पाकिस्तान सुपर लिग छोडेर डु प्लेसिस घर फर्कने



दक्षिण अफ्रिकी क्रिकेटर फाफ डु प्लेसीसले युएईको अबुधाबीमा जारि पाकिस्तान सुपर लिगको आगामी खेल नखेल्ने र प्रतियोगिता छाडेर दक्षिण अफ्रीका फर्कने भएका छन्।

जुन १२ तारिखमा क्वेटा ग्ल्याडीएटर्स र पेशावर जाल्मी बीचको खेलमा डु प्लेसिस बाउन्ड्री जोगाउने क्रममा साथि खेलाडी मोहम्मद हसनैनसंग ठोकिन पुगेका थिए। दुवै खेलाडी बाउन्ड्री रोक्ने कोशिश गर्ने डु प्लेसीस लंग-अन र हसनैन लंगअफबाट दोगुर्दै एकअर्कासंग ठोकिन पुगेका थिए। डु प्लेसीको टाउको हसनैनको खुट्टामा जोडले ठोकिन पुगेको थियो जसपछि उनि मैदानमा केहि बेर ढल्न पुगेका थिए। उक्त घटना पछि डु प्लेसीसलाई अस्पताल लागिएको थियो जहाँ उनको टाउकोको जांच गरिएको थियो।

सो घटना भएको भोलि पल्ट डुप्लेसिसले ट्वीटरमार्फत आफुलाई उक्त घटनापछि भुल्ने समस्या भएको बताएका थिए। उनले छिट्टै पुनरागमन गर्ने पनि बताएका थिए। तर प्रोटीज स्टारले लिग छाड्ने निर्णय लिंदै घर फर्कने भएका हुन्। उनि आजै दक्षिण अफ्रीका प्रस्थान गर्नेछन्।

“धन्यवाद सबै म्यासेजहरु र समर्थनको लागि। म होटल फर्किएको छु र म निको हुने क्रममा छु। मलाई केहि भुल्ने समस्या भएको थियो तर म ठिक हुनेछु। आशा गर्छु छिट्टै मैदान फर्कनेछु।” आइतबार डु प्लेसिसले ट्वीट गरेका थिए।


डु प्लेसीको टिम क्वेटा ग्ल्याडीएटर्सले ट्वीटरमा पोस्ट गर्दै उनि सिजनको आगामी खेल नखेल्ने र दक्षिण अफ्रीका फर्कने जानकारी गराएको छ – “फाफ डु प्लेसी प्रतियोगिता दौरान दुर्घटनाको कारण पीएसएलको आगामी खेलको हिस्सा हुने छैनन्। उनि दक्षिण अफ्रीका फर्कदैछन्। उनलाई शुभकामना दिंदै छिट्टै खेल मैदानमा फर्कने आशा गरेका छौँ।”


डु प्लेसिसले यो सिजन पीएसएलमा मात्र दुई खेलमा सहभागिता जनाए। पहिलो खेलमा उनले इश्लामावादसंग ५ रन बनाएका थिए भने दोश्रो खेलमा घाइते हुँदा ब्याटिंग गर्न पाएनन्।

डु प्लेसिस घाइते हुँदा क्वेटाको समस्या अझ थपिएको छ। कमजोर प्रदर्शन गरिरहेको क्वेटा लिग अंकतालिकामा ८ खेलमा मात्र २ जित हात पर्दै ४ अंक सहित छैठौं स्थानमा रहेको छ।





थप समाचार

द हन्ड्रेड : मोईन अलि कप्तानीको बर्मिंघम ३ विकेटले विजयी

इंग्ल्यान्डमा जारी ‘द हन्ड्रेड’ लिग अन्तर्गत गय राति सम्पन्न लिगको दोश्रो खेलमा मोईन अलि कप्तानीको बर्मिंघम फोनिक्सले ओएन मोर्गन कप्तानीको […]

श्रीलंकाद्वारा भारत ३ विकेटले पराजित

तेश्रो खेलमा भ्रमण टोलि भारतलाई ३ विकेटले पराजित गर्दै श्रीलंकाले सिरिजको सुखद अन्त्य गरेको छ। यस अघिनै भारतले अघिल्लो दुई […]

आमिर अख्तरलाई क्यानको जवाफ

पूर्व राष्ट्रिय क्रिकेटर तथा एभरेस्ट प्रिमियर लिग ( ईपीएल ) का प्रवन्ध निर्देशक आमिर अख्तरले दुई दिन अघि नेपाल क्रिकेट […]

श्रीलंकाद्वारा भारत २२५ रनमै सिमित

भारतको श्रीलंका भ्रमण अन्तर्गत तिन खेलको एकदिवसीय अन्तर्राष्ट्रियको सिरिज अन्तर्गत तेश्रो खेल जारि रहेको छ। आर प्रेमदासा स्टेडियम कोलोम्बोमा टस […]

जिम्बाब्वेद्वारा बंगलादेश पराजित, सिरिज बराबरी

दोश्रो खेलमा बंगलादेशलाई पराजित गर्दै घरेलु टोलि जिम्बाब्वेले तिन खेलको टि-२० अन्तर्राष्ट्रिय सिरिज १-१ को बराबरी गरेको छ। हरारे स्पोर्ट्स […]

मधिभिरेको करियरकै उच्च स्कोर, जिम्बाब्वेद्वारा बंगलादेशलाई चुनौतीपूर्ण लक्ष्य

बंगलादेशको जिम्बाब्वे भ्रमण अन्तर्गत तिन वटा टि-२० अन्तर्राष्ट्रियको सिरिज अन्तर्गत दोश्रो खेल जित्न जिम्बाब्वेले बंगलादेशलाई १६७ रनको लक्ष्य प्रस्तुत गरेको […]