विवादास्पद निर्णयको बाबजुद धर्मसेनाले फाइनलमा अम्पायरिंग गर्ने



इंग्ल्याण्ड र अस्ट्रेलिया बीचको विश्वकप सेमीफाइनल खेलमा विवादास्पद निर्णयका बाबजुद  कुमार धर्मसेनाले विश्वकप फाइनलमा अम्पायरको भूमिका निभाउने भएका छन्।

जेसन रोयलाई अस्ट्रेलियासंगको खेलमा धर्मसेनाले जेसन रोयलाई प्याट कमिन्सको बलमा आउट दिएका थिए जबकी ब्याट र बलको कुनै सम्पर्कनै भएको थिएन। ८५ रन बनाएका रोय आउट भएपछि रिप्लेमा हेर्दा ब्याटले नछोएको स्पस्ट देखिएको थियो।

त्यसपछि अम्पायरले रोयलाई निर्णय चित्त नबुझे डिसिजन रिभ्यु गर्न आग्रह गरेका थिए। अम्पायरले त्यो बिचार गरेनन् कि रिभ्यु सकीसकेको थियो। बेयरस्टोले यस अघिनै मिचेल स्टार्कबाट आउट हुँदा रिभ्यु प्रयोग गरिसकेका थिए।

खराब निर्णय पछि रोयले मैदानमा ‘फकिंग एमबारेसिंग’ भनेका थिए जुन स्टम्प माइकमा सुनिएको थियो।त्यसैकारण रोयलाई २ वटा डीमेरिट पोइन्ट र म्याच फिको ३० प्रतिशत जरिवाना समेत गरिएको थियो। रोयले त्यसलाई स्वीकार गरिसकेका छन्।

रोयको कुल ३ वटा डी मेरिट पोइन्ट पुगीसकेको छ र यदी एउटा अर्को डीमेरिट पोइन्ट पाएको भए फाइनल खेल खेल्न पाउने थिएनन्। अब २ वर्ष भित्र अर्को डीमेरिट अंक पाएमा उनले एउटा टेस्ट अथवा २ वटा एकदिवसीय अन्तर्राष्ट्रिय खेल्न पाउने छैनन्।

धर्मसेनाले सन् २०१२ र २०१८ गरि २ पटक अम्पायर अफ ड एयरको अवार्ड जितीसकेका छन्। लगातार दोश्रो पटक विश्वकप फाइनलमा अम्पायरको भूमिका निर्वाह गर्न लागेका उनि सन् २०१६ टि-२० विश्वकप फाइनलमा पनि अम्पायरको भूमिकामा थिए।

फाइनलमा धर्मसेनासंगै मरेस इरस्मस अम्पायरको भूमिकामा हुनेछन्। फाइनलमा न्युजिल्याण्ड र इंग्ल्याण्ड  प्रतिस्पर्धा गर्दैछन्। खेलमा थर्ड अम्पायरको भूमिकामा रोड टकर तथा रन्जन मदुगल्ले म्याच रेफ्रीको भूमिकामा हुनेछन्।

( ईएसपीएन क्रिक्इन्फोको सहयोगमा )





थप समाचार

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]