“बलिंग गर्न विकेट निकै मुस्किल छ” ~ मेहबुब



  • विकेटनेपाल, साउन २७

आज देखि सुरु भएको सिंगापुर इन्टरनेसनल प्रतियोगिता खेल्ने क्रममा आलमले आफ्नो टिम सिंगापुर इमर्जिंग स्टार्सको लागि पहिलो खेलमा २ विकेट तथा ८ रनको प्रदर्शन गरेका छन् l ( स्कोरकार्ड )

सिंहालिज स्पोर्ट्स क्लबसंग पहिलो खेलमा मेहबुबले टिमको लागि ओपनिंग बलिंग र ब्याटिंग गरेका थिए l

टस जितेर पहिले बलिंग गरेको स्टार्सको लागि इनिंगको पहिलो ओभरमै मेहबुबले दिलान जयलाथ ( ० ) को विकेट दिलाएका थिए l त्यसपछि आफ्नो दोश्रो स्पेलमा अर्धशतक प्रहार गरि खतरनाक देखिएका मिनोध बानुकाको विकेट दिलाएका मेहबुबले आफ्नो ४ ओभरको स्पेलमा ३९ रन खर्चेर २ विकेट हात पारे l

खेलपछि विकेटनेपालसंग कुरा गर्दै आलमले पदंग मैदानमा बलिंग गर्न निकै मुस्किल रहेको बताएका छन् –

‘विकेट पुरै फ्ल्याट ( बलरलाई मदत नगर्ने ) सिमेन्ट विकेट जस्तो छ, जसमा बलिंग गर्न निकै मुस्किल थियो’

‘पहिलो ओभर बलिंग गर्दा स्विंग पाएको थिए जसमा विकेट लिनसके , दोश्रो विकेट ब्याट्सम्यानले ठुलो सट खेल्न खोज्दा बाउन्ड्रीमा क्याच गराए’

आलमले आफु आफ्नो बलिंगबाट सन्तुस्ट रहेको र एउटा मात्र ओभर बिग्रंदा स्पेल कहिँ महँगो देखिएको बताए –

“३ ओभरमा १६ रन दिएर २ विकेट लिएको थिए तर एउटा स्लग ओभर बिग्रियो’

श्रीलंकाको टिम निकै राम्रो भएको समेत उनले बताए  – ‘श्रीलंकन टिम निकै राम्रो थियो जोसंग खेल्न पाउदा खुसि लागेको छ’

खेलमा मेहबुबका टिममेट पारस खड्काले २ ओभर बलिंग गर्ने क्रममा २० रन खर्चेर १ विकेट हात पारे l ९.७५ प्रतिओभरमा रन खर्चेका मेहबुब टिमको लागि सबैभन्दा किफायती बलर भएका थिए l

मेहबुब आलम र पारस खड्का प्रतियोगिता निर्देशक पुष्पेन्द्र शर्मासंग l

श्रीलंकन ब्याट्सम्यान दसुन शनकाले मात्र २७ बलमा ८ छक्का र ५ चौका प्रहार गर्दै ७९ रन बनाएपछि टस हारेर ब्याटिंग गरेको सिंहालिज स्पोर्ट्स क्लबले निर्धारित १७ ओभरमा १९२ रनको योगफल तयार गरेको थियो l

१९३ रनको लक्ष पछ्याउने क्रममा मेहबुब आलम ओपनिंग ब्याटिंग गर्न आएका थिए जसलाई श्रीलंकन रास्ट्रिय क्रिकेटर सचित्रा सेनानायकेले ४ रनको व्यक्तिगत स्कोरमा पेभेलियन फर्काएका थिए l

सिंगापुर इमर्जिंग स्टार्सले ५.४ ओभरमा २६ रनको योगफलमा २ विकेट गुमाउदा मुसलधारे वर्षाले खेल अबरुद्ध भएको थियो जसपछि डीएल मेथडको आधारमा सिंहालिज स्पोर्ट्स क्लबलाई ३६ रनले बिजेता घोषणा गरिएको थियो l

स्टार्सले भोलि एकै दिन २ वटा खेल खेल्नेछ जुन क्रममा मेर्लबर्न क्रिकेट क्लब ( स्थानीय समय बिहान ११:४५ बजे ) र  काउलुन क्रिकेट क्लब ( स्थानीय समय दिउसो ३ बजे )  संग प्रतिस्पर्धा गर्नेछ l

भोलि हुने खेलबारे विकेटनेपालको जिज्ञासामा आलमले कुनै पनि टिम सहज नभएको तर तुलनात्मक रुपमा हंगकंग र मर्लबर्न टिमसंग सहज हुने विश्वास ब्यक्त गरे l काउलुन क्रिकेट क्लब टिममा हंगकंग रास्ट्रिय क्रिकेटरहरुको वर्चस्व रहेको छ l

कुल ८ टिम सहभागी प्रतियोगिताको समुह ‘बि’ मा रहेको सिंगापुर इमर्जिंग स्टार्स टिमलाई सेमीफाइनल पुग्न आगामी खेल जित्नु पर्ने आवस्यकता छ l २ वटा समुहबाट २-२ वटा टिम सेमीफाइनल पुग्नेछ l

प्रतियोगितामा श्रीलंकन कीर्तिमानी बलर मुथैया मुरलीधरन पनि स्थानीय टिम सिंगापुर क्रिकेट क्लबबाट प्रतियोगिता खेलीरहेका छन् l

 

 





थप समाचार

शाहिन अफ्रिदी आईसीसी वर्ष पुरुष क्रिकेटर २०२१ घोषित, कसले जिते के अवार्ड

पाकिस्तानी फास्ट बलर शाहिन शाह अफ्रिदी सर गारफिल्ड सोबर्स आईसीसीको वर्ष पुरुष क्रिकेटर घोषित भएका छन्। अफ्रिदीले वर्ष २०२१ मा […]

वेस्टइन्डिजका होसेनले तोडे सोमपालको विश्वरेकर्ड

नेपाली राष्ट्रिय क्रिकेटर सोमपाल कामिले सन् २०१४ मा बनाएको विश्वकीर्तिमान वेस्टइन्डिजका अकेल होसेनले तोडेका छन्। सोमपालले सन् २०१४ नोभेम्बर २४ […]

‘गुट-उपगुट पनि पुनरागमन गर्न नसक्नुको कारण’ – अनिल मण्डल

नेपाली राष्ट्रिय क्रिकेट टिमका पूर्व ओपनिंग ब्याट्सम्यान अनिल मण्डलले राष्ट्रिय क्रिकेट टिम भित्रको तत्कालिन ‘गुट-उपगुट’ पनि पुनरागमन गर्न नसक्नुको कारण […]

२६ फोटोमा हेर्नुस राष्ट्रिय टिम कसरि गर्दैछ विश्वकप छनोटको तयारी

प्रधानमन्त्री कप राष्ट्रिय टि-ट्वान्टी प्रतियोगिता समाप्त भएपछि नेपाली रास्ट्रिय क्रिकेट टिमले टि-२० विश्वकप छनोटको लागि दोश्रो चरणको प्रशिक्षण थालेको छ। […]

यी हुन् आईपीएल अक्सनमा दर्ता हुने १५ नेपाली खेलाडी, सबैको बोलि नलाग्ने

नेपाल क्रिकेट संघ ( क्यान ) ले इन्डियन प्रिमियर लिग ( आईपीएल ) मा को अक्सनमा सहभागी हुने १५ जना […]

बिग ब्यास छोडेर नेपाल फर्कनुको कारण बताउदै सन्दिपले भने “राष्ट्रिय टोली प्रमुख प्राथमिकता”

नेपाली राष्ट्रिय क्रिकेट टोलीका कप्तान सन्दीप लामिछानेले नेपालको झण्डाभन्दा ठूलो कोही नभएको बताएका छन् । अस्ट्रेलियामा जारी बिग ब्यास लिगको […]