धनगढी प्रिमियर लिगका टिम र कप्तान घोषणा हुँदै

Sagarmatha Cement Dhangadhi Premier League


विकेटनेपाल, पुष २० – काठमाडौँ 

बहुप्रतिक्षित सगरमाथा सिमेन्ट धनगढी प्रिमियर लिगमा सहभागी हुने टिम र टिमका कप्तानहरुको घोषणा बिहिबार हुने भएको छ l

प्रतियोगितामा ६ टोलि सहभागी हुनेछन् जसको टुंगो लागिसकेको छ l लिगमा धनगढी, कंचनपुर, काठमाडौँ, बिराटनगर, रुपन्देहीका गरी कुल ६ टिम सहभागी हुनेछन् l

सबै टिमको कप्तानको पनि टुंगो लागिसकेको आयोजक धनगढी क्रिकेट एकेडेमीका अध्यक्ष सुबास शाहीले विकेटनेपाललाई जानकारी दिलाएका छन् l ६ टिमको कप्तान रास्ट्रिय क्रिकेट टिमका सदस्यहरु मध्येबाट चुनिएका छन् l

कुन टिममा को कप्तान रहने टिमहरु बीच गोलाप्रथा गरेर चुनिएको हो l टिम र कप्तानको नाम बिहिबार पत्रकार सम्मेलनमाझ गरिनेछ l

टिम र कप्तानको घोषणा पछि पुष २३ गते ‘अक्सन’ मार्फत टिमले खेलाडीहरु चुन्नेछन् l

प्रतियोगितामा सहभागी हुन देशभरबाट २१८ जनाले विकेटनेपाल मार्फत नाम दर्ता गराएका छन् l दर्ता भएका खेलाडीहरुलाई ४ वटा श्रेणीमा बिभाजन गरि निम्नतम मूल्य तोकेर अक्सन संचालन गरिनेछ l

अक्सन प्रक्रिया बारे सम्पूर्ण जानकारी बिहिबार पत्रकार सम्मेलन माझ घोषणा गरिने शाहीले विकेटनेपाललाई जानकारी गराए l खेलाडीको निम्नतम मूल्य र बर्गिकरणमा पहिले घोषणा गरेको भन्दा केहि परिवर्तन गरीएको जसमा पहिले खेलाडीको ३ वटा श्रेणी हुनेमा अब ४ वटा श्रेणीमा बिभाजन गरिनेछ l

चैत्र ५ गते देखि धनगढीमा संचालन हुने प्रतियोगिताको बिजेताले रु. १५ लाख पाउने छ जुन नेपाली क्रिकेटमा हाल सम्मकै सर्बाधिक पुरस्कार राशी हो l अनुमानित लागत १ करोड ६० लाख रहने प्रतियोगिताको पुरस्कार राशीमै २८ लाख ५० हजार रुपैयाँ खर्च गरिनेछ l

यो पनि पढ्नुस :- 

नेपालकै सर्बाधिक धनराशीको प्रतियोगिता ‘धनगढी प्रिमियर लिग’ आयोजना हुने





थप समाचार

टि-२० विश्वकप छनोट : नेपालको समुहमा ओमान र आयरल्याण्ड

२०२२ अक्टोबर-नोभेम्बर मा अस्ट्रेलियामा आयोजना हुने टि-ट्वान्टी विश्वकपको ग्लोबल क्वालीफायरमा स्वतः छनोट भएको नेपालले आगामी वर्ष २०२२ फेब्रुअरीमा ओमानमा ग्लोबल […]

प्रदेश २ स्तरिय महिला क्रिकेट : सानाकाे उत्कृष्ट प्रदर्शनले बारा विजयी, सिराहाद्वारा

प्रधानमंन्त्री कप प्रदेश स्तरिय टि ट्वान्टी महिला सिनियर छनाेट क्रिकेट प्रतियाेगिता अन्तर्गत आज भएकाे दुई वटा खेलमा बारा र सिरहा […]

हिमालयनलाई बर्दिया प्रिमियर लिगको उपाधी, आयुष्मान सर्वोत्कृष्ट

दोश्रो बर्दिया प्रिमियर लिगको उपाधि हिमालयन क्रिकेट एकेडेमीले उपाधि जितेको छ । मंगलबार गुलरियामा सम्पन्न फाइनलमा हिमालयनले स्टार क्रिकेट एकेडेमीलाई […]

११ नेपाली खेलाडी पीएसएल ड्राफ्टमा, छनोट भए कति पाउनेछन् रकम ?

पाकिस्तान सुपर लिगको ( पीएसएल ) आगामी संस्करण अर्थात् सातौँ संस्करण आगामी वर्ष २०२२ जनवरी २७ तारिख देखि फेब्रुअरी २७ […]

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]