डीपीएललाई आईसीसीको मान्यता, के हुन्छ फाइदा ?

Dhangadhi Premier League


  • विकेटनेपाल – ३० फाल्गुन, बुधवार

आगामी चैत्र १७ गतेबाट धनगढीमा सुरुहुने बहुप्रतिक्षित धनगढी प्रिमियर लिग डीपीएललाई अन्तर्राष्ट्रिय क्रिकेट परिषद् (आइसीसी) बाट मान्यता प्राप्त भएको छ।

योसंगै आइसीसीबाट मान्यता प्राप्त गर्ने डिपिएल दोस्रो नेपाली घरेलु क्रिकेट प्रतियोगिता भएको छ। यसअघि एभरेष्ट प्रिमियर लिग इपिएलको दोस्रो सिजनले समेत आइसीसीबाट मान्यता पाएको थियो। इपिएलले आईसीसीबाट मान्यता लिएबापत २० हजार डलर बुझाउनुपरेको थियो।

डीपीएल आयोजक धनगढी क्रिकेट एकेडेमीका अध्यक्ष सुबाश शाहीले बुधबार जारि गरेको प्रेस बिज्ञप्तिका अनुसार आइसीसीले डिपिएलको दोस्रो सिजनलाई मान्यता दिएको छ र अब प्रतियोगितामा सहभागी कुनैपनि टोलिले बिदेशी खेलाडीलाई अनुबन्ध गर्न बाटो खुलेको छ। शाहीका अनुसार आईसीसीका सिनियर क्रिकेट अपरेशन म्यानेजर क्लाइभ हिचककद्वारा प्रेषित पत्रमा आइसीसीले आफ्ना सम्पूर्ण सदस्य राष्ट्रहरुलाई डिपिएल-२ लाई आईसीसीको मान्यता रहेको संदेश पठाइसकेको छ।

२०१७ को डीपीएलमा ब्याटिंग गर्दै पारस खड्का

डीपीएलमा सहभागी ६ वटा टिमले अनिवार्य रुपमा २ जना बिदेशी खेलाडी टिममा राख्नैपर्ने नियम छ। आईसीसीको मान्यता बिना बिदेशी टिमहरुले खेलाडी पठाउदैनन् भने नेपाल क्रिकेट संघ नभएको अवस्थामा प्रतियोगिताले क्रिकेटको सर्वोच्च निकायको बैधानिकता पाउदैन।

डीपीएलले जारि गरेको बिज्ञप्तिमा आईसीसीलाई कति मूल्य तिर्नु पर्ने उल्लेख नगरिएतापनि विकेटनेपाललाई प्राप्त अनुसार ईपीएलले तिरेको २० हजार डलरनै डीपीएलले तिर्नुपर्नेछ तर डीपीएलले आईसीसीलाई २० लाख भन्दा कम मूल्यमा अनुमति दिन बिशेष अनुरोध गरेको छ।आईसीसीलाई डीपीएलले मूल्य कम गर्न पत्राचार गरिसकेको छ र आईसीसीको जवाफको प्रतिक्षामा डीपीएल रहेको विकेटनेपाललाई जानकारी प्राप्त भएको छ। मान्यता दिए बापत लिने मूल्य नेपालकै क्रिकेट विकासको लागि खर्च गर्ने आईसीसीले ईपीएललाई मान्यता दिंदा बताएको थियो।

यो पनि पढ्नुस – डीपीएल अक्सन : कुन टिमले कसलाई कतिमा किने ?

यसै बर्ष पुषमा सम्पन दोस्रो संसकरणको एभरेष्ट प्रिमियर लिगमा श्रीलंकन रास्ट्रिय क्रिकेटर फर्भेज महरुफ, हंगकंगका राष्ट्रिय टोलिका कप्तान बाबर हयात र अर्का खेलाडी अंशमन रथले सहभागिता जनाएका थिए। यस्तै आईपीएल खेलीसकेका खेलाडीहरु पुनित बिस्ट, योगेश नागर जस्ता खेलाडीहरु समेत ईपीएल खेलेका थिए भने पाकिस्तान र भारतका अन्य प्रतिष्ठित क्रिकेटरहरु समेत सहभागी थिए।

पारस खड्का कप्तानीको टिम चौराहा धनगढीले डीपीएल २०१७ को उपाधि जितेको थियो

डीपीएल-२ मा काठमाडौं गोल्डन्स, विराटनगर किंग्स, महेन्द्रनगर युनाइटेड, सिवाइसी अत्तरिया, रुपेन्देही च्यालेन्जर्स र टिम चौराहा धनगढी गरी ६ टोलीले सहभागिता जनाउँदै छन्। प्रतियोगिताका टोलीहरुले फागुन ९ गते काठमाडौंमा भएको अक्सनबाट खेलाडीहरु अनुबन्ध गरिसकेका छन्। प्रत्येक टिममा एक रणनैतिक खेलाडीसहित दुई विदेशी खेलाडी पनि रहनेछन्।

अनुमानित ३ करोड लागत रहेको रुस्लान डीपीएल-२ को विजेतालाई २५ लाख तथा उपविजेतालाई १० लाख रुपैयाँ तथा ट्रफी प्रदान गरिनेछ जुन नेपाली क्रिकेटको सर्वाधिक पुरस्कार राशी हो। तेस्रो हुनेलाई ३ लाख र चौथोलाई २ लाख पाउने आयोजकले जनाएको छ। गत वर्ष पहिलो संस्करणको विजेतालाई १५ लाख र उपविजेतालाई ७ लाख दिइएको थियो। प्रत्येक खेलका म्यान अफ द म्याचले रु १० हजार तथा म्यान अफ द सिरिजले मोटरसाइकल पाउनेछन्।

डीपीएलको उद्घाटन समारोहमा राष्ट्रिय तथा अन्तर्राष्ट्रिय प्रतियोगितामामा सहभागी १ पूर्व खेलाडीलाई ‘धनगढी क्रिकेट सम्मान’ तथा नेपाली क्रिकेटमा महत्वपूर्ण योगदान १ व्यक्तिलाई ‘अर्जुन खड्का स्मृति सम्मान’ स्वरुप १-१ लाख रुपैयाँ प्रदान गरिने आयोजकले जनाएको छ।





थप समाचार

आईपीएल २०२१ : उद्घाटन खेलमा मुम्बई र बैंगलोर बीच प्रतिस्पर्धा ( खेलतालिका सहित )

इन्डीएन प्रिमियर लिग ( आईपीएल ) को १४ औं सिजन यो वर्ष अप्रिल ९ तारिख देखि सुरु हुने भएको छ। […]

रुपन्देही सुपर लिग : वेष्टर्न सेमिफाइनलमा

प्रकाश न्यौपाने, भैरहवा, फागुन २३ भैरहवामा जारी नेपाल टेलिकम रुपन्देही सुपर लिग क्रिकेट प्रतियोगिता अन्तर्गत आइतबार भएको डिभिजन ‘ए’को समूह […]

एपीएफको लगातार दोस्रो जित, पुलिस १ विकेटले पराजित

काठमाडौं । विभागीय टोली एपीएफले काठमाडौं मेयर्स कप क्रिकेटमा लगातार दोस्रो जित निकालेको छ । टियु क्रिकेट मैदानमा भएको खेलमा […]

सन्दीपको अलराउण्ड प्रदर्शनमा काठमाडौं मेयर्स ११ विजयी, बागमतिको लगातार दोस्रो हार

काठमाडौं । सन्दीप लामिछाने कप्तान रहेको काठमाडौं मेयर्स ११ ले बागमती प्रदेशलाई पराजित गरेको छ । आइतबार मुलपानि क्रिकेट मैदानमा […]

काठमाडौं मेयर ११ ले दियो बागमतिलाई २४५ रनको लक्ष्य

मुलपानी । पछिल्ला क्रममा खेलाडीले उत्कृष्ट ब्याटिङ गरेपछि काठमाडौं मेयर्स ११ ले मेयर्स कप क्रिकेटमा बागमति प्रदेशलाई २४५ रनको लक्ष्य […]

लिटल फ्लावर लिग: बाल बाटिका सेमिफाइनलमा, होलिल्याण्डको दोस्रो जित

धनगढी : कैलालीको बौनियाको बाल बाटिका स्कुल धनगढीमा जारी चण्डिका ग्रुप लिटल फ्लावर प्रिमियर लिग (एलपीएल) क्रिकेटमा लगातार तेस्रो जित […]