डोमिंगो बंगलादेशको प्रशिक्षक नियुक्त, यस्तो छ इतिहास



बंगलादेश क्रिकेट टिमको मुख्य प्रशिक्षकमा रसेल डोमिंगो नियुक्त भएका छन्। २ वर्षको लागी शनिवार उनलाई बंगलादेश क्रिकेट बोर्डले उनलाई जिम्मेवारी सुम्पिएको हो।

४४ वर्षीय डोमिंगो यस अघि दक्षिण अफ्रिकी क्रिकेट टिमको प्रशिक्षक रहीसकेका छन्। अगस्ट २१ बाट उनले आफ्नो जिम्मेवारी सम्हाल्नेछन्।

डोमिंगो सहित बंगलादेश टिमको मुख्य प्रशिक्षक बन्ने दौडमा माइक हेसन र मिकी अर्थर रहेका थिए। हेसन भारतको प्रशिक्षक बन्न पनि अन्तिम सुचीमा रहेका थिए भने अर्थरको भर्खरै पाकिस्तान क्रिकेट टिमको प्रशिक्षक करार सकिएको थियो।

बंगलादेशले विश्वकप २०१९ पछि प्रशिक्षक स्टिभ रोड्सको सम्झौता नवीकरण गरेको थिएन।

“प्रशिक्षक पदको लागि हामिसंग अन्य दावेदारहरु पनि थिए तर हामि लामो योजना भएको प्रशिक्षक चाहन्थ्यौ। डोमिंगोसंग अनुभव छ भने हामि उनको लगाव र प्रशिक्षण सिद्धान्तबाट प्रभावित भएका थियौं। उनिसंग टिमलाई अघि लैजाने स्पस्ट खाका रहेको छ” बंगलादेश क्रिकेट बोर्ड अध्यक्ष नज्मुल हसलले बताए।

बंगलादेश बोर्डले ब्याटिंग प्रशिक्षकको रुपमा निल म्याकेन्जीलाई तथा चार्ल ल्यांगभेल्टलाई पेस बलिंग तथा ड्यानियल भिटोरीलाई स्पिन बलिंग प्रशिक्षकको रुपमा नियुक्त गरेको छ। म्याकेन्जी र ल्यांगभेल्ट दुवै दक्षिण अफ्रीकाको प्रशिक्षक स्टाफ रहीसकेका छन्।

को हुन् डोमिंगो

डोमिंगोले दक्षिण अफ्रीकाको जुनियर लेभल क्रिकेट इस्टर्न प्रोभिन्सको लागि खेलेका थिए भने सिनियर टिममा स्थान बनाउन सकेका थिएनन्। त्यसपछि २२ वर्षको उमेरमा उनले प्रशिक्षण योग्यता हाँसिल गरेका थिए। उनले २५ वर्षको उमेरमा इस्टर्न प्रोभिन्सको प्रशिक्षकको रुपमा काम गरे।

सन् २००४ अन्डर-१९ विश्वकपमा उनले दक्षिण अफ्रिकी अन्डर-१९ टिमको प्रशिक्षक पद सम्हालेका थिए। त्यसपछि उनले दक्षिण अफ्रिकी घरेलु क्रिकेटमा प्रशिक्षक पद सम्हाले। त्यो अवधिमा उनले प्रशिक्षक ग्यारी किर्स्टनको ब्याटिंग सहायकको रुपमा पनि काम गरे।

जुन २०११ मा डोमिंगो दक्षिण अफ्रिकी क्रिकेट टिमको सहायक प्रशिक्षक नियुक्त भएका थिए जुन बेला ग्यारी किर्स्टन दक्षिण अफ्रीकाको प्रशिक्षक नियुक्त भएका थिए। २०१२ डिसेम्बरमा डोमिंगो ग्यारी किर्स्टनलाई प्रतिस्थापन गर्दै दक्षिण अफ्रीका टि-२० टिमको प्रशिक्षक नियुक्त भएका थिए। त्यसपछि २०१३ मा उनले सबै फर्म्याटमा किर्स्टनलाई प्रतिस्थापन गरे। २०१७ सम्म उनले दक्षिण अफ्रिकी टिम सम्हाले।

डोमिंगोको प्रशिक्षणमा दक्षिण अफ्रिकी टिमले २०१४ टि-२० विश्वकप र २०१५ एकदिवसीय विश्वकपमा सेमीफाइनलमा स्थान बनाउन सकेको थियो।

“यो मेरो लागि निकै ठुलो सम्मानको विषय हो कि मलाई बंगलादेश राष्ट्रिय क्रिकेट टिमको प्रशिक्षक नियुक्त गरिएको छ। म बंगलादेशको प्रगति पछ्याईरहेको छ र टिमको उद्देश्य प्राप्तिको लागि काम गर्न निकै उत्साहित रहेको छु। म वर्तमान क्रिकेटरको विकास तथा नयाँ स्टार क्रिकेटर जन्माउनको लागि काम गर्नेछु”

बंगलादेशले आगामी सिरिज अफगानिस्तानसंग सेप्टेम्बरमा खेल्दैछ। अफगानिस्तानसंग एउटा टेस्ट खेलीसकेपछि अफगानिस्तान र जिम्बाबे सम्मिलित त्रिकोणात्मक सिरिज खेल्ने तालिका रहेको छ।

( क्रिकबजको सहयोगमा )

 





थप समाचार

अफ्रिदीको रेकर्ड तोड्दै शाकिब बने टि-२० विश्वकप इतिहासकै सर्वाधिक विकेटकर्ता

टि-ट्वान्टी विश्वकपको सुपर-१२ चरण अन्तर्गत आइतबार बंगलादेश अलराउण्डर शाकिब अल हसनले ठूलो रेकर्ड आफ्नो नाम गरेका छन्। श्रीलंका बिरुद्ध खेलमा […]

टि-ट्वान्टी विश्वकपमा आज एक मात्र खेल

युएईमा जारी टि-ट्वान्टी विश्वकपको सातौँ संस्करण अन्तर्गत अन्तर्गत सोमबार एक मात्र खेल हुँदैछ। समुह ‘२’ अन्तर्गतको खेलमा अफगानिस्तान र स्कटल्याण्ड […]

भारत बिरुद्ध पाकिस्तानको जितमा बनेका ५ ठूला रेकर्ड

विश्वकप जित्न दावेदार तथा बलियो टिम मानिएको भारतलाई १० विकेटले सहजै पराजित गर्दै पाकिस्तानले टि-ट्वान्टी विश्वकप २०२१ को शानदार सुरुवात […]

भारत बिरुद्ध जितपछि पाकिस्तान कप्तान आजमले भने “यो सुरुवात मात्र हो”

क्रिकेट इतिहासमै पहिलो पटक भारत बिरुद्ध आईसीसी विश्वकपको खेल जितेपछि पाकिस्तान कप्तान बाबर आजमले जितको श्रेय टिमलाई दिएका छन्। एकदिवसीय […]

T20WC : पाकिस्तानसंग हारपछि भारतीय कप्तान कोहलीले के बताए कारण

अन्तर्राष्ट्रिय क्रिकेट परिषद ( आईसीसी ) को विश्वकप इतिहासमै पहिलो पटक पाकिस्तानसंग पराजित भएपछि भारतीय कप्तान बिराट कोहलीले पाकिस्तानी टिमको […]

भारत बिरुद्ध ऐतिहासिक जितमा उत्कृस्ट घोषित अफ्रिदीले के भने

भारत बिरुद्ध टि-ट्वान्टी विश्वकपमा पाकिस्ताले ऐतिहासिक जित हात पार्दा पाकिस्तानी पेसर शाहिन शाह अफ्रिदी प्लेयर अफ द म्याच चुनिए। बायाँ […]