धोनीले यसरी गरे नेपाली क्रिकेट टिमको प्रशंसा

Dhoni praise nepal cricket team


  • विकेटनेपाल, चैत ३ 

भारतीय पुर्व कप्तान महेन्द्र सिंह धोनीले एकदिवसीय मान्यता पाएकोमा नेपाली क्रिकेट टिमको प्रसंशा गरेका छन्। बिश्वकप छनौट प्रतियोगिताको प्लेअफमा बिहिबार पपुवा न्यु गिनीलाई पराजित गरेपछि हंगकंग र पपुवा न्यु गिनीलाई पछि पर्दै नेपालले पहिलो पटक एकदिवसीय राष्ट्रको मान्यता पाएको हो।

सन् १९९६ मा आईसीसीको एसोसीएट राष्ट्रको मान्यता पाएको नेपालले २२ बर्ष पछि ऐतिहासिक सफलता हात पार्दा बिश्व क्रिकेट जगतमा चर्चित नामहरुले नेपाली क्रिकेट टिमलाई बधाई दिंदै प्रशंसा गरेका छन् जसमा धोनी समेत सामेल भएका छन्।

हिन्दुस्तान टाइम्सलाई शुक्रबार लखनाउमा अन्तर्वार्ता दिदै धोनीले नेपाल टिमलाई बधाई दिंदै नेपालले एकदिवसीय मान्यता पाउनु क्रिकेटको विश्वव्यापी विकासको लागि राम्रो भएको बताएका हुन्।

Nepal ODI Nation
Nepal ODI Nation

नेपाल क्रिकेटको लागि यो ठुलो सफलता भएको बताउदै धोनीले एकदिवसीय मान्यता पश्चात नेपालमा क्रिकेट खेल्ने र संचालन गर्ने प्रकृयामानै ठुलो परिवर्तन आउनु पर्ने विचार ब्यक्त गरेका छन्। केही वर्ष अघिको नेपाल भ्रमण स्मरण गर्दै भारतका पूर्व कप्तानले नेपाली क्रिकेटरहरु मेहनती भएको समेत बताए-

” यो (एकदिवसीय राष्ट्रको मान्यता) उनीहरुको मिहिनत र सच्चा लगावको परिणाम हो। मलाई लाग्दैन कि सानो राष्ट्रहरुको सहभागिताले अन्तराष्ट्रिय क्रिकेटको स्तरलाई धमिलो बनाउछ ”

धोनी भारतीय टिमको कप्तान रहंदा सन् २०१२ मा नेपालको भ्रमण गरेका थिए जुन क्रममा यु-१९ बिश्वकपको तयारी गरिरहेको नेपाली यु-१९ टिमको साथै राष्ट्रिय क्रिकेटरहरुसंग समय बिताएका थिए। त्यसबेला उनले नेपाल जस्तो देशले पाएको कम सुबिधाको जति सक्दो उपयोग गरेर अघि बढ्नु पर्ने र आफु पनि सानो ठाउँ र कम सुबिधा भएको ठाउंबाट क्रिकेटमा अघि बढेको प्रसंग निकाल्दै नेपाली टिमलाई प्रेरणा दिएका थिए।

सन् २०१२ मा धोनी नेपाल आएका थिए

“एसोसिएट राष्ट्रहरु आईसीसीको एकदिवसीय मान्यताको लागि प्रयास गर्नु राम्रो हो र क्रिकेटलाई बिश्वकै लोकप्रिय खेल बनाउन नेपाल जस्तै अरु देशहरु पनि प्रतिस्पर्धामा आउनुपर्छ”

नेपालको बेन्च स्ट्रेन्थ राम्रो नहुन सक्छ तर खेल भनेको रमाइलोको लागि खेलिने हो र नेपालको मानिसहरु आफ्नो खेललाई सुधार्दै अन्तराष्ट्रिय टिमहरुसंग प्रतिस्पर्धा गर्ने काममा लाग्ने छन् भन्दै धोनीले क्रिकेटलाई ग्लोबल खेल बनाउने हो भने नेपाल जस्तो राष्ट्रहरु अझै अघि आउनु पर्नेमा जोड दिएका छन्।

आफुलाई प्रतिस्पर्धात्मक बनाउदै अझ राम्रो क्रिकेट खेल्दै जाने कुराको लागि अफगानिस्तान एउटा राम्रो उदाहरण भएको भारतलाई टि-२० र एकदिवसीय बिश्वकप जिताईसकेका पुर्व कप्तान धोनीले बताए-

“निरन्तरता निकैनै महत्वपूर्ण हुन्छ र त्यही कारण हो युएई जस्ता टिमहरु लामो समय राम्रो क्रिकेट खेल्दा खेल्दै पनि बाटो बिराउन पुगे।”

हिन्दुस्तान टाइम्ससंगको कुराकानीमा धोनीले आफ्नो क्रिकेट करियरको कुरा गर्दै टेस्ट क्रिकेट छोडेपछि टि-२० र एकदिवसीय क्रिकेटमा आफु रमाईरहेको र कामको बोझ नरहेको बताएका छन्। धोनीलाई हाल श्रीलंकामा जारि त्रिकोणात्मक सिरिजमा आराम दिईएको छ। अप्रिल ७ देखि सुरु इन्डियन प्रिमियर लिगमा धोनी चेन्नई सुपर किंग्सको लागि कप्तानी गर्दै कम्ब्याक गर्नेछन्।

 





थप समाचार

‘लिटल फ्लावर प्रिमियर लिग’को ट्रफी सार्वजनिक

कैलाली, फागुन १४– ‘लिटल फ्लावर प्रिमियर लिग’ विद्यालयस्तरीय यु–१९ राष्ट्रिय क्रिकेट प्रतियोगिता पाँचौँ संस्करणको आज धनगढीमा ट्रफी सार्वजनिक गरिएको छ […]

पीएसएल : रिजवान र मक्सुद चम्किदा मुल्तानको पहिलो जित

पाकिस्तान सुपर लिग अन्तर्गत शुक्रबार सम्पन्न खेलमा मुल्तान सुल्तान्सले पहिलो जित दर्ता गर्ने क्रममा लाहोर कलन्दर्सलाई ७ विकेटले पराजित गरेको […]

कास्की जिल्ला क्रिकेट संघको साधारण सभा सम्पन्न

कास्की जिल्ला क्रिकेट संघको तेश्रो साधारण सभा आज पोखरामा सम्पन्न भएको छ । कोभिड–१९ महामारीका कारण रोकिएको कास्की जिल्ला क्रिकेट […]

युसुफ पठानद्वारा सन्यास घोषणा, जसको नाममा छ यस्तो रोचक रेकर्ड

३७ वर्षीय भारतीय अलराउण्डर युसुफ पठानले सबै फर्म्याटको क्रिकेटबाट सन्यासको घोषणा गरेका छन्। भारतको लागि ५७ वटा एकदिवसीय अन्तर्राष्ट्रिय र […]

रुपन्देही सुपर लिग : इशान पाण्डेले अलराउण्ड प्रदर्शन गर्दा बुटवल विजयी, राइनोज डिभिजन ‘बी’मा घटुवा

प्रकाश न्यौपाने, भैरहवा, फागुन १४ भैरहवास्थित सिद्धार्थ रंगशालामा जारी नेपाल टेलिकम रुपन्देही सुपर लिग क्रिकेट प्रतियोगिता अन्तर्गत शुक्रबार भएको डिभिजन […]

नरेन्द्र मोदी स्टेडियमको पिच बारे बोले रुट “दर्शकहरु लुटिएझैँ महसुस भयो”

भारत र इंग्ल्यान्ड बीचको टेस्ट सिरिज अन्तर्गत अहमदावादको नव निर्मित नरेन्द्र मोदी स्टेडियममा आयोजित तेश्रो टेस्ट दुई दिनमै सकिएपछि इंगलिस […]