिल्लीको लागि ओपनर पृथ्वी श र शिखर धवनले पहिलो विकेटको लागि ९४ रनको साझेदारी गरे। ११ र १३ औं ओभरमा धवन र पृथ्वीलाई लेग स्पिनर पियुष चावलाले पेभेलियन फर्काए। धवन एलबिडब्लु तथा पृथ्वी स्टम्प आउट भए। त्यसपछि तेश्रो नम्बरमा आएका रिशभ पन्त र कप्तान श्रेयस ऐयरले तेश्रो विकेटको लागि ५८ रनको साझेदारी गरे। १९ औं ओभरमा ऐयरलाई स्याम करनले धोनीबाट क्याच आउट गराए। त्यसपछि रिशभ पन्त र स्टोइनिस अन्तिमसम्म क्रिजमा रहे।

चेन्नाईको बलिंगमा लेग स्पिनर पियुष चावलाले सर्वाधिक २ विकेट ( ४-०-३३-२ ) तथा स्याम करनले १ विकेट ( ४-०-२७-१ ) लिए। जोश हेजलवुड ( ४-०-२८-० ) , दिपक चाहर ( ४-०-३८-० ) र रभीन्द्र जडेजा ( ४-०-४४-० ) विकेटविहिन रहे।

पियुष चावलाले २ विकेट लिए

सन्दिपले पाएनन् मौका : पहिलो खेलमा पन्जाब बिरुद्ध मौका नपाएका सन्दिपले दोश्रो खेलमा रभीचन्द्रन आश्विन घाइते हुँदा मौका पाउने आशा नेपाली फ्यानहरुले गरेका थिए। आश्विनको पहिको खेलमा पन्जाब बिरुद्ध घाइते भएका थिए। तर भारतीय स्पिनरको सट्टा टिमले भेट्रान लेग स्पिनर अमित मिश्रालाई मौका दिएको छ। कप्तान ऐयरले आश्विन २-३ खेल अझै खेल्न मुस्किल हुने बताएका छन्।  टिमले ४ जना विदेशी खेलाडीको रुपमा शिमरन हेटमायर, मार्कस स्टोइनिस, कागीसो रबाडा र एनरिक नोर्कियालाईनै निरन्तरता दिएको छ। मोहित शर्माको स्थानमा आभेस खानलाई खेलाइएको छ। चेन्नाईले जोश हेजलवुडलाई टिममा मौका दिएको छ भने लुंगी एनगीडीलाई बाहिर राखेको छ।

लिग अन्तर्गत चेन्नाईले पहिलो खेलमा मुम्बईलाई ५ विकेटले पराजित गर्दा दोश्रो खेलमा राजस्थानसंग १६ रनले पराजित भएको थियो। दिल्लीले पहिलो खेलमा किंग्स-११ पन्जाबलाई सुपर ओभरमा पराजित गरेको थियो। लिग इतिहासमा दुई टिमले एकअर्कासंग हालसम्म २१ खेल खेलेका छन् जसमध्ये चेन्नाई १५ तथा दिल्ली ६ पटक विजयी भएको छ। अन्तिम पटक २०१९ मा चेन्नाईले दिल्लीलाई दोश्रो क्वालीफायरमा ६ विकेटले पराजित गरेको थियो।

किन दिदैन दिल्लीले सन्दिपलाई मौका ?

बिराट र अनुष्काबारे कमेन्ट गर्दा गावस्कर विवादमा

आलोचना पछि धोनीको बचाउ गर्दै प्रशिक्षक फ्लेमिंगले के भने

ढिलो ओभर रेटका कारण कोहलीलाई १२ लाख भारु जरिवाना





थप समाचार

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]