धवन र राहुलको रेकर्ड साझेदारी तोड्दै श्रीलंका खेलमा फर्कियो



  • विकेटनेपाल, साउन २७

पहिलो दिन : भारत – ३२९/६ ( शिखर धवन ११९, केएल राहुल ८५, बिराट कोहली ४२ , पुस्पकुमारा ३/४० , लक्षन सन्दकन २/८४ )

भारत र श्रीलंका बीच आज पालेकेले मैदानमा सुरु भएको अन्तिम टेस्टको पहिलो दिनको समाप्तिमा भारतले ३२९/६ को स्कोर बनाएको छ l

लगातार तेश्रो टेस्टमा टस जित्दै कप्तान बिराट कोहलीले ब्याटिंग गर्ने निर्णय गरेपछि ओपनर शिखर धवन र केएल राहुलले पहिलो विकेटको साझेदारीको रुपमा १८८ रन बनाउदै भारतलाई मजबुत स्थितिमा पुर्याएका थिए l

३९.३ ओभरमा पहिलो विकेटको रुपमा राहुल ८५ रन बनाएर आउट हुनु अघि दुई ओपनरले झन्डै ५ रन प्रतिओभरको औसतमा रन बनाएका थिए l राहुलले १३५ बल सामना गर्दा ८ चौका प्रहार गरे l

शिखर धवनले टेस्ट करियरको छैठौं र सिरिजमा दोश्रो शतक प्रहार गर्ने क्रममा ११९ रनको इनिंग खेल्दै ४८ औं ओभरमा विकेट गुमाउदा भारतको स्कोर २१९/३ पुगेको थियो l उनले १२३ बलमै ९६.७४ को स्ट्राईक रेटले रन बनाउदा १७ चौका प्रहार गरे l

धवनले टेस्ट करियरको छैठौं र सिरिजमा दोश्रो शतक प्रहार गर्ने क्रममा ११९ रन बनाए ©ICC 

धवन र राहुल दुवैलाई देब्रे हाते स्पिनर पुस्पकुमाराले पेभेलियनको बाटो देखाएपछि निरन्तर अन्तरालमा भारतले विकेट गुमाउन पुगेको थियो l उनले कुल ३ विकेट हात पार्ने क्रममा १८ ओभरमा ४० रन खर्चिएका छन् l

तेश्रो नम्बरका चेतेश्वर पुजार ८, बिराट कोहली ४२, अजिंके रहाने १७ तथा रबिचन्द्रन आश्विन ३१ रन बनाएर आउट भएपछि श्रीलंकाले भारतलाई ठुलो स्कोरतर्फ लम्कन थामेको छ l

लामो इनिंग खेल्ने संकेत देखाएका कप्तान बिराट कोहलीलाई सिरिजमा पहिलो टेस्ट खेलीरहेका देब्रे-हाते चाइनाम्यान बलर लक्षन संदकनले करुनारत्नेको हातबाट क्याच आउट गराएका थिए l

बिराट कोहलीको विकेट लिएपछि लक्षन संदकनको खुसि ©ICC 

पहिलो दिनको खेल सकिंदा हार्दिक पाण्डे १ रन तथा रिद्दिमान शाह १३ रन बनाएर ब्याटिंग गरिरहेका छन् l

पहिलो र दोश्रो टेस्ट ठुलो अन्तरले हारेको श्रीलंकालाई यो टेस्ट जित्दै आफ्नो साख जोगाउने चिन्ता छ भने भारत तेश्रो टेस्ट पनि आफ्नो पक्षमा पार्दै सिरिज क्लिनस्विप गर्न चाहन्छ l

धवन र राहुलको कीर्तिमानी साझेदारी 

शिखर धवन र केएल राहुलले १८८ रनको ओपनिंग साझेदारी गर्दै श्रीलंका बिरुद्ध सबैभन्दा ठुलो साझेदारी गर्ने भारतीय ओपनिंग जोडी बनेका छन् l सन् १९९३ मा नब्जोत सिंह सिद्धु र मनोज प्रभाकरले श्रीलंकासंग १७१ रनको साझेदारी गरेका थिए जुन रेकर्ड धवन-राहुलको जोडीले तोडेका हुन् l सन् २००८ मा गौतम गम्भीर र बिरेन्द्र सेहवागको जोडीले पनि श्रीलंकासंग १६७ रनको साझेदारी गरेका थिए l

 





थप समाचार

धनगढी सुपर लिग : लिटल फ्लावर र कैलाली जिल्ला क्रिकेट क्लब विजयी

धनगढी ११ जेठ – कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिगमा’ लिटल फ्लावर क्रीकेट क्लब र कैलाली […]

कप्तान सन्दिप सहित ६ राष्ट्रिय क्रिकेटरलाई ज्यापको प्रायोजन 

नेपाली राष्ट्रिय क्रिकेट टिमका ६ जना क्रिकेटरलाई क्रिकेट खेल सामग्री उत्पादन गर्ने भारतीय कम्पनि ‘ज्याप क्रिकेट’ ले प्रायोजन गरेको छ। […]

एनपीएल टि-२० : टिमहरुको नाम सार्वजनिक, खेलाडीको तलव वृद्धि

नेपाल क्रिकेट संघको आयोजनामा सेप्टेम्बर २४ देखि अक्टोबर २२ ( असोज ८ देखि कार्तिक ५ ) सम्म आयोजना हुने नेपाल […]

मिलर चम्किंदा गुजरात आइपिएलको फाइनलमा

गुजरात टाइटन्स आइपिएलको फाइनलमा प्रवेश गरेको छ । पहिलो क्वालिफायर खेलमा गुजरात टाइटन्सले राजस्थान रोयल्सलाई ७ विकेटले हराएको हो । […]

सरकारको नीति तथा कार्यक्रम : फाप्ला र गौतम बुद्ध अन्तर्राष्ट्रिय स्टेडियम पूरा गर्ने

नेपाल सरकारले सातवटै प्रदेशमा सुविधासम्पन्न दशरथ रंगशाला निर्माण गर्ने भएको छ । मंगलबार राष्ट्रपति विद्यादेवी भण्डारीले प्रस्तुत गर्नुभएको सरकारको नीति […]

डीएसएल : दाङको देउखुरी वारियर्स र कैलाली जिल्ला क्रीकेट क्लब विजयी

कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिग’ मा दाङको देउखुरी वारियर्स क्रीकेट क्लब र कैलाली जिल्ला क्रीकेट […]