धोनीको तारिफ गर्दै बिसीसीआईको आलोचना गरेपछि मुस्ताकलाई पीसीबीको चेतावनी

आफ्नो युट्युब च्यानलमा भारतीय पूर्व कप्तान महेन्द्र सिंह धोनी र भारतीय क्रिकेट बोर्डको आलोचना गरेपछि पाकिस्तान क्रिकेट बोर्डले ( पीसीबी ) आपत्ति जनाउँदै पूर्व क्रिकेटर सक्लेन मुस्ताकलाई चेतावनी दिएको छ।

मुस्ताक पाकिस्तान क्रिकेट बोर्ड अन्तर्गत रहेको अन्तर्राष्ट्रिय खेलाडी विकास र हाई परफरमेन्स सेन्टरको प्रमुख पदमा रहेका कारण उनलाई बोर्डले आइन्दा त्यस्तो नदोहोर्याउन निर्देशन दिएको बताईएको छ।

क्रिकेटमा ‘दुसरा’ बलको आविस्कार गरेका मुस्ताकले धोनीले अप्रत्यासित सन्यास लिएपछि उनको प्रसंशा गर्दै र भारतीय बोर्डले धोनीको सम्मानजनक विदाई नगरेकोमा आलोचना पनि गरेका थिए। पाकिस्तान बोर्डको कर्मचारी रहेका कारण उनले त्यस्तो क्रियाकलाप अब गर्न पाउनेछैनन्।

“मुस्ताकले धोनीको तारिफ र धोनीलाई सम्मानजनक विदाई नगरेकोमा भारतीय क्रिकेटको आन्तरिक मामिला बारे आलोचना गरेकोमा पाकिस्तान क्रिकेट बोर्ड खुसि छैन।”  एक जानकारले बताए।

दुइ देश बीचको सम्वन्धका कारण बिगतमा पनि पीसीबीले राष्ट्रिय क्रिकेटरहरुलाई भारतीय क्रिकेट र खेलाडीहरु बारे प्रतिक्रिया नदिन सुझाव दिएको हो। मुस्ताकले पोस्ट गरेको भिडियोपछि पिसिबीले अन्य हाइ परफरमेन्स प्रशिक्षकहरुलाई पनि यस्तो काम नगर्न निर्देशन दिएको उनले बताए।

धोनीले  अन्तर्राष्ट्रिय क्रिकेटबाट अप्रत्यासित सन्यास घोषणा गरेका थिए

४४ वर्षीय मुस्ताकले भारतीय क्रिकेट बोर्डले ठूला खेलाडीहरुलाई राम्रो व्यवहार नगरेको र धोनीको सन्यास यो तरिकाले नहुनु पर्ने धारणा राखेका थिए-

“म माफी माग्छु बिसीसीआईसंग तर म भन्छु कि धोनीलाई उनीहरुले राम्रो व्यवहार गरेनन्। म दुखित छु।” मुस्ताकले बताएका थिए।

“धेरै प्रशिक्षकहरु आफ्नै युट्युब च्यानलमा सक्रिय रहेका छन्, सबैलाई बोर्डले स्पस्ट रुपमा पीसीबीको कर्मचारी रहेकोले युट्युबमा काम नगर्न बताईएको छ। यस्तै कसैलाई अन्तर्वार्ता दिनु परेको खण्डमा पनि पहिले बोर्डको अनुमति लिनुपर्नेछ।” श्रोतले बतायो।

सक्लेनसंगै अन्य प्रशिक्षकहरुलाई पनि पिसिबीको नियम उल्लङ्घन नगर्न चेतावनी दिईएको छ। सक्लेन बाहेक पीसीबीसंग जोडिएका पूर्व टेस्ट क्रिकेटरहरु बसित अलि, फैसल इकबाल, अब्दुल रज्जाक, मुहम्मद वासिम, अतिक उज रहमान आफ्नो युट्युब च्यानलमा सक्रिय रहेका छन्।

“उनिहरुलाई बोर्डको आचारसंहिता पालना गर्न स्पस्ट निर्देशन दिईएको छ र उनीहरु बोर्डको कर्मचारी रहेका कारण यसलाई मान्नुपर्नेछ।” श्रोतले बतायो।

( साभार – हिन्दुस्तानटाइम्स )

सम्बन्धित :-

११ चर्चित भारतीय क्रिकेटर जसले विदाई खेल नखेली सन्यास लिए

इरफानले बनाए विदाई नपाएका ११ खेलाडीहरुको सुची, भारतीय टिमसंग विदाई खेल आयोजना गर्न माग

यो पनि पढ्नुस :-

CPLT20 : जमैकाको दोश्रो जितमा मुजिब उत्कृस्ट, सन्दिपको लय कायमै

IPL 2020 : सर्वोत्कृष्ट बलिंग आक्रमण भएको ३ टोली

६ सयौं विकेट लिंदै एन्डरसनको नयाँ विश्वकीर्तिमान

इंग्ल्यान्डको १० वर्षे प्रतीक्षा समाप्त, तेश्रो टेस्ट बराबरीमा टुंगियो,

टुट्न मुस्किल छ आईपीएलका यी ८ रेकर्ड

टि-२० र वानडे सिरिज खेल्न अस्ट्रेलियन टिम इंग्ल्यान्ड प्रस्थान, यस्तो छ खेल तालिका

क्रिकेटरहरुको २०१९ को तलब १० हजार बढ्ने, पढ्नुस कुन श्रेणीको खेलाडीको कति छ तलब