नेपालको युएई भ्रमणका कारण डिपिएलको मिति सर्यो

DPL 3


  • विकेटनेपाल – पौष १०, मंगलवार

यहि माघ १९ गतेबाट फाल्गुन ४ गतेसम्म आयोजना हुने भनिएको तेस्रो संस्करणको रुस्लान धनगढी प्रिमियर लिग (डिपिएल) को मिति सारिएको छ।

आयोजक धनगढी क्रिकेट एकेडेमीका अध्यक्ष सुबाश शाहीले मंगलावर प्रेस बिज्ञप्ति जारी गर्दै प्रतियोगिताको मिति सारिएको जानकारी गराउनुभएको हो। पूर्व घोषित मितिमा नेपाल र संयुक्त अरब एमिरेट्स (युएई) बिच मैत्रीपूर्ण एक दिवसीय र टि-२० अन्तर्राष्ट्रिय शृंखला हुने भएपछि डिपिएलको मिति सर्न गएको हो।

नेपालले आफ्नो दोस्रो अन्तर्राष्ट्रिय एक दिवसीय शृंखला युएई बिरुद्ध उसकै मैदानमा खेल्ने लागेको हो। नेपालले युएई भ्रमणका क्रममा टि-२० अन्तर्राष्ट्रिय समेत खेल्ने कार्यक्रम रहेको छ। युएई भ्रमणको अन्तिम मितिभने सार्वजनिक हुन बाँकी रहेको छ।

डिपिएलसंगै प्रतियोगिताको अनलाइन खेलाडी दर्ता र अक्सनको मिति समेत एक हप्ताका लागि पछाडी धकेलिएको छ। यसअघि गत पौष ४ बाट सुरुभएको खेलाडी दर्ता प्रक्रिया पौष १० गतेसम्म चल्ने र पौष १२ गते खेलाडी छनौट गर्न अक्सनको कार्यक्रम रहेको थियो।

मंगलावर प्रकाशित नयाँ मिति अनुसार तेस्रो संस्करणको रुस्लान धनगढी प्रिमियर लिग माघ २६ गतेबाट फाल्गुन ११ गतेसम्म आयोजना हुनेभएको छ। यस्तै खेलाडी दर्ताको समेत समय अवधि बढाएर पौष १७ सम्म लम्ब्याईएको छ। यसअघि पौष १२ गतेहुने भनिएको अक्सनभने नयाँ मिति अनुसार पौष १९ गते संचालन हुनेछ।

रुस्लान मुख्य प्रायोजक डिपिएलको तेश्रो संस्करण धनगढीको फाप्ला मैदानमा पहिलो पटक आयोजना गरिंदैछ जसको लागि खेलाडीहरुको चयन अक्सनबाट गरिनेछ।

यो पटक अक्सनमा सम्पूर्ण खेलाडीहरुलाई एकै वर्गमा समाबेश गरिने र खेलाडीले फर्म भर्दा रु. ३० हजार देखि २ लाख ५० हजारसम्म आफ्नो बेस प्राइस निर्धारण गर्न सक्ने डिपिएल आयोजक धनगढी क्रिकेट एकेडेमीका अध्यक्ष सुबास शाहीले प्रेस बिज्ञप्तिमार्फत जानकारी गराउनु भएको छ। यस अघिको संस्करण डिपिएल अक्सनमा सहभागी खेलाडीहरुलाई ‘ए’ ‘बि’ र ‘सी’ गरि ३ वटा श्रेणीमा बिभाजन गरिएको थियो। यस्तै पोखरा प्रिमियर लिगको अक्सनमा पनि खेलाडीहरुलाई ३ वटा श्रेणीमा बिभाजन गरिएको थियो।

अक्सनमा सहभागी हुन् फर्म भर्नको लागि आवेदकहरुले धनगढी प्रिमियर लिगको वेबसाइट dplOfficial.com लग इन गरि वेवसाइटमा फर्म भरि त्यहाँ दिईएको ई-सेवाको लिंक मार्फत फर्म शुल्क १ हजार रुपैयाँ भुक्तानी गर्नुपर्नेछ।





थप समाचार

T20 WC : पहिलो चरण समाप्त, यी हुन् दोश्रो चरण पुग्न सफल ४ टिम

युएई र ओमानमा संयुक्तरुपमा जारि सातौँ संस्करणको टि-ट्वान्टी विश्वकप अन्तर्गत समुह चरणमा १२ खेलहरु समाप्त भएका छन्। शनिवार ( अक्टोबर […]

T20WC : श्रीलंकाको कीर्तिमानी जित, नेदरल्याण्डको लज्जास्पद प्रदर्शन,

नेदरल्याण्डलाई किर्तिमानी अन्तरले पराजित गर्दै श्रीलंका समुह ‘ए’ को विजेताको रुपमा २०२१ टि-ट्वान्टी विश्वकपको सुपर-१२ चरण प्रवेश गरेको छ। समुह […]

T20WC : नामिबिया सुपर-१२ चरणमा प्रवेश, आयरल्याण्ड पहिलो चरणबाटै बाहिर

जित्नैपर्ने खेलमा टेस्ट राष्ट्र आयरल्याण्डलाई ८ विकेटले पराजित गर्दै नामिबिया टि-ट्वान्टी विश्वकप २०२१ को सुपर-१२ चरण प्रवेश गरेको छ। पहिलो […]

T20WC : जित्नैपर्ने खेलमा आयरल्याण्डद्वारा नामिबियालाई सामान्य लक्ष्य

सातौं संस्करणको टि-ट्वान्टी विश्वकप अन्तर्गत समुह ‘ए’ अन्तर्गतको खेलमा आयरल्याण्ड र नामिबिया प्रतिस्पर्धा गरिरहेका छन्। खेलको विजेता टिम सुपर-१२ चरण प्रवेश […]

T20WC : शेन वार्नको नजरमा को हो विश्वकप जित्ने दावेदार टिम

युएई र ओमानमा संयुक्तरुपमा जारी सातौं संस्करणको टि-ट्वान्टी विश्वकपको समुह चरणको खेलहरु चल्दै गर्दा क्रिकेट पण्डितहरु विश्वकप जित्न दावेदार टिमको […]

T20WC : आज दुई खेल हुँदै, आयरल्याण्ड र नामिबियालाई ‘गर या मर’ को अवस्था

युएई र ओमानमा संयुक्तरुपमा जारि सातौं संस्करणको टि-ट्वान्टी विश्वकप अन्तर्गत समुह चरणको खेलहरु आज समाप्त हुँदैछन्। समुह ‘बि’ अन्तर्गतको खेलहरु […]