डिपीएललाई रुस्लानको साथ



  • विकेटनेपाल- काठमाडौ, फागुन ५ 

धनगढी क्रिकेट एकेडेमी र सुदूरपश्चिमाञ्चल एकेडेमीको संयुक्त आयोजनामा आउँदो चैत्र ५ गते देखि धनगढीमा हुने सगरमाथा सिमेन्ट धनगढी प्रिमियर लिगलाई रूस्लान क्रिकेटले एशोसियसन पार्टनरका रूपमा सहयोग गर्ने भएको छ।

रूस्लान क्रिकेट र धनगढी क्रिकेट एकेडेमी बीच बिहीबार सम्झौतापत्रमा हस्ताक्षर भएको छ। रूस्लानका तर्फबाट कानुन विभाग प्रमुख गुरू अधिकारी र धनगढी क्रिकेट एकेडेमीका तर्फबाट अध्यक्ष सुवाश शाहीले सम्झौतापत्रमा हस्ताक्षर गरे।

हस्ताक्षर गर्दै एकेडेमीका अध्यक्ष सुवास शाहीले धनगढी क्रिकेटसँग जोडिएको रूस्लान क्रिकेटप्रति आभार व्यक्त गर्दै निरन्तर साथको अपेक्षा राखे। त्यस्तै, रूस्लानका कानुन विभाग अधिकारीले नेपाली खेलकुद विकासमा रूस्लानले महत्वपूर्ण सहयोग गर्दै आएको बताउँदै धनगढी क्रिकेटलाइ पनि निरन्तर सहयोग गर्ने प्रतिवद्धता जनाए।

देशमै पहिलो पटक राष्ट्रिय खेलाडीहरूको अक्सनमा आधारित प्रतियोगितामा देशभरिका विभिन्न ६ वटा टिमले सहभागिता जनाउँदै छन्। घरेलु क्रिकेटको सवैभन्दा ठुलो उक्त प्रतियोगिता बहुप्रतिक्षित प्रतियोगितामा पर्दछ।

सगरमाथा सिमेन्ट धनगढी प्रिमियर लिग (डिपिएल) देशकै सर्वाधिक ठुलो धनराशीको क्रिकेट प्रतियोगिता हो। टि ट्वान्टी प्रतियोगिताको विजेताले १५ र दोस्रो हुने टोलीले ७ लाख रुपैयाँ पाउनेछन् l

होटल डिभोटी एसपिए कप र सगरमाथा सिमेन्ट धनगढी क्रिकेट लिगलाई मर्ज गरेर नयाँ स्वरुपमा समगरमाथा सिमेन्ट डिपिएलको आयोजना गर्न लागिएको बताए । प्रतियोगितामा सहभागि छ टोलीमा धनगढी, काठमाडौ, विराटनगर, अत्तरिया, रुपेन्देहरी र कञ्चनपुर रहेका छन्।
प्रतियोगितामा सहभागी हुन चाहने खेलाडीले धनगढी क्रिकेट एकेडेमीमा नाम दर्ता गराएपछि उनीहरुलाई अक्सनमा लगिएको थियो। काठमाडौमा सम्पन्न अक्सनमा टिम मालिकले खेलाडीहरु अनुबन्ध गरिसकेका छन्।

प्रतियोगिताको लिग चरणमा सबै टोलीले एकअर्कासँग प्रतिस्पर्धा गरेपछि शीर्ष चार टोलीबीच प्ले अफ हुनेछ । पहिलो र दोस्रो टोलीको विजेता फाइनल पुग्नेछ । त्यसमा पराजित हुने टोलीले तेस्रो र चौथो हुने टोलीको विजेतासँग फाइनल प्रवेशका लागि पुनः प्रतिस्पर्धा गर्नेछ ।





थप समाचार

अभ्यास खेलमा नेपालको जित

क्यानडा भ्रमणमा रहेको नेपाली राष्ट्रिय क्रिकेट टिमले एक मात्र अभ्यास खेलमा ओन्टारियोको एमएलसीसी-एघारलाई ६९ रनले पराजित गरेको छ। शनिवार विहान […]

स्व. महेन्द्र नारायण निधि प्रदेशस्तरिय क्रिकेट प्रतियाेगितामा सप्तरी र धनुषा विजयी

चन्दनकुमार यादब, राजबिराज, असार १७ शुकवार राजबिराजमा संचालित महेन्द्र नारायण निधि मधेश प्रदेश स्तरिय क्रिकेट प्रतियाेगिता अन्तर्गत पहिलाे खेलमा सप्तरीले […]

नेपाली क्रिकेट टिमले अस्ट्रेलिया भ्रमण गर्ने

काठमाडौं, असार १५– नेपाली राष्ट्रिय क्रिकेट टोलीले आगामी सेप्टेम्बरमा अस्ट्रेलियाको घरेलु टोलीसँग अभ्यास क्रिकेट खेल्ने भएको छ । नेपाल क्रिकेट […]

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]