डिपिएल-३: दिपेन्द्रको अलराउण्ड प्रदर्शनमा अत्तरियाको लगातार दोश्रो जित



धनगढी प्रिमियर लिग (डिपिएल) क्रिकेटको तेस्रो संस्करणको चौथो दिनको पहिलो खेलमा सिवाईसी अत्तरियाले रुपन्देही च्यालेन्जर्सलाई ३९ रनले पराजित गरेको छ। यो सँगै रुपन्देहीले तेस्रो खेलमा पहिलो हार व्यहोर्यो भने अत्तरियाले दोश्रो खेलमा लगातार दुई जित निकालेको छ।

अत्तरियाले दिएको १२२ रनको लक्ष्य पछ्याएको रुपन्देहीले बनाउन सक्यो अन्तिम बलमा सबै विकेट गुमाउँदै ८२ रनमा समेटियो।

माथिल्लोक्रम का ब्याट्सम्यान सस्तैमा आउट भएपछी ४७/८ को अवस्थामा रहेको रुपन्देहीको लागि बिक्रम सोब र सुमित महर्जनले २७ रनको साझेदारी गरे। सोबले १४ रन र महर्जनले २२ बलमा अविजित २२ रन बनाए।

ओपनरद्वय प्रदीप ऐरी र सन्दिप सुनारले क्रमश: १४ रन र १५ रन प्रहार गरे। त्यसपछि बाबर हयात र पुनित मेहरा शुन्य रन तथा भिम शार्की र बसन्त रेग्मी समान १/१ रन, कृष्ण कार्की २ रनमा पेभेलियन फर्किए। ललित भण्डारी अन्तिम बलमा १ रनमा रन आउट भए।

किफायती बलिंग गरेको अत्तरियाको लागि दिपेन्द्र रावतले २ विकेट लिन ९ रन खर्चे। त्यस्तै भुवन कार्कीले १० रन, दिपेन्द्र ऐरीले १३ रन, सन्नी पटेलले १८ रन खर्चिएर समान २/२ विकेट लिए। १ विकेट कमल ऐरीको नाममा रह्यो।

फाप्ला क्रिकेट मैदानमा टस जितेर पहिले ब्याटिंग गरेको अत्तरियाले निर्धारित २० ओभरमा ९ विकेट गुमाएर १२१ रनको योगफल तयार पार्यो। उसका लागि कप्तान ऐरीले ६७ रनको महत्त्वपूर्ण पारि खेले। १० चौका र १ छक्का सहित ५० बलको सामना गर्दा ऐरीले रित गौतमसँग ५७ रन तथा सन्नी पटेलसँग २६ रनको साझेदारी गरे। रित गौतमले रन आउट हुनुअघि १२ रन बनाएका थिए।

सुरुवाती २ विकेट मात्र १६ रनको योगफलमा गुमाएको अत्तरियाको लागि दिपेन्द्र ऐरीको ब्याटिंग महत्त्वपूर्ण रह्यो। कोल्सावाला १ रन र सुबेन्दु पाण्डे १२ रनमा आउट भए। सन्दिप जोरा २ रन र भुवन कार्की शुन्य बनाए।

सन्नी पटेलले पनि पछिल्लो खेलको प्रदर्शन दोहोर्याउन नसक्दा १४ बलमा १२ रन मात्र बनाउन सके। जितेन्द्र ठकुरी ३ रन र रामनरेश गिरि गोल्डेन डक हुँदा कमल सिंह ऐरी २ रन र दिपेन्द्र रावत शुन्यमा अविजित रहे।

बलिंगतर्फ ललितसिंह भण्डारीले ४ ओभरमा २३ रन खर्चेर ३ विकेट लिए। यस्तै बिक्रम सोबले ३ ओभरमा ११ रन खर्चेर जयकिशन कोल्सवाला र सुबेन्दु पाण्डेलाई आउट गरे।

 





थप समाचार

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]