उपाधिको लागि नेपाल र युएई खेल्दै, जित/हार यसकारण महत्वपूर्ण

nepal vs uae


  • विकेटनेपाल – ३ फाल्गुन, बिहिवार

नामिबियामा जारि आईसीसी विश्व क्रिकेट लिग डिभिजन-२ को उपाधिका लागि आज नेपालले संयुक्त अरब एमिरेट्स (युएई) को सामना गर्दैछ। विन्डहोइक मैदानमा नेपाली समय अनुसार दिउसो १:३० बजे बाट खेल सुरुहुनेछ।

प्रतियोगिताको शिर्ष दुईमा पर्दै नेपाल र युएईले, जिम्बावेमा हुने एक दिवसीय विश्वकप छनोटका लागि बाटो खुल्ला गरिसकेका छन्। नेपाली टोलि डिभिजन १ मा बढुवा समेत भएको छ। आजको खेलले भने प्रतियोगिताको बिजेता र उपविजेताको टुंगो लगाउनका साथै मार्चमा जिम्बाबेमा हुने एक दिवसिय विश्वकप छनौटमा कुन समुहमा पर्ने निर्धारण समेत गर्नेछ।

अंकतालिकामा शिर्ष स्थानमा रहने क्रममा नेपालले ५ खेलबाट ४ मा जित तथा १ हार सहित ८ अंक जोड्न सफल भयो। यता दोस्रो स्थानको युएईले भने समान ५ खेलबाट ३ मा जित र २ मा हार सहित ६ अंक बटुल्न सक्यो। समान जित सहित क्यानडा र नामिबियाको पनि ६-६ अंक भएता पनि रन रेटका आधारमा युएईले दोस्रो स्थान पाउन सफल भयो।

जिते कुन समुह हारे कुन समुह ?

आज हुने युएई र नेपाल बिचको खेलले आगामी मार्चमा जिम्बावेमा हुने आइसीसी विश्वकप छनौटको समूह निर्धारण गर्नेछ। बिश्वकप छनौटमा सहभागी हुने १० वटा टिमलाई २ समुहमा बिभाजन गरीएको छ। समुह चरणमा सबै टिमले एकअर्कासंग १-१ खेल खेल्नेछन् जसपछि दुवै समुहबाट उत्कृस्ट-३ हुने टिम सुपर-सिक्स चरण खेल्न छनौट हुनेछ। सुपर सिक्स चरणमा एउटा टिमले ३ वटा खेल खेल्ने छ ( समुह चरणमा भेट नभएका टिमसंग मात्र )। समुह चरणमा पाएको अंक समेत सुपर सिक्स चरणमा जोडिनेछ (  समुह चरणको अंक तालिकामा तलको २ स्थानमा रहेका टिमसंगको अंक बाहेक )। सुपर सिक्स चरणपछि फाइनल पुग्ने उत्कृस्ट २ हुने टिम बिश्व कप २०१९ खेल्न छनौट हुनेछ।

यसअघि नै समुह “ए” मा वेस्ट इन्डिज, आयरल्याण्ड, नेदरल्याण्ड र पपुवा न्युगिनी सामेल छन्। आजको फाइनल खेलको बिजेताले समुह “ए” मा स्थान बनाउने छ। यस्तै समूह “बि” मा अफगानिस्तान, जिम्बाबे, स्कटल्याण्ड र हंगकंग रहेका छन्। आजको खेलको उपविजेताले यो समूहमा स्थान बनाउनेछ।

नेपाल र युएईको यसअघिको भेट 

नेपाल र युएई बीच ५ दिन अघि मात्र यसै प्रतियोगिताको समूह चरणमा भेट भएको थियो। त्यस खेलमा नेपालले युएईलाई ४ विकेटले पराजित गरेको थियो। टस जित्दै नेपालले पहिले बलिंग गर्ने निर्णय लिएपछि ब्याटिंगमा उत्रिएको युएईले ११४ रन मात्र जोडेको थियो।

नेपालका लागि सोमपाल कामीले ४ तथा सन्दिप लामिछानेले ३ विकेट लिएका थिए। जवाफमा नेपालले ६ विकेट गुमाउँडदा लक्ष्य भेट्टाएको थियो। नेपालका लागि कप्तान पारस खड्काले म्यान अफ द म्याच बन्ने क्रममा ५१ रन बनाएका थिए।





थप समाचार

रोड सेफ्टी वर्ल्ड सिरिज : सेहवागले आक्रामक ब्याटिंग गर्दा भारत लेजेन्ड्सको सहज जित

गत वर्ष मार्चमा कोरोना महामारीका कारण बिचैमा रोकिएको रोड सेफ्टी वर्ल्ड सिरिज टि-२० ले पुनः निरन्तरता पाएको छ। गत वर्ष […]

काठमाडौँ मेयर कप भोलि देखि, कुन टिममा को-को छन् खेलाडी

काठमाडौँ महानगरपालिकाको सहयोग र नेपाल क्रिकेट संघ ( क्यान ) को आयोजनामा फाल्गुन २२ गते शनिवार देखि काठमाडौँमा पहिलो संस्करणको […]

रुपन्देही सुपर लिग : विपिन चम्किदा तिरुपतिको जित

प्रकाश न्यौपाने, भैरहवा, फागुन २१ रुपन्देहीको भैरहवास्थित सिद्धार्थ रंगशालामा जारी नेपाल टेलिकम रुपन्देही सुपर लिग क्रिकेट प्रतियोगिता अन्तर्गत शुक्रबार भएको […]

रिशभ पन्तले शानदार शतक बनाउदा भारत अघि

रिशभ पन्तले शानदार ब्याटिंग गर्दा इंग्ल्यान्ड बिरुद्ध चौथो टेस्टको दोश्रो दिनको समाप्तिमा भारतले ८९ रनको पहिलो इनिंग्सको अग्रता हाँसिल गरेको […]

काठमाडौँ मेयर कपमा सन्दिपले मेयर-११ टिमको कप्तानी गर्ने, कहिले छ खेल

फाल्गुन २२ गते देखी काठमाण्डौमा सुरु हुने पहिलो संस्करणको काठमाण्डौ मेयर कप एकदिवसीय राष्ट्रीय प्रतियोगितामा स्टार लेग स्पिनरसन्दीप लामिछानेले काठमाण्डौ […]

काठमाडौँ मेयर कप : दुई सोनुलाई मौका दिंदै बागमती प्रदेश टिमको घोषणा

फाल्गुन २२ गते शनिवार देखि काठमाडौँमा सुरु हुने पहिलो संस्करणको ‘काठमाडौँ मेयर कप’ राष्ट्रिय प्रतियोगिताको लागि बागमती प्रादेशिक क्रिकेट संघले […]