आईपीएल २०२१ को लागि धोनीले बताए आफ्नो योजना



प्लेअफ पुग्न असफल भएता पनि अन्तिम ३ खेलमा लगातार जित सहित चेन्नाई सुपर किंग्सले सकारात्मक लयमा आईपीएल २०२० को अन्त्य गर्यो। खेल अघि टसको क्रममा धोनीले २०२१ आईपीएलमा पनि आफू खेल्ने बताए भने खेलपछि अन्तर्वार्तामा आगामी सिजन ठूला परिवर्तनहरु गर्ने घोषणा गरे।

३ पटकको विजेता चेन्नाई टिमलाई राम्रो बनाउन धोनीले प्रमुख टिममा परिवर्तन हुने बताएका छन्।

“धेरै कुरा बिसीसीआईले अक्सन गर्छ या गर्दैनमा निर्भर गर्छ। हामीले हाम्रो प्रमुख समुहमा परिवर्तन गर्दै आगामी १० वर्षको लागि सोच्नुपर्छ। आईपीएलको सुरुवातमा हामीले एउटा टिम बनायौ जसले राम्रो प्रदर्शन गरे। अब हामीले परिवर्तन गर्ने समय आएको छ र आगामी पुस्तालाई हस्तान्तरण गर्ने समय आएको छ। नयाँ र बलियो ‘कोर ग्रुप’ बनाउनु पर्छ।”

चेन्नाई टिममा यो पटक अधिकांश ३५ वर्ष वर-परका खेलाडीहरु समाबेश रहेका थिए।  फाफ डु प्लेसी, इमरान ताहिर, शेन वाटसन, केदार जाधब, अम्बाती रायडु, मुरली विजय, ड्वेन ब्राभो जस्ता खेलाडीहरुको भविष्य टिममा नरहेको संकेत धोनीले गरेका हुन्।

धोनीले फ्यानहरुलाई सन्देश दिंदै टिम २०२१ मा बलियो रुपमा पुनरागमन गर्ने बताए – “हामिले बलियो रुपमा पुनरागमन गर्नेछौँ जसको लागि हामि चिनिने गर्छौं। यो आईपीएल त्यस्तो सिजन मध्ये रह्यो जहाँ अधिकांश टिमले राम्रो प्रदर्शन गरे। अथवा भनौ मुम्बईले उत्कृस्ट खेल्यो र अन्य सबै टिमले समग्रमा राम्रो गर्न सकेनन्। हेर्ने नजरको कुरा हो।”

“हाम्रो लागि प्रतियोगिता कठिन थियो। हामीले क्षमता अनुसार खेल्न सकेनौ। धेरै कुरा काम नगर्दा प्रदर्शन गर्न कठिन हुन्छ। म गर्व गर्छु जसरि उनीहरुले क्रिकेट खेले। पहिलो ६-७ वटा खेल निकै मुस्किल थियो। तपाई त्यस्तो ड्रेसिंग रुममा जान चाहनुहुन्न जसले क्रिकेटको मजा लिईरहेको छैन। तपाई सधै फरक उपाए लिएर जानुहुन्छ तर यदी ड्रेसिंग रुमको वातवरण खुसि छैन भने निकै कठिन हुन्छ।” धोनीले बताए।

धोनीले युवा ब्याट्सम्यान रुतुराज गायकवाडको तारिफ गरे – “उनि कोरोना संक्रमण देखिएपछि बाहिरिएका थिए। २० दिन पछि पनि उनि फिट थिएनन्। उनले अभ्यास गर्ने मौका पनि धेरै पाएनन्। तर उनि त्यस्तो ब्याट्सम्यान हुन् जसले राम्रो ब्याटिंग गरे।” गायकवाडले पछिल्लो ३ खेलमा लगातर ३ अर्धशतक बनाउदै जितमा अहम योगदान दिए।

धोनीले लिगको सुरुवातमा वाटसनले राम्रो नगर्दा पनि उनलाई निरन्तर खेलाउनुको पछाडीको कारण बताए – “हो त्यसले काम गरेन तर मलाई लाग्दैन त्यो खराब निर्णय थियो। तपाई आफ्नो अनुभवी खेलाडीसंग जान चाहनुहुन्छ र पुनरागमन गर्न चाहनुहुन्छ। त्यसैले वाटसन र फाफलाई निरन्तरता दिईयो।”

लिगको क्रममा धेरै खेलाडीहरुले आफ्नो जर्सी लिनुको पछाडी उनीहरुले आफूले सन्यास लिन्छ भन्ने सोचेको धोनीले बताए – “उनीहरुलाई लागेको हुनसक्छ मैले सन्यास लिनेछु।”

चेन्नाई लिग इतिहासमै पहिलो पटक प्ले-अफ पुग्न असफल भएको हो। लिगमा १४ खेल खेल्दा चेन्नाई ६ जित र ८ हार बेहोर्दै १२ अंक सहित सातौँ स्थानमा रहेको छ।

“आईपीएल २०२१ आउन केहि महिना मात्रै बाँकी छ जुन राम्रो कुरा हो। आशा गर्छु त्यो बेला लकडाउन हुने छैन। लकडाउन नभए धेरै योजनाहरु बनाउन सकिन्छ।” धोनीले बताए।

लिगमा धोनीको प्रदर्शन पनि इतिहासकै कमजोर रह्यो। उनले लिगमा पहिलो पटक एक पनि अर्धशतक बनाउन सकेनन् भने २५ को औशतले मात्र २०० रन बनाउन सके। उनको स्ट्राइक रेट पनि मात्र ११६.२७ रह्यो। लिग इतिहासमै कम मात्र ७ वटा छक्का धोनीले प्रहार गर्न सके।

यो पनि पढ्नुस : 

“मलाई लाग्दैन यो भन्दा बढी हामीले गर्न सक्थ्यौ, अब जे हुन्छ भगवानको हातमा छ” मोर्गन

IPL प्लेअफ रेस : ३ स्थान, ४ टिम, २ खेल बाँकी, यस्तो छ प्लेअफ समीकरण

पन्जाबको प्ले-अफ सपना चेन्नाईद्वारा चकनाचुर, गायकवाडको कीर्तिमानी अर्धशतक

कमिन्सले घातक बलिंग गर्दा कोलकाताको शानदार जित, राजस्थान बाहिरियो



थप समाचार

कोहलीले तोडे तेन्दुलकरको कीर्तिमान

अष्ट्रेलिया र भारतबीच ३ खेलको एकदिवसीय अन्तराष्ट्रिय शृंखला अन्तर्गत क्यानवेरा स्थित मानुका ओवल क्रिकेट स्टेडियममा तेस्रो तथा अन्तिम खेल जारि […]

एलपीएल : परेराको अर्को आक्रामक इनिंग, जाफ्नाको विजय यात्रा कायमै

लंका प्रिमियर लिग अन्तर्गत मंगलबार सम्पन्न २ वटा खेलमा दाम्बुला भाइकिंग र जाफ्ना स्टालियन्स विजयी भएका छन्। महिन्दा राजापाक्षे स्टेडियममा […]

मलान चम्किदा इंग्ल्यान्डको सिरिज क्लिन स्विप, बन्यो साझेदारीको नयाँ विश्वकीर्तिमान

दविड मलानले शानदार ब्याटिंग गर्दा तेश्रो टि-२० मा दक्षिण अफ्रीकालाई ९ विकेटले पराजित गर्दै इंग्ल्यान्डले सिरिज क्लिन स्विप गरेको छ।केपटाउनमा […]

एलपीएल : अफ्रिदी कप्तानीको ग्ल्याडीएटर्सको लगातार तेश्रो हार

लंका प्रिमियर लिग अन्तर्गत सोमबार राति सम्पन्न दिनको दोश्रो खेलमा कुशल परेरा कप्तानीको क्यान्डी टस्कर्सले शाहिद अफ्रिदी कप्तानीको गाल ग्ल्याडीएटर्सलाई […]

एलपीएल : जाफ्नाको जितमा कप्तान परेराको विस्फोटक इनिंग

कप्तान थिसारा परेराले शानदार अलराउण्ड प्रदर्शन गर्दा दाम्बुला भाइकिंगलाई ६६ रनले पराजित गर्दै जाफ्ना स्टालिएन्स लंका प्रिमियर लिग अंकतालिकामा शिर्ष […]

टि-ट्वान्टी सिरिजका लागि चोटिल वार्नरको प्रतिस्थापनमा शर्ट, कमिंसलाई विश्राम

अष्ट्रेलियाका बायाँ हाते ओपनर ब्याट्सम्यान डेविड वार्नर चोटका कारण भारत विरुद्धको अन्तिम एक दिवसीय तथा टि-ट्वान्टी अन्तर्राष्ट्रिय सिरिजबाट बाहिरिएका छन्। […]