डिपिएलको प्रत्यक्ष प्रशारण अब एपीवानले गर्ने

  • विकेटनेपाल, ८ चैत ।

यस अघि डीस होम स्पोर्ट्सले गर्ने सम्झौता भएको सगरमाथा सिमेन्ट धनगढी प्रिमियर लिगको प्रत्यक्ष प्रशारण एपीवान टिभीले गर्ने भएको छ।

एसीसी ईमर्जिङ टिम्स कपका कारण सगरमाथा सिमेन्ट डिपिएलको पुर्वानिर्धारित कार्यक्रम प्रभावित भएको र यसअघि प्रत्यक्ष प्रशारण गरिने भनिएको डिस होम स्पोर्टस च्यानलको पनि सगरमाथा सिमेन्ट डिपिएलको पुर्वनिर्धारित व्यस्त तालिकाले प्रत्यक्ष प्रसारण गर्न सम्भव नभएपछि एपीवान टेलिभिजनसँग सम्झौता भएको आयोजक धनगढी क्रिकेट एकेडेमीले बताएको छ।

अन्नपुर्ण ब्रोडकास्ट र धनगढी क्रिकेट एकेडेमी बिच भएको सम्झौता अनुसार डिपिएलका सवै खेलको प्रत्यक्ष एपीवान टेलिभिजनबाट हुनेछ।

अन्नपुर्ण ब्रोडकाष्ट मिडिया र आयोजक धनगढी क्रिकेट एकेडेमी बिच भएको पाँच बर्षे सम्झौता अनुसार सगरमाथा सिमेन्ट डिपिएलको एपीवानले आवश्यक परेका वेला फुटेजहरु स्थानिय तथा राष्ट्रिय सञ्चारकर्मीलाई उपलब्ध गराउने सम्झौतामा उल्लेख गरिएको छ। एपीवानले प्रत्येक खेलको प्रत्यक्ष प्रशारण सकिएपछि यथाशिघ्र चाडो अनलाईन तथा युटुयुबमा खेलको भिडियो अपलोड गर्ने सम्झौता भएको छ।