क्वालिफायर प्रवेशको लागि रुपन्देहीलाई महेन्द्रनगरको ११६ रनको लक्ष्य



तेस्रो संस्करणको धनगढी प्रिमियर लिग क्रिकेट अन्तर्गत ईलिमिनेटर खेलमा महेन्द्रनगर युनाइटेडले रुपन्देही च्यालेन्जर्सलाइ ११६ रनको लक्ष्य प्रस्तुत गरेको छ। उसले निर्धारित २० ओभरमा ९ विकेट गुमाएर ११५ रनको योगफल तयार पारेको छ।

जारि खेल जित्ने टिमले शुक्रबार हुने दोश्रो क्वालिफायर खेलमा पहिलो क्वालिफायरमा पराजित भएको काठमाडौं गोल्डेन्सको सामना गर्नेछ। सिवाइसी अत्तरिया भने पहिलो क्वालिफायरमा काठमाडौंलाई पराजित गर्दै फाइनलमा प्रबेश गरिसकेको छ। फाइनल खेल फाल्गुन ११ गते शनिबार हुनेछ।

|| स्कोरकार्ड ||

टस जितेर पहिले ब्याटिंग गर्ने निर्णय गरेको महेन्द्रनगरले खराब सुरुवात गरेको थियो। उसले पारीको पहिलो बलमा नै दिलिप नाथलाई गुमाएको हो। त्यसपछि आएका मोहम्मद नावेदले आफ्नो पहिलो तथा पारीको दोश्रो बलमा नै छक्का प्रहार गरेका थिए।

दोश्रो विकेटको लागि नावेद र सुब्रमन्यम आनन्दले २४ रनको साझेदारी गर्नेक्रममा नावेदले बिक्रम सोब र ललित भण्डारीलाई १/१ छक्का तथा आनन्दले भण्डारीलाई १ चौका प्रहार गरे। नावेद बसन्त रेग्मीको बलमा १८ रन बनाएर आउट भए।

त्यसपछि आनन्दले अर्को ओभरमा पुनित मेहरालाई १५ रन प्रहार गरे भने बसन्त रेग्मीको दोश्रो ओभरमा आनन्द पनि २० रन बनाएर आउट भए। बसन्त रेग्मीले दुई विकेट मेडन ओभरमा नावेद र आनन्दलाई आउट गरे।

साझेदारी बनाउने प्रयास गर्दै गर्दा पुनित मेहराले एकै ओभरमा ३ विकेट झारे। एघारौँ ओभरमा आरिफ शेख (११ रन), रोहित पौडेल (२ रन) र सिद्धान्त लोहनी (शुन्य) आउट भए।

एघार ओभरको समाप्तीमा ६१/६ को अवस्थामा रहेको महेन्द्रनगरलाई अमरसिंह रौटेला र शरद भेसावकरले ३९ रनको साझेदारी गर्दै टिमको स्कोर १०० रन बनाए। रौटेला १ चौका र १ छक्का सहित १९ रन बनाएर आउट भए। त्यसको २ बल पछी अभिनास बोहराले अपर-कट चौका हानेका थिए।

बोहराले अन्तिम ओभरको चौथो बलमा चौका हाने भने पाचौं तथा छैठौं बलमा क्रमश: अभिनास बोहरा (११ रन, ५ बल, २ चौका)  र शाहब आलम (शुन्य) बोल्ड भए।

कप्तान शरद भेसावकर २९ रनमा अविजित रहे। उनले ३८ बलमा २ चौका प्रहार गरे।

बलिंगतर्फ ललित भण्डारीले ४ विकेट (४-०-२८-४), पुनित मेहराले ३ विकेट (४-०-२६-३) र बसन्त रेग्मीले २ विकेट (४-२-७-२) लिए।





थप समाचार

नेपाल र ओमान बीच खेल आज ( सम्पूर्ण जानकारी )

खेल – नेपाल VS ओमान ( चौंथो खेल, विश्वकप लिग-२ , त्रिकोणात्मक सिरिज ) कहिले – सेप्टेम्बर १९, आइतबार, नेपाली […]

कप्तान मल्लले बताए अमेरिकासंग हारको प्रमुख कारण

ओमानमा जारी आईसीसी विश्वकप लिग-२ अन्तर्गतको त्रिकोणात्मक एकदिवसीय अन्तर्राष्ट्रिय सिरिजमा लगातार दोश्रो हार बेहोर्ने क्रममा नेपाल अमेरिकासंग ६ विकेटले पराजित […]

डेब्युमा कस्तो रह्यो गुल्सनको प्रदर्शन

नेपाली घरेलु क्रिकेटमा मात्र दुई वटा खेलमा गरेको प्रदर्शनको बलमा गुल्सन झाले नेपाली राष्ट्रिय क्रिकेट टिममा स्थान बनाउदै शुक्रबार डेब्यु […]

अमेरिकासंग हार र ओमान भ्रमणमा अपेक्षाकृत प्रदर्शन गर्न नसकेका तिन प्रमुख खेलाडीहरु

ओमान भ्रमण अन्तर्गत पपुवा न्यु गिनीलाई पहिलो दुई एकदिवसीय अन्तर्राष्ट्रियमा पराजित गरेको नेपाली टिमबाट सोहि खालको प्रदर्शनको अपेक्षा नेपाली फ्यानहरुले […]

टेलर र नेत्रभाल्कर चम्किंदा अमेरिकाद्वारा नेपाल पराजित

स्टेभेन टेलरले आईसीसी विश्वकप लिग-२ अन्तर्गत ओमानमा जारी त्रिकोणात्मक एकदिवसीय अन्तर्राष्ट्रियमा नेपाल लगातार दोश्रो खेलमा ६ विकेटले पराजित हुन पुगेको […]

कप्तान मल्लको अर्धशतक, नेपालद्वारा अमेरिकालाई सामान्य लक्ष्य

आईसीसी विश्वकप लिग -२ अन्तर्गत ओमान, नेपाल र अमेरिका बीच त्रिकोणात्मक एकदिवसीय सिरिज अन्तर्गत आफ्नो तेश्रो खेलमा अमेरिकासंग प्रतिस्पर्धा गरिरहेको […]