रास्ट्रिय टिम बन्दसत्रबाट दिलिप नाथले नाम फिर्ता लिए

Dilip Nath


  • विकेटनेपाल, १८ भदौ

विकेटकिपर ब्याट्सम्यान दिलिप नाथले रास्ट्रीय क्रिकेट टिमको बन्दसत्रबाट आफ्नो नाम फिर्ता लिएका छन् l

अक्टोबर १३ र १५ मा हुने आईसीसी बिश्व क्रिकेट लिग च्याम्पियनसिपको हंगकंगसंगको खेलको लागि पहिलो चरणमा २५ सदस्यीय खेलाडी छनौट गरेर बन्दसत्रमा राखिएको छ l

ढाडको समस्याले सताएको कारण बन्दसत्र छोड्नुपरेको दिलिपले विकेटनेपाललाई जानकारी गराएका छन् l तल्लो ढाड दुख्ने समस्या भएपछि दिलिपले फिजियोको सल्लाह अनुसार २ महिना आराम गर्ने निर्णय लिएका हुन् l

“ढाडको समस्याले बन्द सत्र छोड्नु पर्यो l फिजियोले २ महिना आराम र ढाडको एक्सरसाइज गरेपछी निको हुन्छ भन्नुभएको छ” दिलिपले बताए l

दिलिप गत मार्च महिनामा बंगलादेशमा सम्पन्न एसीसी इमर्जिंग टिम्स एसिया कपमा पहिलो पटक नेपाली रास्ट्रिय टिमको लागि खेलेका थिए l घाइते भइ टिमबाट बाहिरिनु पर्दा नराम्रो लागेको बायाँ हाते ब्याट्सम्यानले बताए l

बंगलादेशमा सम्पन्न प्रतियोगितामा दिलिपले बंगलादेशसंगको आफ्नो डेब्यु खेलमा ४१ रनको इनिंग खेल्दै प्रभावित बनाएका थिए l सो क्रममा उनले चौथो विकेटको लागि दिपेन्द्र ऐरीसंग ९८ रनको साझेदारी गरेका थिए l बंगलादेशमा उनले विकेटकिपरको भूमिका समेत निभाएका थिए l

दिलिपले बंगलादेशसंगको खेलमा ४१ रनको इनिंग खेल्दै प्रभावित बनाएका थिए l

दिलिपले घरेलु क्रिकेटमा नेपाल पुलिस क्लब तथा धनगढी प्रिमियर लिगमा उनले सीवाईसी अत्तरियाको प्रतिनिधित्व गरिसकेका छन् l

उमेर समुह रास्ट्रिय क्रिकेट टिममा नपरिकन रास्ट्रिय टिममा स्थान बनाएका दिलिपले यो पटक बन्दसत्रबाट बाहिरिनु परे पनि अर्को पटक कमब्याक गर्ने आत्मविश्वास ब्यक्त गरेका छन् l

“अहिले धेरै गम्भीर समस्या त हैन तर अभ्यास जारी गरेको खण्डमा गम्भीर समस्या हुन सक्ने डक्टरले पनि सल्लाह दिनु भयो”

“नराम्रो लागेको छ तर केहि छैन टिममा बलियो कमब्याक गर्नुपर्छ” उनले बताए l

यस अघि बन्दसत्र बाट पायल्सको समस्याको कारण शक्ति गौचनले पनि आफ्नो नाम फिर्ता लिएका थिए l शक्तिको सट्टा शाहब आलमलाई अन्तिम २५ मा मौका दिईएको थियो l

रास्ट्रिय क्रिकेट टिम यतिबेला नियमित अभ्यास गरिरहेको छ l यसै साता हंगकंगसंग खेलको लागि अन्तिम १८ जना खेलाडीको नाम घोषणा हुने जसपछि टिम अभ्यासको लागि भारत जाने जानकारी विकेटनेपाललाई विशेष श्रोतबाट प्राप्त भएकोछ l





थप समाचार

धनगढी सुपर लिग : लिटल फ्लावर र कैलाली जिल्ला क्रिकेट क्लब विजयी

धनगढी ११ जेठ – कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिगमा’ लिटल फ्लावर क्रीकेट क्लब र कैलाली […]

कप्तान सन्दिप सहित ६ राष्ट्रिय क्रिकेटरलाई ज्यापको प्रायोजन 

नेपाली राष्ट्रिय क्रिकेट टिमका ६ जना क्रिकेटरलाई क्रिकेट खेल सामग्री उत्पादन गर्ने भारतीय कम्पनि ‘ज्याप क्रिकेट’ ले प्रायोजन गरेको छ। […]

एनपीएल टि-२० : टिमहरुको नाम सार्वजनिक, खेलाडीको तलव वृद्धि

नेपाल क्रिकेट संघको आयोजनामा सेप्टेम्बर २४ देखि अक्टोबर २२ ( असोज ८ देखि कार्तिक ५ ) सम्म आयोजना हुने नेपाल […]

मिलर चम्किंदा गुजरात आइपिएलको फाइनलमा

गुजरात टाइटन्स आइपिएलको फाइनलमा प्रवेश गरेको छ । पहिलो क्वालिफायर खेलमा गुजरात टाइटन्सले राजस्थान रोयल्सलाई ७ विकेटले हराएको हो । […]

सरकारको नीति तथा कार्यक्रम : फाप्ला र गौतम बुद्ध अन्तर्राष्ट्रिय स्टेडियम पूरा गर्ने

नेपाल सरकारले सातवटै प्रदेशमा सुविधासम्पन्न दशरथ रंगशाला निर्माण गर्ने भएको छ । मंगलबार राष्ट्रपति विद्यादेवी भण्डारीले प्रस्तुत गर्नुभएको सरकारको नीति […]

डीएसएल : दाङको देउखुरी वारियर्स र कैलाली जिल्ला क्रीकेट क्लब विजयी

कैलालीको धनगढीमा जारी टी–२० क्लब क्रीकेट प्रतियोगिता ‘धनगढी सुपर लिग’ मा दाङको देउखुरी वारियर्स क्रीकेट क्लब र कैलाली जिल्ला क्रीकेट […]