दिपेन्द्र-आरिफको शतकीय साझेदारी, सेमिफाइनल समिकरण पुरा



  • विकेटनेपाल, जेठ २३ – बुधबार

राजधानीमा जारि प्रदेश स्तरीय प्रधानमन्त्री कप एकदिवसीय क्रिकेट प्रतियोगिताको सेमिफाइनल समीकरण पुरा भएको छ।

समूह ‘ए’ बाट हिजो भएको खेलमा त्रिभुवन आर्मी क्लबले सशस्त्र प्रहरी बल क्लबलाई पराजित गरेपछि आर्मी समूह बिजेता र एपीएफ उपविजेता बनेका थिए। आज भएको नेपाल पुलिस क्लब र प्रदेश नम्बर ५ बिचको खेलमा पुलिस क्लब ७ विकेटले बिजय भएपछी, पुलिस बिजेता र हारका बाबजुत उत्कृस्ट रनरेटका साथ प्रदेश ५ उपविजेता बन्दै समूह ‘बि’ बाट सेमिफाइनलमा प्रवेश गरेका छन्।

अब २५ गते शुक्रबार हुने पहिलो सेमिफाइनल खेलमा समूह ‘ए’ को बिजेता आर्मीले समूह ‘बि’ को उपविजेता प्रदेश ५ को सामना गर्नेछ भने शनिबार हुने दोश्रो सेमिफाइनल खेल एपीएफ क्लब र पुलिस क्लबबीच हुनेछ।

आज किर्तिपुर मैदानमा सम्पन्न खेलमा दिपेन्द्रसिंह ऐरी र आरिफ शेखले अविजित शतकीय साझेदारी गरेपछि नेपाल पुलिस क्लबले प्रदेश नम्बर ५ लाई ६ ओभर अगावै ७ विकेटले पराजित गर्यो। स्कोरकार्ड

प्रदेश ५ ले दिएको २०१ रनको लक्ष्य पछ्याउने क्रममा पुलिसका लागि १०४ रनको साझेदारी गर्दा ऐरीले अविजित ५८ रन बनाउन ५३ बल तथा शेखले अविजित ४५ रन बनाउन ५१ बलमा समान २ चौका र ३ छक्का प्रहार गरे। यस्तै सुनिल धमलाले ३६ र अमित श्रेष्ठ ३० रन बनाउँदै पहिलो विकेटका लागि ४८ रनको साझेदारी गरे भने दिलिप नाथले पनि २४ रनको पारि खेले। प्रदेश ५ का सन्दिप सुनारको नाममा २ विकेट रह्यो।

यसअघि टस जितेर पहिले ब्याटिंग गरेको प्रदेश ५ ले शंकर रानाको ४४ रन, सौरभ खनालको ४२ रन तथा बिक्रम भुसालको आक्रामक अन्त्यको मद्दतमा ५० ओभरमा ९ विकेट गुमाएर २०० रन बनाएको थियो। १२ बल सामना गरेका भुसालले १ चौका र २ छक्का हिर्काए। बलिंगतर्फ पुलिसका रामनरेश गिरि र ललित राजबंशीले २/२ विकेट लिए।

प्रतियोगिताको विजेताले पुरस्कार स्वरूप २० लाख रुपैयाँ र ट्रफी प्राप्त गर्ने छ भने उपविजेताले १० लाखमा चित्त बुझाउनुपर्ने छ। यस्तै म्यान अफ द सिरिजले १ लाख र उत्कृस्ट ब्याट्सम्यान तथा बलरले जनही ५० हजार प्राप्त गर्नेछन्।





थप समाचार

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]