धुर्मुसको प्रस्तावित क्रिकेट रंगशाला गोदावरीमा

फिचर फोटो: अस्ट्रेलियाको मेलबर्न क्रिकेट मैदान

  • विकेटनेपाल, बैशाख ७ – शुक्रबार

हाँस्यकलाकारद्वय सिताराम कट्टेल र कुन्जना घिमिरेद्वारा संचालित धुर्मुस-सुन्तली फाउन्डेसनको प्रस्ताबमा बन्न लागेको अन्तर्राष्ट्रियस्तरको क्रिकेट मैदानको लागि ललितपुरको गोदावरीमा जग्गा फाइनल गरिएको छ ।

नेपाली क्रिकेट टिमले ऐतिहासिक अन्तर्राष्ट्रिय एकदिवसीय मान्यता प्राप्त गरेपछि सामाजिक कार्यका कारण चर्चामा रहेको फाउन्डेसनलाई जनताको दबाब आएपछि मैदान निर्माणको लागि जग्गा खोजि कार्य सुरु गरिएको थियो । फाउन्डेसनले उक्त कार्यको लागि  खटाएको प्राबिधिक टोलीले देशका विभिन्न ठाउँमा जग्गा अवलोकन गरेको थियो जसपछी गोदावरीलाई चुनेको छ ।

छनोट गरेको गोदावरीमा रहेको जग्गा १२८ रोपनी रहेको छ जुन अहिलेसम्मकै प्राबिधिक टिमले हेरेको र पर्यटकीय स्थल भएकोले पनि राम्रो रहेको जनाएका छन् ।

धुर्मुसले आफुहरुले बनाएको योजना बिहिबार दिउसो ४ बजेतिर खेलकुद मंत्री जगत विश्वकर्मालाई बुझाएका थिए । तर संसदमा बजेट सम्बन्धि छलफल चलेकोले उक्त प्रस्ताब संसदमा पेस हुन सकेन । यदि यो प्रस्ताब पारित भएमा निर्माण सुरु गरेको दुईदेखि अढाई वर्षमा कार्य सम्पन्न हुने छ ।

यस्तो छ आधिकारिक पोस्ट: