Home - घरेलु क्रिकेट - घोषणा भयो डिपीएल खेल्ने टिमहरु, यसरी हुनेछ खेलाडीको लिलामी

घरेलु क्रिकेट

घोषणा भयो डिपीएल खेल्ने टिमहरु, यसरी हुनेछ खेलाडीको लिलामी

Wicket Nepal
Administrator
sagarmatha cement dhangadhi premier league captains
  •  
  •  
  •  
  •  
  •  
  •  

विकेटनेपाल, पुष २१ काठमाडौँ

देशकै सर्बाधिक पुरस्कार राशीको प्रतियोगिता धनगढी प्रिमियर लिग खेल्ने टिम तथा कप्तानहरुको घोषणा भएको छ l चैत्र ५ देखि १९ सम्म आयोजना हुने रतियोगितामा देशको बिभिन्न शहरका ६ टोलिहरु सहभागी हुने छन् l

टिम कप्तान मालिक
 सीवाईसी अत्तरिया ज्ञानेन्द्र मल्ल शिर्जनशिल युवा क्लब
बिराटनगर किंग्स शरद भेसावकर महालक्ष्मी केवल ( पारस लुनियाँ )
काठमाडौँ गोल्डेन्स बसन्त रेग्मी गोल्डेनगेट इन्टरनेसनल कलेज ( रमेश शिलवाल )
रुपन्देही च्यालेन्जर्स शक्ति गौचन एसआर ग्रुप ( सुरज उप्रेती )
कंचनपुर आइकोनिक बिनोद भण्डारी पिताम्बर जोशी
टिम चौराहा धनगढी पारस खड्का राजकुमार श्रेष्ठ

बिहिबार काठमाडौँमा आयोजित पत्रकार सम्मेलन माझ घोषणा गरिएको कप्तानहरुको चयन गोला प्रथा द्वारा गरिएको हो l

धनगढी क्रिकेट एकेडेमी र सुदुरपश्चिमांचल एकेडेमी द्वारा आयोजित प्रतियोगितामा २ वटा टिम ( सीवाईसी अत्तरिया र टिम चौराहा धनगढी ) धनगढीका हुन् भने कंचनपुर आइकोनिक कंचनपुरको हो l यस्तै रुपन्देहीको रुपन्देही च्यालेन्जर्स , बिराटनगरको बिराटनगर किंग्सर काठमाडौँको काठमाडौँ गोल्डेनस् गरी बिभिन्न शहरका ६ वटा टिमको सहभागिता रहेको छ l


यसरी हुनेछ खेलाडी लिलामी  

प्रतियोगितामा दर्ता भएका कुल २१७ जना खेलाडीहरुलाई लिलामी ( अक्सन ) प्रक्रिया द्वारा टिमहरुले छान्नेछन् l पुष २३ गते शनिबार अक्सन हुनेछ l

छानिएका प्रत्येक टिमको कप्तानले १ लाख ५० हजार रुपैया पाउनेछन् जो अक्सनमा सहभागी हुनेछैनन् l

दर्ता भएका २१७ जना खेलाडीहरुलाई ४ वटा समुहमा बिभाजन गरिएको छ l पहिलो श्रेणीको खेलाडीको प्रारम्भिक मूल्य ५० हजार, दोश्रोको ३० हजार, तेश्रोको २५ हजार र चौथोको २० हजारबाट लिलामी सुरुहुनेछ l

एउटा टिमले १४ जना ( कप्तान बाहेक ) खेलाडीको टिम छनौट गर्न रु. ७ लाख रुपैया भन्दा बढी खर्च गर्न पाउने छैन l

प्रत्येक टिमले ४ जना अनक्यापड खेलाडी राख्ने पर्नेछ l

अक्सनमा खेलाडीहरुको बिभाजन र निम्नतम मूल्य यसप्रकार रहेको छ l

१. वर्तमान रास्ट्रिय खेलाडी : रु. ५०,०००
२. रास्ट्रिय ( नेपालको लागि १५ भन्दा कम खेल खेलेको ) र यु-१९ बिश्वकप खेलेका खेलाडी : रु. ३०,०००
३. पुर्ब यु-१९ र बिभिन्न सुमेर समुहका खेलाडीहरु : रु. २५,०००
४. अनक्याप खेलाडी : रु. २०,०००


यस्तो छ पुरस्कार राशी 

प्रतियोगिताको अनुमानित लागत करिब १ करोड ६० लाख रुपीय रहेको छ l प्रतियोगिताको बिजेता टोलिले रु. १५ लाख र उप-बिजेता टोलिले रु. ७ लाख पाउनेछ l नेपाली क्रिकेटमा यो हालसम्मकै सर्बाधिक धनराशीको पुरस्कार हो l

प्रतियोगिताको उत्कृस्ट खेलाडीले टिभीएस आरटिआर २०० अपाचे ( TVS Apache RTR 200  ) बाइक पाउनेछ l जसलाई जगदम्बा मोटर्स र जेबी अटोमोटिभ्सले संयुक्तरुपमा प्रायोजन गरेको हो l

यस्तै प्रत्येक खेलको म्यान अफ द म्याचले रु. १० हजार पाउनेछ l प्रतियोगितामा २८ लाख ५० हजार रुपैया कुल पुरस्कार हुनेछ ।


नहुने भए बिदेशी खेलाडी 

एउटा टिममा २ जना बिदेशी खेलाडी राख्न पाउने भनिएपनि पहिलो संस्करणमा टिमहरुसंगको सल्लाहमा विदेश खेलाडी नराखिने भएको छ l

 


  •  
  •  
  •  
  •  
  •  
  •