अन्तिम दिन श्रीलंकालाई मुस्किल लक्ष



  • विकेटनेपाल, १९ मङ्सिर – मंगलबार 

भारत पहिलो पारि : ५३६/६ पारि घोषणा ( कोहली २४३, विजय १५५, शंदाकान ४/१६७ )
श्रीलंका पहिलो पारि: ३५६/९ ( चण्डीमाल १६४, म्याथुज १११, आश्विन ३/९० )
भारत दोश्रो पारि : २४६/७ पारि घोषणा ( धवन ६७, कोहली ५०, रोहित ५०, पुजारा ४९ )
श्रीलंका दोश्रो पारि : ३१/३ ( जडेजा ५/२ )  श्रीलंकालाई जितको लागि पाँचौ दिन ३७९ रन आवस्यक

भारत र श्रीलंका बीच दिल्लीमा जारि तेश्रो टेस्टको चौथो दिनको समाप्तिमा भारत जितको सम्भावना प्रबल देखिएको छ।

टेस्टमा भारतले टस जितेर पहिले ब्याटिंग गर्दै ५३६/७ को स्कोरमा इनिंग समाप्तिको घोषणा गरेको थियो जसपछि ब्याटिंग गरेको श्रीलंकाले ३७३ रनमा सम्पूर्ण विकेट गुमाएपछि पहिलो इनिंगमा भारतले १६३ रनको अग्रता लिएको थियो। १६३ रनको अग्रता सहित चौथो दिन ब्याटिंग गरेको भारतले २४६/५ कोस्थितिमा इनिंग घोषणा गर्दै श्रीलंकालाई जितको लागि ४१० रनको लक्ष प्रस्तुत गरेको छ।

४१० रनको लक्ष पछ्याउदै श्रीलंकाले चौथो दिनको अन्त्यमा ३१ रनमै ३ विकेट गुमाईसकेको छ। टेस्टको पाँचौ दिन अब श्रीलंकालाई जितको लागि ३७९ रन बाँकी छ भने भारतले ७ विकेट हात पार्नुपर्नेछ। रबिन्द्र जडेजाले २ तथा मोहम्मद शामीले श्रीलंकाको १ विकेट हात पारिसकेका छन् ।

चौथो दिन ३५६/९ को स्थितिबाट ब्याटिंग गरेको श्रीलंकाले अन्तिम विकेटको लागि थप १७ रन जोड्न सक्यो। कप्तान दिनेश चण्डीमाल १६४ रन बनाएर अत्निम विकेटको रुपमा आउट भए। भारतीय बलर रबिचंद्रन आश्विन र इशान्त शर्माले ३/३ विकेट तथा मोहम्मद शामी र रबिन्द्र जडेजाले २/२ विकेट हात पारे।

भारतको दोश्रो इनिंग

१६३ रनको अग्रता सहित ब्याटिंग गरेको भारतले आक्रामक ब्याटिंग गर्यो। शिखर धवन, बिराट कोहली ररोहित शर्माले अर्धशतक बनाएपछि भारतले ५२.२ ओभरमै २४६ रन बनाउदै इनिंग घोषणा गर्यो। धवनले ६७ ( ९१ बल, ५ चौका , १ छक्का ) , कोहलीले ५० ( ३ चौका ) ,रोहित शर्माले ५० ( ४९ बल, ५ चौका ) प्रहार गर्ने क्रममा वानडे शैलीमा ब्याटिंग गरेका थिए। अर्धशतकबाट १ रनले चुकेका पुजाराले ४९ रन बनाउने क्रममा ५ चौका प्रहार गरे।

शिखर धवन

यस अघि भारतको पहिलो इनिंगमा बिराट कोहलीले २४३ तथा मुरली विजयले १५५ रनको योगदान दिएका थिए। यस्तै श्रीलंकाको पहिलो इनिंगमा एन्जेलो म्यथुजले १११ तथा दिनेश चण्डीमालले १६४ रन बनाएका थिए।

३ टेस्टको सिरिजमा भारत १-० ले अघि रहेको छ।

( फोटोहरु – बिसीसीआई )

 





थप समाचार

प्रम कप : बागमतीसंग डिफेन्डिङ च्याम्पियन पुलिस स्तब्ध

काठमाडौंमा जारि प्रधानमन्त्री कप एकदिवसीय राष्ट्रिय प्रतियोगिता अन्तर्गत समुह ‘बि’ अन्तर्गतको पहिलो खेलमा विभागीय टोलि डिफेन्डिङ च्याम्पियन नेपाल पुलिस क्लबलाई […]

आर्मीद्वारा कर्णालीलाई १९६ रनको लक्ष्य

प्रधानमन्त्री कप एकदिवसीय राष्ट्रिय प्रतियोगिता अन्तर्गत तेश्रो दिन समुह ‘ए’ अन्तर्गतको तेश्रो खेलमा त्रिभुवन आर्मी क्लब र कर्णाली प्रदेश प्रतिस्पर्धा […]

बागमतीसंग पुलिसको लज्जास्पद ब्याटिंग, १११ मै अलआउट

प्रधानमन्त्री कप एकदिवसीय राष्ट्रिय प्रतियोगिता अन्तर्गत समुह ‘बि’ अन्तर्गतको पहिलो खेलमा नेपाल पुलिस क्लब र बागमती प्रदेशले प्रतिस्पर्धा गरिरहेका छन्। […]

प्रम कप : खेलाडी प्रोत्साहन गर्न बागमती प्रदेशद्वारा पुरस्कार घोषणा

प्रधानमन्त्री कप एकदिवसीय राष्ट्रिय प्रतियोगितामा सहभागिता जनाउने बागमती प्रदेशको क्रिकेट टिमलाई प्रोत्साहन गर्न बागमती प्रादेशिक क्रिकेट संघले पुरस्कार घोषणा गरेको […]

एपीएफसंग प्रदेश-१ सहजै पराजित, अविनाशले लिए ५ विकेट

प्रधानमन्त्री कप एकदिवसीय राष्ट्रिय प्रतियोगिता अन्तर्गत दोश्रो खेलमा विभागीय टोलि नेपाल एपीएफ क्लबले प्रदेश नम्बर-१ लाई १३५ रन अन्तरले सहजै […]

एपीएफद्वारा प्रदेश-१ लाई मध्यम लक्ष्य

प्रधानमन्त्री कप एकदिवसीय राष्ट्रिय प्रतियोगिता अन्तर्गत समुह ‘ए’ अन्तर्गतको दोश्रो खेलमा शनिवार नेपाल एपीएफ क्लब र प्रदेश नम्बर-१ प्रतिस्पर्धा गरिरहेका […]