सुरु हुँदै नेपालको डिभिजन-२ तयारी



  • विकेटनेपाल, १८ पौष

फेब्रुअरीको दोश्रो साता देखि नामिबियामा सुरु हुने आईसीसी बिश्व क्रिकेट लिग डिभिजन-२ को लागि नेपाली टिमले तयारी थाल्ने भएको छ।

फेब्रुअरी ८ देखि १५ सम्म संचालन हुने ( मितिले आधिकारिकता पाएको छैन ) भनिएको डिभिजन-२ को लागि नेपाली टिमले जनवरी ५ ( पौष २१ ) देखि तयारी थाल्ने योजना बनाएको प्रशिक्षक जगत टमाटाले विकेटनेपाललाई जानकारी गराएका छन्।

“हामीले आईसीसीलाई जनवरी ५ देखि तयारी सुरु गर्न पत्राचार गरिसकेका छौँ र आज भोलिमा आईसीसीको निर्णय आउनेछ”

बन्दसत्रको लागि २२ सदस्यीय टिमको चयन गरिसकीएको र त्यसको लागि पनि आईसीसीको सहमतिको प्रतिक्षा रहेको टमाटाले बताए। टमाटाका अनुसार टिमको छनौट च्याम्पियनसिपकै प्रदर्शनको आधारमा गरिएको तथा इपिएल टि-२० मा उत्कृस्ट प्रदर्शन गर्ने खेलाडीहरुलाई समेत प्रारम्भिक टिममा समावेश गरिएको छ।

डिभिजन-२ मा नेपाल सहित युएई, केन्या, नामिबिया, ओमान र क्यानडा सहभागी हुने छन्। ६ टिम मध्ये उत्कृस्ट-२ हुने टिम एकदिवसीय बिश्व कप छनौट प्रतियोगिता खेल्न पाउनेछ। नेपाल बिश्व क्रिकेट लिग च्याम्पियनसिपमा सातौँ स्थानमा रहँदै डिभिजन-२ मा घटुवा भएको थियो।

डिभिजन-२ राउण्ड रोबिन लिगको आधारमा खेलिनेछ जसमा सबै टिमले एक अर्का बिरुद्ध १-१ खेल खेल्नेछन् जसको आधारमा अंक तालिकामा उत्कृस्ट २ हुने टिम छानिनेछ। अंक तालिकामा उत्कृस्ट २ हुने टिमले फाइनल खेल खेल्नेछन् जसको आधारमा बिजेता तय गरिनेछ भने उत्कृस्ट २ टिम बिश्व कप छनौट खेल्न छनौट हुनेछन्।

Jagat Tamata

सन् २०१४ मा नेपालले मलेसियामा सम्पन्न डिभिजन-३ जित्दै डिभिजन-२ उक्लेको थियो जसपछि नामिबियामा सम्पन्न डिभिजन-२ प्रतियोगितामा नेपालले तेश्रो स्थान हाँसिल गरेको थियो। तेश्रो स्थान हाँसिल गरे पनि नेपालले बिश्व क्रिकेट लिग च्याम्पियनसिप खेल्न पाएको थियो। त्यो बेला नेपाल संगै नामिबिया, नेदरल्याण्ड, केन्या, क्यानाडा र युगान्डाले डिभिजन-२ खेलेका थिए। क्यानडा र युगान्डा डिभिजन-३ मा घटुवा भएका थिए भने नामिबिया, नेदरल्याण्ड, नेपाल र केन्या बिश्व क्रिकेट लिग च्याम्पियनसिप खेल्न छनौट भएका थिए।

तयारीको लागि दक्षिण अफ्रीका जान सक्ने 

नामिबियामा हुने डिभिजन-२ को तयारीको लागि नेपाली टिमले दक्षिण अफ्रीकाको अभ्यास भ्रमण गर्न सक्नेछ। विकेटनेपाललाई प्राप्त जानकारी अनुसार नेपालले प्रतियोगिता अघि १० दिने दक्षिण अफ्रीकाको अभ्यास भ्रमण गर्नेछ। आईसीसीको सहमति पछि दक्षिण अफ्रीका भ्रमण पक्का हुनेछ।





थप समाचार

दुई दिनमै सकियो भारत-इंग्ल्यान्ड टेस्ट, यस्ता बने कीर्तिमान

तेश्रो टेस्टमा इंग्ल्यान्डलाई १० विकेटले पराजित गर्दै भारतले ४ टेस्टको सिरिजमा २-१ को अग्रता हाँसिल गरेको छ। जितसंगै भारत टेस्ट […]

४ सयौं टेस्ट विकेट लिंदै आश्विनले बनाए कीर्तिमान

भारतीय अफस्पिनर रभीचन्द्रन आश्विनले टेस्ट क्रिकेटमा व्यक्तिगत ४ सय विकेट पुरा गर्दै नयाँ कीर्तिमान बनाएका छन्। इंग्ल्यान्डबिरुद्ध अहमदावादको नरेन्द्र मोदी […]

रुपन्देही सुपरलिग : लुम्बिनी खुकुरी विजयी

प्रकाश न्यौपाने, भैरहवा, फागुन १३ भैरहवास्थित सिद्धार्थ रंगशालामा जारी नेपाल टेलिकम रुपन्देही सुपर लिग क्रिकेट प्रतियोगिता अन्तर्गत बिहीबार भएको डिभिजन […]

रोमान्चक दोश्रो टि-२०मा न्युजिल्यान्डद्वारा अस्ट्रेलिया पराजित

रोमान्चक दोश्रो टि-२० मा अस्ट्रेलियालाई ४ रनले पराजित गर्दै घरेलु टोलि न्युजिल्यान्डले ५ वटा टि-२० अन्तर्राष्ट्रियको सिरिजमा २-० को अग्रता […]

रुपन्देही सुपरलिग : रुपेशले उत्कृस्ट बलिंग गर्दै बुद्धको सहज जित

प्रकाश न्यौपाने, भैरहवा, फागुन १२ भैरहवामा जारी नेपाल टेलिकम रुपन्देही सुपर लिग क्रिकेट प्रतियोगिता अन्तर्गत बुधबार भएको डिभिजन ‘ए’को खेलमा […]

पीएसएल : शर्जिलको शतकका बाबजुद कराची पराजित

शर्जिल खानको आक्रामक शतकका बाबजुद कराची किंग्सलाई पराजित गर्दै इश्लामवाद युनाइटेडले पाकिस्तान सुपर लिगमा लगातार दोश्रो जित दर्ता गर्दै जित […]