दिपेन्द्र ऐरीले ५ विकेट लिंदा प्रदेश-२ बिरुद्ध पुलिस विशाल जित सहित समुह विजेता हुँदै सेमीफाइनलमा



प्रधानमन्त्री कप एकदिवसीय क्रिकेट प्रतियोगिता अन्तर्गत समुह ‘बि’ अन्तर्गतको अन्तिम खेलमा नेपाल पुलिस क्लबले प्रदेश-२ लाई १५६ रनको विशाल अन्तरले पराजित गरेको छ।

समुह ‘बि’ अन्तर्गतको खेल सकिंदा नेपाल पुलिस क्लब ४ खेलमा शत-प्रतिशत जित सहित समुह विजेताको रुपमा सेमीफाइनल प्रवेश गरेको छ। सोहि समुहबाट ४ खेलमा ३ जित र १ हार बेहोर्दै त्रिभुवन आर्मी क्लब उप-विजेताको रुपमा सेमीफाइनल प्रवेश गरेको छ। पुलिसले आर्मीलाई ५० रनले पराजित गरेको थियो। प्रदेश-२ ले ४ खेलमा २ जित र २ हार बेहोर्दै समुहको तेश्रो स्थानमा रह्यो।

अंकतालिका

यस अघि पुलिसले कर्णाली प्रदेशलाई ९४ रनले, प्रदेश-१ लाई ७५ रनले तथा आर्मीलाई ५० रनले पराजित गरेको थियो ।

अब पुलिसले सेमीफाइनलमा समुह ‘ए’ को उप-विजेतासंग तथा आर्मीले समुह ‘ए’ को विजेतासंग खेल्नेछ। पहिलो सेमीफाइनल बुधबार र दोश्रो बिहिबार खेलिनेछ।

दिपेन्द्र ऐरीको उत्कृस्ट बलिंग 

टियु मैदानमा सम्पन्न खेलमा टस जितेर ब्याटिंग गरेको पुलिसले ५० ओभरमा ९ विकेट गुमाएर २५३ रन बनाएको थियो। लक्ष्य पछ्याउने क्रममा प्रदेश-२ ले २९ ओभरमा ९७ रनमा सम्पूर्ण विकेट गुमाउन पुग्यो।

Dipendra Airee

प्रदेश-२ लाई सानो योगफलमा समेट्न पुलिस बलर दिपेन्द्र ऐरी एक्लैले ५ विकेट लिए। अफस्पिनर ऐरीले १० ओभरमा १ मेडन ओभर गर्दा २८ रन मात्र खर्चिए। यस्तै देब्रे हाते स्पिनर ललित राजबंशीले ३ विकेट ( ६-३-२१-३ ) तथा कुशल भुर्तेल ( ४-०-२०-१ ) र सागर ढकाल ( १-१-०-१ ) ले १/१ विकेट लिए।

प्रदेश-२ को लागि हरिशंकर शाहले सर्वाधिक २९,कप्तान मेहबुब आलमले २१, रभी शाहले १५ तथा सुरज पटेलले १२ रन बनाए।

पुलिसको ब्याटिंग 

यस अघि टस जितेर ब्याटिंग गरेको पुलिसले ५० ओभरमा ९ विकेट गुमाएर २५३ रन बनाएको थियो।

पुलिसको लागि अमित श्रेष्ठले सर्वाधिक ५० ( ४२ बलमा ५ चौका र १ छक्का ) बनाए। यस्तै सुनिल धमलाले ४३ ( ७७ बलमा ३ चौका ) , अनिल साहले ३७, कुशल भुर्तेलले ३५ तथा आरिफ शेखले ३२ रन बनाए।

Nepal Police Team
Nepal Police Club Team

प्रदेश-२ को लागि संसाद शेखले ४ विकेट ( १०-०-४१-४ ) , राशिद खानले २ विकेट ( ६-०-४०-२ ) तथा कुमार थापा ( ९-०-५९-१ ) र मेहबुब आलमले ( ३-०-१२-१ ) १/१ विकेट लिए। स्कोरकार्ड 

 





थप समाचार

T20WC : ‘गर या मर’ को खेलमा बंगलादेशद्वारा ओमान पराजित

सुपर-१२ चरण प्रवेशको सम्भावना जीवित राख्न जित्नै पर्ने खेलमा बंगलादेशले ओमानलाई २६ रनले पराजित गरेको छ। प्रतियोगिता अन्तर्गत पहिलो खेलमा बंगलादेश […]

‘गर या मर’को स्थितिमा रहेको बंगलादेशद्वारा ओमानलाई १५४ रनको लक्ष्य

युएई र ओमानमा संयुक्त रुपमा जारि सातौँ संस्करणको टि-ट्वान्टी विश्वकप अन्तर्गत समुह ‘बि’ अन्तर्गतको खेलमा बंगलादेश र आयोजक ओमान प्रतिस्पर्धा […]

T20WC : बेरिंगटन र डेभि चम्किंदा स्कटल्याण्डले लगातार दोश्रो जित

युएई र ओमानमा संयुक्त रुपमा जारि सातौँ संस्करणको टि-ट्वान्टी विश्वकप अन्तर्गत समुह चरणको समुह ‘बि’ अन्तर्गतको खेलमा स्कटल्याण्डले दोश्रो जित […]

टि-२० विश्वकप : कोहलीले बताए आफ्नो ब्याटिंग क्रम

युएई र ओमानमा जारी सातौँ संस्करणको टि-ट्वान्टी विश्वकपमा भारतीय कप्तान बिराट कोहलीले आफ्नो ब्याटिंग क्रम घोषणा गरेका छन्। भारतले विश्वकपको सुपर-१२ […]

प्रतिस्पर्धात्मक खेलमा अस्ट्रेलियाद्वारा न्युजिल्यान्ड ३ विकेटले पराजित

युएई र ओमानमा संयुक्त रुपमा जारि टि-ट्वान्टी विश्वकप अन्तर्गत गय राति सम्पन्न वार्म-अप खेलमा अस्ट्रेलियाले रोमान्चक प्रतिस्पर्धामा न्युजिल्यान्डलाई ३ विकेटले […]

प्रदेशस्तरीय मिथिला कप टि–ट्वान्टी क्रिकेट प्रतियोगिता हुने

सप्तरी- राजविराजमा बुधबारदेखि प्रदेशस्तरीय मिथिला कप टि–ट्वान्टी क्रिकेट प्रतियोगीता हुने भएको छ । सप्तरी क्रिकेट सङ्घको समन्वयमा आयोजना गरिने खेलमा […]