प्रथम धौलागिरी च्याम्पियनसिप टि-२० क्रीकेट प्रतियोगिताको उपाधि डिसिसलाई



  • सन्तोष क्षत्री , बाग्लुङ

प्रथम धौलागिरी च्याम्पियनसिप टि-२० क्रीकेट प्रतियोगिताको उपाधि धौलागिरी क्रीकेट क्लबले जितेको छ ।
आइतबार सम्पन्न फाइनल खेलमा आयोजक धौलागिरी क्रीकेट क्लब (डिसिस)ले पाङ क्रीकेट क्लब पर्वतलाई ६६ रनले पराजित गर्दै उपाधी उचालेको हो ।

धौलागिरी क्रीकेट क्लबले दिएको १ सय ६५ रनको लक्ष्य पछ्याएको पाङ १७ ओभर १ बलमा ९८ रन बनाएर अलआउट भएको थियो । पाङलाई सस्तैमा समेटने क्रममा धौलागिरी क्रीकेट क्लबका तेजेन्द्र घर्तीमगरले २ ओभरमा १७ रन दिएर २ विकेट तथा सन्देश खडकाले २ ओभर १ बलमा २० रन दिएर २ विकेट लिए ।

टस जितेर पहिले ब्याटिङ गरेको धौलागिरी क्रीकेट क्लबले कप्तान दिपक कुवरको २१ बलमा ३४ रन, पासिङ पुनको २४ बलमा २८ रन र बिजय बिश्वकर्मको २४ बलमा २५ रनको मद्दतमा १ सय ६४ रन बनाएको थियो । पाङ्ग क्रीकेट क्लबका हरि रिजालले ४ ओभरमा ३९ रन दिएर ३ बिकेट तथा इश्वर रेग्मीले ४ ओभरमा २५ रन दिएर १ विकेट लिए । १० बल १६ रन प्रहार गर्दै २ ओभरमा १७ रन दिएर २ विकेट लिएका धौलागिरी क्रीकेट क्लबका तेजेन्द्र घर्ती मगर म्यान अफ दि फाइनल भए ।

बिजेता बनेको धौलागिरी क्रीकेट क्लब बागलुङ लाई नगद तीस हजार संगै ट्रफी, मेड्ल र प्रमाणपत्र तथा उपविजेता पाङ क्रीकेट क्लब पर्वतलाई नगद १५ हजार ट्रफी, मेड्ल र प्रमाणपत्र जिल्ला खेलकुद बिकास समिति बागलुङका अध्यक्ष धन बहादुर परियार, बाग्लुङ क्रीकेट बिकास समितिका अध्यक्ष बिष्णु आचार्य र मुख्य प्रायोजक क्यापिटल एब्रोड स्टडी सेन्टर पोखराका म्यानेजिङ्ग डिरेक्टर बिक्रम सापकोटाले प्रदान गरे ।

यस्तै प्रतियोगिता भर उत्कृष्ट प्रदर्शन गरेका पाङ क्रीकेट क्लब पर्वतका कप्तान कमल रिजाल म्यान अफ दि सिरिज भए भने बागलुङ क्रीकेट क्लबका किसान खड्का बेस्ट ब्याट्सम्यान र सुवर्ण खड्का बेस्ट बलर बने ।

चैत ७ गते देखी बागलुङको बाङ्गैचौर खेलमैदानमा संचालन भएको प्रतियोगितामा धौलागिरीका १० टिमको सहभागीता रहेको थियो ।
धौलागिरी क्रीकेट क्लबका अध्यक्ष रामु खड्काको अध्यक्षतामा सम्पन्न समापन तथा पुरस्कार बितरण समारोहको सन्चालन रोशन कुवरले गरेका थिए ।





थप समाचार

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]

आईपीएल अनिश्चितकालको लागि स्थगित

बढ्दो कोभीड-१९ केसहरुका कारण भारतमा जारि इन्डीएन प्रिमीयर लिग ( आईपीएल ) को १४ औं संस्करण अनिश्चित समयको लागि स्थगित […]

आईपीएलमा कोरोना प्रभाव, कोलकाता र बैंगलोरको खेल आज नहुने

भारतमा जारी १४ औं सिजनको इन्डीयन प्रिमियर लिगको सोमबार हुने रोयल च्यालेन्जर्स बैंगलोर र कोलकाता नाइट राइडर्स बीचको खेल सर्ने […]