डुप्लेसिसको शतकमा दक्षिणअफ्रीकाद्वारा अस्ट्रेलियालाई चुनौतीपूर्ण लक्ष्य



आईसीसी एकदिवसीय विश्वकप अन्तर्गत जारि ४५ औं खेलमा अस्ट्रेलिया र दक्षिण अफ्रीका प्रतिस्पर्धा गरिरहेका छन्।

खेलमा टस जितेर ब्याटिंग गरेको दक्षिण अफ्रीकाले ५० ओभरमा ६ विकेट गुमाएर ३२५ रन बनाउदै अस्ट्रेलियलाई ३२६ रनको लक्ष्य प्रस्तुत गरेको छ।

दक्षिण अफ्रीका सेमीफाइनल दौडबाट बाहिरीसकेको छ। आज यदी अस्ट्रेलियाले जित हात पारेमा सेमीफाइनलमा लिगको विजेताको रुपमा जानेछ। लिग विजेता भएमा अस्ट्रेलियाले लिग चरणको अंकतालिकामा चौथो स्थानमा रहेको टिम न्युजिल्याण्डसंग खेल्नेछ। आज अस्ट्रेलिया पराजित भएमा र श्रीलंकालाई भारतले जितेमा भारतले सेमीफाइनलमा न्युजिल्याण्डसंग खेल्नेछ र अस्ट्रेलिया र इंग्ल्याण्डले दोश्रो सेमीफाइनल खेल्नेछ।

हाल अंकतालिकामा अस्ट्रेलियाको १४ र भारतको १३ अंक रहेको छ। इंग्ल्याण्ड १२ अंक सहित तेश्रो र ११ अंक सहित न्युजिल्यान्ड चौथो स्थानमा रहेको छ। दक्षिण अफ्रीका भने २ जित र ५ हार सहित आठौँ स्थानमा रहेको छ।

डु प्लेसिसको शतकमा दक्षिण अफ्रीकाको ठुलो योगफल   

टस जितेर ओल्ड ट्रयाफर्ड मैदानमा ब्याटिंग गरेको दक्षिण अफ्रीकाको लागी कप्तान फाफ डु प्लेसिसले सर्वाधिक १०० रन बनाए। १२ औं एकदिवसीय शतक बनाउने क्रममा उनले ९४ बलमा ७ चौका र २ छक्का प्रहार गरे। जारि विश्वकपमा दक्षिण अफ्रिकी ब्याट्सम्यानको योनै पहिलो शतक हो ।

यस्तै रस्सी भान डर डुसेनले ९५ तथा क्विनटन डीककले ५२ रन बनाए। डुसेनले ९७ बलमा ४ चौका र ४ वटै छक्का तथा डीककले ५१ बलमा ७ चौका र २ छक्का प्रहार गरे।

पहिलो विकेटको लागि एडेन मारक्रम ( ३४ ) र क्विनटन डीककले ७९ रनको साझेदारी गरे। यस्तै तेश्रो विकेटको लागि डु प्लेसिस र डुसेनले १५१ रनओ साझेदारी गरे।

अस्ट्रेलियाको बलिंगमा मिचेल स्टार्क ( ९-०-५९-२ ) र नाथन लायन ( १०-०-५३-२ ) ले २/२ तथा जेसन बेह्रेनडर्फ र प्याट कमिन्सले १/१ विकेट लिए।

 





थप समाचार

अपन राधेमाईलाई नेक्सस कप क्रिकेट उपाधि

अपन राधेमाई युथ क्लब, वीरगन्जले यू–१६ नेक्सस कप टी–२० क्रिकेट उपाधि जितेको छ । मुलपानी क्रिकेट मैदानमा मंगलबार भएको फाइनल […]

धेरै भन्दा धेरै अभ्यासको खाँचो छः रुबिना क्षेत्री

अन्तर्राष्ट्रिय प्रतियोगितामा औपचारिक सहभागितामै सिमित हुने गरेको नेपाली राष्ट्रिय टोली मलेसियामा सम्पन्न एसिसि महिला टी–२० च्याम्पियन्ससिपमा अभागी टोली बन्यो । […]

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]