रोमान्चक खेलमा भारतको जित, धवनको आक्रामक इनिंग



  • विकेटनेपाल, कार्तिक २५ 

भारत भ्रमण अन्तर्गत टि-२० सिरिज अन्तर्गत विन्डीजले रोमान्चक खेलमा लगातार तेश्रो हार बेहोरेको छ जसपछि ३ टि-२० को सिरिज भारतले ३-० ले क्लिन स्विप गर्न सफल भएको छ। यस अघि दोश्रो टि-२० मा भारत ७१ रनले तथा पहिलो टि-२० मा ५ विकेटले विजयी भएको थियो। यस अघिनै सम्पन्न ५ एकदिवसीय सिरिज भारतले ३-१ ले तथा २ वटा टेस्ट भारतलेनै २-० ले जितेको थियो।

विन्डीजको ब्याटिंग 

चेन्नाईको चिन्नस्वामी स्टेडियममा टस जितेर ब्याटिंग रोजेको विन्डीजले निर्धारित २० ओभरमा मात्र ३ विकेट गुमाएर १८१ रनको योगफल तयार गरेको थियो।

विन्डीजको लागि पाँचौ नम्बरमा ब्याटिंग गरेका निकोलस पुरनले आक्रामक ब्याटिंग गर्दै मात्र २५ बलमा सम ४/४ चौका/छक्का मदतले करियरकै पहिलो अर्धशतक बनाउने क्रममा अविजित ५३ रन बनाएका थिए। यस्तै डेरेन ब्राभोले अविजित ४३ रन ( ३७ बल, २/२ चौका र छक्का ) बनाए।

३ विकेट ९४ रनको स्कोरमा ( १२.५ ओभर ) झरेको अवस्थामा पुरन र ब्राभोले ८७ रनको साझेदारी गरेका थिए। इनिंगको अन्तिम ओभरमा पुरनले खलिल एहमदको ओभरमा २३ रन ( २ छक्का र २ चौका ) प्रहार गरेका थिए।

भारतीय बलर युज्भेन्द्र चहलले २ र वाशिंगटन सुन्दरले १ विकेट लिए।

 धवनको विस्फोटक इनिंग 

१८२ रनको लक्ष्य पछ्याउने क्रममा भारतलाई जित दिलाउन ओपनिङ्ग ब्याटिंग गरेका शिखर धवनले शानदार इनिंग खेले। ९२ रन बनाउने क्रममा उनले ६२ बलमा १० चौका र २ छक्का प्रहार गर्दै जितको आधार तय गरेका थिए।

कप्तान रोहित शर्मा ( ४ रन ) र लोकेश राहुल ( १७ रन ) लाई चाडै गुमाएपछि धवनले तेश्रो विकेटको लागि रिशभ पन्तसंग १३० रनको बिशाल साझेदारी गरेका थिए। पन्त ५८ रन बनाएर आउट भए जसअघि ३८ बलमा ३ छक्का र ५ चौका प्रहार गरे।

रोमान्चक अन्तिम ओभर 

एक समय भारत सहज जिततर्फ अघि बढेको भए पनि अन्तिम ओभरमा भने खेल रोमान्चक बनेको थियो।

अन्तिम ओभरमा भारतलाई जितको लागि मात्र ५ रन आवस्यक हुँदा विन्डीज बलर फाबियन एलेनले शानदार बलिङ्ग गर्दै खेल रोमान्चक स्थितिमा पुर्याएका थिए।

ओभरको पहिलो बलमा शिखर धवनले २ रन तथा दोश्रो बलमा धवनले १ रन लिएपछि तेश्रो बलमा मनिष पाण्डेले १ रन लिंदै धवनलाई स्ट्राइक दिएका थिए। जितको लागि ३ बलमा मात्र १ रन आवस्यक रहंदा ओभरको चौथो बलमा धवनले रन बनाउने सकेनन् भने पाँचौ बलमा पोलार्डको हातबाट क्याच आउट हुँदा खेलले नाटकीय मोड लिएको थियो।

अन्तिम बलमा जितको लागि १ रन आवस्यक हुँदा मनिष पाण्डेले १ रन लिंदै टिमलाई ६ विकेटको रोमान्चक जित दिलाएका थिए।

विन्डीज बलर केमो पउलले २ तथा फ़ाबियन एलेनले १ विकेट लिए।





थप समाचार

लिटल फ्लावर प्रिमियर लिग-५ को खेल तालिका सार्वजनिक

धनगढीः फागुन १५ गतेदेखि २९ गतेसम्म धनगढीमा आयोजना हुने चण्डिका ग्रुप लिटल फ्लावर प्रिमियर लिग–५ को खेल तालिका सार्वजनिक गरिएको […]

रोहितको अर्धशतकले भारत अग्रतातर्फ

इंग्ल्यान्डको भारत भ्रमण अन्तर्गत तेश्रो टेस्टको पहिलो दिनको समाप्तिमा भारत पहिलो इनिंग्समा अग्रतातर्फ अघि बढेको छ। विश्वकै ठुलो अहमदावाद स्थित […]

सप्तरी प्रिमियर लिगको तेश्रो संस्करण चैत्र ५ गते देखि

मेयर कप सप्तरी प्रिमियर लिगको ( एसपीएल ) तेश्रो संस्करण चैत्र ५ गते देखि सप्तरीको राजविराजमा सुरु हुने भएको छ। […]

आईपीएल इतिहासकै महँगो मोरिस ‘द हन्ड्रेड’ मा बिकेनन्

६ दिन अघि मात्रै इन्डियन प्रिमियर लिग ( आईपीएल ) अक्सनमा इतिहासकै महँगो मूल्यमा बिक्रि भएका क्रिस मोरिसले १६.२५ करोड […]

गौतम बुद्ध रङ्गशालालाई सगरमाथा इन्जिनीयरिङ कलेजको आर्थिक सहयोग

काठमाडौँ, १२ फागुन ललितपुर, सानेपास्थित सगरमाथा इन्जिनीयरिङ कलेज तथा सगरमाथा कलेज अफ साइन्स एण्ड टेक्नोलोजीले ‘धुर्मुस –सुन्तली फाउण्डेसन’लाई रु २ […]

अक्षर पटेलले ६ विकेट लिंदा इंग्ल्यान्ड ११२ मै सिमित

अस्ट्रेलियाको भारत भ्रमण अन्तर्गत तेश्रो डे-नाइट टेस्टमा टस जितेर ब्याटिंग रोजेको भ्रमण टोलि ११२ रनमै समेटिन पुगेको छ। नव निर्मित […]