धमलाको आक्रामक अर्धशतक मदतले पुलिस फाइनलमा : आरपीएल टि-२०



( फिचर फोटो – फाइल )

  • विकेटनेपाल, असोज २२ 

सुनिल धमलाले आक्रामक अर्धशतकीय पारि खेलेपछि रौतहटमा जारि रौतहट प्रिमियर लिग ( आरपीएल ) टि-२० अन्तर्गत सोमबार सम्पन्न पहिलो सेमीफाइनल खेलमा नेपाल पुलिस क्लबले मलपोखरी क्रिकेट क्लबलाई ७६ रनको फराकिलो अन्तरले पराजित गर्दै फाइनलमा स्थान पक्का गरेको छ।

नेपाल पुलिस क्लबलाई फाइनलमा पुर्याउनको लागि ओपनर ब्याट्सम्यान धमलाले ७८ रनको पारि खेल्नेक्रममा ५५ बलमा १० चौका र ३ छक्का प्रहार गरे। म्यान अफ द म्याच समेत घोषित उनले बलिंगतर्फ पनि २ विकेट लिने क्रममा ४ ओभरमा १ मेडन राख्दै १९ रन खर्चे।

टस जितेर पहिले ब्याटिंग गरेको नेपाल पुलिस क्लबले निर्धारित २० ओभरमा ६ विकेट गुमाएर १६० रनको योगफल तयार पारेको थियो। उसका लागि कप्तान मन्जीत श्रेष्ठले आक्रामक २८ रन बनाउने क्रममा १४ बलमा ४ चौका र १ छक्का प्रहार गरेका थिए। त्यस्तै कुशल भुर्तेलले १६ रन (८ बल), दिलिप नाथले १३ रन (२५ बल), अमित श्रेष्ठले १० रन (१५ बल) बनाए। सिद्धान्त लोहनी २ बलको सामना गर्दै १ रनमा आउट भए।

बलिंगतर्फ मालपोखरी क्रिकेट क्लबका कमल ओलीले ४ विकेट लिनेक्रममा ३५ रन लिएका थिए भने भोजराज भट्ट र सोहन यादवको नाममा १/१ विकेट रह्यो।

Sunil Dhamala
Sunil Dhamala ( File Photo )

जवाफमा १६१ रनको लक्ष्य पछ्याएको मालपोखरी क्रिकेट क्लबले १८.४ ओभरमा सबै विकेट गुमाउँदै मात्र ८४ रन बनाउन सक्यो। उसलाई सास्तैमा समेट्न पुलिसका प्रेम तामांगले ३ विकेट लिंदा मन्जीत श्रेष्ठ, सुनिल धमला र योगेन्द्र कार्कीको नाममा समान २/२  विकेट रह्यो। १ विकेट रामनरेश गिरिले लिए।

मालपोखरी क्रिकेट क्लबको लागि अम्ब्रोस शाहले अविजित २६ रन (२१ बल) तथा कमल ओली र भुवन गैरेले समान १२/१२ रन बनाएपनि अन्य खेलाडीले दोहोरो अङ्कमा रन बनाउन सकेनन्।

प्रतियोगिता अन्तर्गत दोश्रो सेमीफाइनल खेल मंगलबार खेलिनेछ जसमा ओएसीस क्रिकेट एकेडेमी र वाईवाई ग्रेट हिमालय क्रिकेट एकेडेमीले प्रतिस्पर्धा गर्नेछन्।

प्रतियोगिताको बिजेताले नगद ३ लाख ५० हजार सहित ट्रफी, मेडल र प्रमाण पत्र हात पार्ने छन्। यस्तै उपविजेताले नगद १ लाख ५० हजार सहित ट्रफी, मेडल र प्रमाण पत्र हात पार्नेछन्।





थप समाचार

‘लिटल फ्लावर प्रिमियर लिग’को ट्रफी सार्वजनिक

कैलाली, फागुन १४– ‘लिटल फ्लावर प्रिमियर लिग’ विद्यालयस्तरीय यु–१९ राष्ट्रिय क्रिकेट प्रतियोगिता पाँचौँ संस्करणको आज धनगढीमा ट्रफी सार्वजनिक गरिएको छ […]

पीएसएल : रिजवान र मक्सुद चम्किदा मुल्तानको पहिलो जित

पाकिस्तान सुपर लिग अन्तर्गत शुक्रबार सम्पन्न खेलमा मुल्तान सुल्तान्सले पहिलो जित दर्ता गर्ने क्रममा लाहोर कलन्दर्सलाई ७ विकेटले पराजित गरेको […]

कास्की जिल्ला क्रिकेट संघको साधारण सभा सम्पन्न

कास्की जिल्ला क्रिकेट संघको तेश्रो साधारण सभा आज पोखरामा सम्पन्न भएको छ । कोभिड–१९ महामारीका कारण रोकिएको कास्की जिल्ला क्रिकेट […]

युसुफ पठानद्वारा सन्यास घोषणा, जसको नाममा छ यस्तो रोचक रेकर्ड

३७ वर्षीय भारतीय अलराउण्डर युसुफ पठानले सबै फर्म्याटको क्रिकेटबाट सन्यासको घोषणा गरेका छन्। भारतको लागि ५७ वटा एकदिवसीय अन्तर्राष्ट्रिय र […]

रुपन्देही सुपर लिग : इशान पाण्डेले अलराउण्ड प्रदर्शन गर्दा बुटवल विजयी, राइनोज डिभिजन ‘बी’मा घटुवा

प्रकाश न्यौपाने, भैरहवा, फागुन १४ भैरहवास्थित सिद्धार्थ रंगशालामा जारी नेपाल टेलिकम रुपन्देही सुपर लिग क्रिकेट प्रतियोगिता अन्तर्गत शुक्रबार भएको डिभिजन […]

नरेन्द्र मोदी स्टेडियमको पिच बारे बोले रुट “दर्शकहरु लुटिएझैँ महसुस भयो”

भारत र इंग्ल्यान्ड बीचको टेस्ट सिरिज अन्तर्गत अहमदावादको नव निर्मित नरेन्द्र मोदी स्टेडियममा आयोजित तेश्रो टेस्ट दुई दिनमै सकिएपछि इंगलिस […]