डिपिएल – ३ को खेल तालिका सार्वजनिक, पहिलो खेलमा करन र सोमपालको टिम भिड्ने



  • विकेटनेपाल – माघ, १९ शनिवार 

रुस्लान धनगढी प्रिमियर लिग ( डिपिएल ) को तेस्रो संस्करणको खेल तालिका सार्वजनिक भएको छ। धनगढी प्रिमियर लिगको तेश्रो संस्करण यही माघ २६ गते देखि फाल्गुन ११ गतेसम्म आयोजना हुँदैछ।

प्रतियोगितामा यस सिजन समेत ६ वटा सहरको प्रतिनिधित्व गर्ने टोलिहरु रहेका छन् जसमा धनगढी स्टार्स, सीवाईसी अत्तरिया, काठमाडौँ गोल्डेन्स, रुपन्देही च्यालेन्जर्स, बिराटनगर किङ्ग्स र महेन्द्रनगर युनाईटेड रहेका छन्। यो पटक पनि डिपिएलले आफुलाई सर्वाधिक धनराशीको प्रतियोगिता हुने घोषणा गरिसकेको छ।

प्रतियोगिताको तेश्रो संस्करणलाई अन्तर्राष्ट्रिय क्रिकेट परिषद ( आईसीसी ) ले यसअघि नै मान्यता दिईसकेको छ। यस्तै सहभागी ६ वटै टोलीले यसअघि नै भएको अक्सनबाट खेलाडी लिइसकेका छन्। डीपीएलका प्रत्येक टिमले अक्सनबाट १२ खेलाडी, एक रणनैतिक खेलाडी र दुई विदेशी गरि १५-१५ खेलाडी टोलीसँग आवद्ध गरेका छन्।

यस्तो छ खेल तालिका : 

सार्वजनिक खेल तालिका अनुसार प्रतियोगिताको उद्घाटन खेलमा फेब्रुअरी ९ तारिकमा करन केसी रणनीतिक खेलाडी रहेको बिराटनगर किंग्स र सोमपाल कामीको धनगढी स्टार्स भिड्ने छन्।

फेब्रुअरी ९ तारिक ( माघ  २६ ) देखि फेब्रुअरी २३ ( फाल्गुन ११ ) सम्म प्रतियोगिता कुल १५ दिन चल्ने छ। त्यस अवधिभर फेब्रुअरी १३ तारिकमा कुनै खेल रहेको छैन भने फाइनल खेलको अघिल्लो दिन फेब्रुअरी २२ तारिकमा च्यारिटी खेल रहेको छ।

उद्घाटन खेल बाहेक प्रतियोगिताको पहिलो चरणमा हरेक दिन दुई खेल हुनेछन् जसअन्तर्गत पहिलो खेलम बिहान ९ बजे र दोस्रो खेल दिउँसो १ बजेबाट खेलिनेछ।

DPL - 3 Fixtures
DPL – 3 Fixtures

समुह चरणका अन्तिम २ खेलसंगै दुई क्वालीफायर, एलिमिनेटर र फाइनल खेलभने छुट्टा छुट्टै दिन खेलिने छ। समुह चरणको शिर्ष ४ मा पर्ने टोलि अर्को चरणमा प्रवेश गर्ने छन्। तालिकाको पहिलो दुई स्थानमा रहने टोलीले पहिलो क्वालिफायर खेल खेल्नेछन् जसको बिजेता सोझै फाइनल प्रवेश गर्नेछ भने पराजित टोलीले तालिकाको तेस्रो र चौथो हुने टोलि बिचको एलिमिनेटर बिजेतासंग फाइनल प्रवेशका लागि दोस्रो क्वालिफायर खेल्ने छ।

प्रतियोगिता अन्तर्गत यसपटक खेलहरु ड्रिम फाप्ला मैदानमा खेलिनेछन्। यसअघि प्रतियोगिता संचालन हुँदै आएको अञ्चल प्रहरी  मैदानलाई भने बैकल्पिक मैदानको रुपमा तयार गरिने आयोजकले बताएको छ।

 





थप समाचार

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]

IPL : सनसनीपूर्ण खेलमा दिल्लीलाई पराजित गर्दै कोलकाता फाइनलमा

सनसनीपूर्ण दोश्रो क्वालीफायरमा दिल्ली क्यापिटल्सलाई ३ विकेटले पराजित गर्दै कोलकाता नाइट राइडर्स १४ औं संस्करणको इन्डियन प्रिमियर लिगको फाइनल प्रवेश […]