धवनको बिस्फोटमा भारतको बिशाल जित, धवनले तोडे आफ्नै रेकर्ड



  • विकेटनेपाल, ४ भदौ 

शिखर धवनले विस्फोटक ब्याटिंग गर्दै अविजित शतकीय इनिंग खेलेपछि श्रीलंकालाई पहिलो एकदिवसीयमा भारतले ९ विकेटको बिशाल अन्तरले पराजित गरेको छ l

दाम्बुला मैदानमा श्रीलंकाले टस हारेर पहिले ब्याटिंग गर्दै दिएको २१७ रनको लक्ष भारतले १ विकेट मात्रै गुमाई मात्र २८.५ ओभरमै पुरा गरेको हो l जितसंगै ५ एकदिवसीय खेलको सिरिजमा भारतले १-० को अग्रता लिएको छ l

भारतीय ओपनर धवनले मात्र ७१ बलमा वानडे करियरको ११ औं शतक पुरा गरेका थिए l अन्तिम सम्म क्रिज नछोडेका उनले अविजित १३२ रन बनाउने क्रममा मात्र ९० बलमा ३ छक्का र २० चौका प्रहार गर्दै श्रीलंकन बलरको पसिना छुटाएका थिए l

ओपनर रोहित शर्मा व्यक्तिगत ४ रनमा आउट भएपछि धवनले कप्तान बिराट कोहलीसंग दोश्रो विकेटको लागि १९७ रनको साझेदारी गरेका थिए l

कोहलीले अविजित ८२ रन बनाउने क्रममा ७० बलमा १ छक्का र १० चौका प्रहार गरेका थिए l

यसअघि पहिले ब्याटिंग गरेको श्रीलंकाको लागि ओपनर निरोशन डिकवेला र दनुश्का गुनथिलाकाले राम्रो सुरुवात दिलाएका थिए l गुनथिलाका १४ औं ओभरमा पहिलो विकेटको रुपमा युजभेन्द्र चाहलको शिकार हुनु अघि ३५ रन बनाएका थिए l

दोश्रो विकेटको लागि डिकवेलाले कुसल मेन्डिससंग ६५ रनको साझेदारी गरेपछि डिकवेला ६४ रनको स्कोरमा केदार जाधबको बलमा एलबिडब्लु शिकार भएका थिए l ७४ बलमा उनले ८ चौका प्रहार गरे l

मेन्डिस ३६ रन बनाएर अक्षर पटेलको बलमा बोल्ड भएपछि २८ औं ओभरमा १५०/३ को स्थितिमा पुगेको श्रीलंकाले त्यसपछि लगातार विकेट गुमाएको थियो l एन्जेलो म्यथुज ३६ रन बनाएर अविजित रहे भने कप्तान वुपुल थरंगा ( १३ ) , चमरा कपुगेद्रा ( १ ) , वानिन्दु हसरंगा ( २ ) रन बनाएर पेभेलियन फर्किएका थिए l फलस्वरुप ४३.२ ओभरमा श्रीलंकाले सम्पूर्ण विकेट गुमाउन पुग्यो l

भारतीय बलर अक्षर पटेलले सर्बाधिक ३ विकेट ( १०-०-३४-३ ) हात पारे भने केदार जाधब, जस्प्रित बुम्राह र युजभेन्द्र चाहलले समान २/२ विकेट आफ्नो नाम गरेका थिए l

श्रीलंका यस अघि सम्पन्न ३ टेस्ट म्याचको सिरिजमा ३-० ले पराजित भइसकेको छ l

धवनको रेकर्ड शतक , तोडे आफ्नै रेकर्ड 

श्रीलंका बिरुद्ध मात्र ७१ बलमा शतक बनाउदै शिखर धवन श्रीलंकामा सबैभन्दा छिटो शतक प्रहार गर्ने ब्याट्सम्यान बनेका छन् l धवनको व्यक्तिगत रुपमा पनि यो सबैभन्दा छिटो शतक हो l

उनले सन् २०१३ मा वेस्ट इन्डिज बिरुद्ध कानपुरमा ७३ बलमा शतक बनाएका थिए भने २०१३ मै दक्षिण अफ्रीका बिरुद्ध च्याम्पियन्स ट्रफीमा ८० बलमा शतक प्रहार गरेका थिए l

धवन खेलको म्यान अफ द म्याच चुनिए

वानडे करियरको ११ औँ शतक पुरा गर्दा उनले १४० को स्ट्राइक रेटमा १६ चौका र २ छक्का प्रहार गरिसकेका थिए l अविजित १३२ रन बनाउने क्रममा उनले आक्रामक ब्याटिंग प्रदर्शन गरेका थिए l

श्रीलंकासंग अन्तिम पटक भारतले च्याम्पियन्स ट्रफी २०१७ मा खेलेको थियो जुन खेलमा धवनले १२५ रनको इनिंग खेलेका थिए l श्रीलंकासंग यस भन्दा अघिको ५ खेलमा धावनको स्कोर ९४, ११३ , ७९, ९१ र १२५ रहेको छ l

आजको शतक पछि अन्तिम ६ इनिंगमा श्रीलंकासंग धवनको ३ वटा शतक पुगेको छ l धवन यस अघि टेस्ट सिरिजमा पनि म्यान अफ द सिरिज घोषित भएका थिए l

 





थप समाचार

श्रीलंकाले जित्यो भारत बिरुद्ध टि-२० सिरिज, टुट्यो भारतको अपराजित यात्रा

तेश्रो तथा निर्णायक खेलमा भारतलाई ७ विकेटले पराजित गर्दै घरेलु टोलि श्रीलंकाले तिन खेलको टि-ट्वान्टी अन्तर्राष्ट्रियको सिरिज २-१ ले जितेको […]

हसरंगाले घातक बलिंग गर्दा भारतको लज्जास्पद ब्याटिंग प्रदर्शन

भारतको श्रीलंका भ्रमण अन्तर्गत तेश्रो तथा निर्णायक टि-२० जित्दै सिरिज जित्न भारतले श्रीलंकालाई ८२ रनको लक्ष्य प्रस्तुत गरेको छ। आर […]

क्यान प्रदेश-२ द्वारा विश्वकीर्तिमानी आलमलाई राष्ट्रिय सम्मान सहितको विदाइको माग

१४ साउन, बर्दिबास । प्रदेश क्रिकेट संघ प्रदेश नं. २ ले बुधवार सम्पन्न बैठकमा बिभिन्न महत्वपुर्ण १५ वटा निर्णय गरेको […]

डी सिल्भा चम्किँदा रोमान्चक खेलमा श्रीलंकाद्वारा भारत पराजित

दोश्रो खेलमा भारतलाई ४ विकेटले पराजित गर्दै श्रीलंकाले तिन खेलको टि-२० अन्तर्राष्ट्रिय सिरिज १-१ को बराबरीमा ल्याएको छ। सिरिज अन्तर्गत […]

भारतद्वारा श्रीलंकालाई सामान्य लक्ष्य

भारतको श्रीलंका भ्रमण अन्तर्गत तिन खेलको टि-२० अन्तर्राष्ट्रिय सिरिज अन्तर्गत दोश्रो खेल जित्न भारतले श्रीलंकालाई १३३ रनको लक्ष्य प्रस्तुत गरेको […]

द हन्ड्रेड : बेयरस्टो र निशम चम्किंदा वेल्सको लगातार जित

इंग्ल्यान्डमा जारि पहिलो संस्करणको ‘द हन्ड्रेड’ लिग अन्तर्गत गय रातीको खेलमा जोनी बेयरस्टो कप्तानीको वेल्स फायरले जेम्स भिन्स कप्तानको साउदर्न […]