Ashirbad Paints Palpa Yoddhas Vs Pappu Constriction Rolpa Gorillas
Live Score +
Home - घरेलु क्रिकेट - डिपीएलको तयारी अन्तिम चरणमा (फोटो फिचर)

घरेलु क्रिकेट

डिपीएलको तयारी अन्तिम चरणमा (फोटो फिचर)

Manoj Ghimire
Administrator
Please follow and like us:
0

विकेटनेपाल, चैत्र १५ – बिहिबार । देशकै सर्बाधिक पुरस्कार राशिको प्रतियोगिता धनगढी प्रिमियर लिगको दोश्रो संस्करणको तयारि अन्तिम चरणमा पुगेको छ ।

प्रतियोगिताले यसअघि नै अन्तर्राष्ट्रिय क्रिकेट परिषदबाट आयोजनाको मान्यता पाईसकेको छ त्यसैले प्रत्येक टिममा दुईजना बिदेशी खेलाडीहरुको समेत उपस्थिति रहने छ ।

शनिबारबाट धनगढीको सेती अंचल प्रहरी कार्यालयको मैदानमा आयोजना हुने प्रतियोगिताको लागि आज आयोजित पत्रकार सम्मेलनमा बोल्दै एकेडेमीका अध्यक्ष सुबाश शाहीले प्रतियोगिताको तयारि अन्तिम चरणमा पुगेको बताएका छन् । प्रतियोगितामा रोमान्चकता भर्नको लागि केहि हदसम्म ब्याटिंग पिच निर्माण गर्न  दुई महिना पहिलेदेखि तयारि थाल्दै भारतबाट दुई जना क्युरेटर र नेपालका रास्ट्रीय अनुभवी क्युरेटर अजय पाण्डेको निरीक्षणमा पिच निर्माण गरिएको छ ।

पिच क्युरेटर अजय पाण्डे

यस्तै खेलमा दर्शकहरुको उपस्थितिलाई मध्यनजर गर्दै प्याराफिट निर्माणको कामलाई तिब्रता दिईएको छ । पहिलो संस्करणमा मात्र तीन हजार जनाको क्षमता भएकोमा यो पालि सात हजार दर्शक अट्ने प्याराफिटको निर्माण भोलि सकिने शाहीले बताए । साथै मैदानमा एल.ई.डी टिभीको समेत ब्यबस्था गरिएको छ जसको मद्दतले खेल लाइभ तथा रिप्ले समेत हेर्न सकिने छ ।

शाहीले विकेटनेपालसँगको कुराकानीमा भोलि प्रतियोगिताको बिजेताले पाउने ट्रफी सार्बजनिक गरिने जानकारी दिए ।

प्रतियोगिताको बिजेताले २५ लाख पुरास्कार रकम प्राप्त गर्ने छन् भने उपविजेताले १० लाख, तेस्रो हुने टोलीले ३ लाख र दोस्रो हुने टोलीले दुई लाख प्राप्त गर्ने छन् । प्रत्येक खेलका म्यान अफ द म्याचले १० हजार नगद पाउनेछन् ।

 

 

विकेटनेपालसँग अध्यक्ष शाहीको बिशेष कुराकानी र मैदानको तयारि: