दुर्गा सेनको बलिंगमा प्रोफेसनल मास्टर्स-११ बिजयी



फोटो फिचर : दुर्गा सेन (प्रोफेसनल मास्टर्स – ११ क्रिकेट क्लब, भैरहवा )

  • विकेटनेपाल – ८ फाल्गुन, मंगलवार

रुपन्देहीमा जारी नेपाल टेलिकम रुपन्देही सुपर लिग क्रिकेटमा प्रोफेसनल मास्टर्स – ११ क्रिकेट क्लब, भैरहवाले जित हात पारेको छ। मंगलवार भएको खेलमा जित दर्ता गरेसंगै प्रोफेसनल मास्टर्स-११ क्रिकेट क्लब डिभिजन “ए” मा प्रवेश गरेको छ।

भैरहवा स्थित सिद्धार्थ रंगशालामा मंगलवार भएको खेलमा प्रोफेसनल मास्टर्स – ११ क्रिकेट क्लवले जेजेसिए जवही क्रिकेट क्लबलाई १५ रनको झिनो अन्तरले पराजित गर्यो।

पहिले ब्याटिंग गर्दै प्रोफेसनल मास्टर्सले दिएको १२८ रनको सामान्य लक्ष्य पिछा गर्न मैदान उत्रिएको जेजेसिए जवहीले २२.३ ओभरमा ११२ रन बनाउंदा अल आउट हुन पुग्यो। जेजेसिएको चेजमा अनिल रायमाझीले ४४, सन्दिप सुनारले २३ तथा कमल ऐरीले १५ रन बनाएपनि त्यो जितका लागि पर्याप्त भएन।

प्रोफेसनल मास्टर्स-११ को बलिंग तर्फ म्यान अफ दि म्याच दुर्गा सेन एक्लैले ५ विकेट लिए। यस्तै बले ठकुरी र शैलेश श्रीवास्तभको नाममा समान २-२ विकेट रह्यो।

यसअघि टस जितेर पहिले ब्याटिंग गर्ने निर्णय लिदै ब्याटिंग मा उत्रिएको प्रोफेसनल मास्टर्स-११ क्रिकेट क्लबले ४० ओभरको खेलमा २४.२ ओभर मात्र खेल्दा सबै विकेट गुमाएर १२७ रन मात्र जोड्न सकेको थियो। उसका मोहम्मद इब्राइनले २५, बादल छन्त्यालले २१ र आदित्य त्रिपाठीले १५ रनको योग्दान गरेका थिए।

प्रोफेसनल मास्टर्सलाई सस्तैमा समेट्न सन्दिप सुनारले ४ विकेट चट्काएका थिए। यस्तै संगम थापा र कमल ऐरीले समान ३-३ विकेट लिएका थिए।

बुधवारहुने डिभिजन “बि” अन्तर्गतको अन्तिम खेलमा बुम एमसीसी क्रिकेट क्लब भैरहवा र बुटवल राइनोज क्रिकेट क्लब बुटवल बीच प्रतिस्पर्धा हुने आयोजक रुपन्देही क्रिकेट संघका सचिव संजय गुरुङले जानकारी दिए।

नेपाल टेलिकमले मुख्य प्रायोजक रहेको सुपर लिग प्रतियोगितामा जिल्लाका २१ क्लबको सहभागिता छ। विजेता क्लबले नगद ७० हजार तथा उपविजेताले नगद ३५ हजार प्राप्त गर्ने सुपर लिगको सहप्रायोजन बुम रेमिट्यान्स र अर्घाखाँची सिमेन्ट प्रालिले गरेका छन्।

प्रतियोगिताको उत्कृस्ट खेलाडीले १० हजार, बेष्ट बलर र बेष्ट ब्याट्सम्यानले नगद ५-५ हजार तथा प्रत्येक दिनको म्यान अफ द म्याचले एक हजार रुपैयाँ प्राप्त गर्ने छन् ।





थप समाचार

आईपीएल २०२१ : उद्घाटन खेलमा मुम्बई र बैंगलोर बीच प्रतिस्पर्धा ( खेलतालिका सहित )

इन्डीएन प्रिमियर लिग ( आईपीएल ) को १४ औं सिजन यो वर्ष अप्रिल ९ तारिख देखि सुरु हुने भएको छ। […]

रुपन्देही सुपर लिग : वेष्टर्न सेमिफाइनलमा

प्रकाश न्यौपाने, भैरहवा, फागुन २३ भैरहवामा जारी नेपाल टेलिकम रुपन्देही सुपर लिग क्रिकेट प्रतियोगिता अन्तर्गत आइतबार भएको डिभिजन ‘ए’को समूह […]

एपीएफको लगातार दोस्रो जित, पुलिस १ विकेटले पराजित

काठमाडौं । विभागीय टोली एपीएफले काठमाडौं मेयर्स कप क्रिकेटमा लगातार दोस्रो जित निकालेको छ । टियु क्रिकेट मैदानमा भएको खेलमा […]

सन्दीपको अलराउण्ड प्रदर्शनमा काठमाडौं मेयर्स ११ विजयी, बागमतिको लगातार दोस्रो हार

काठमाडौं । सन्दीप लामिछाने कप्तान रहेको काठमाडौं मेयर्स ११ ले बागमती प्रदेशलाई पराजित गरेको छ । आइतबार मुलपानि क्रिकेट मैदानमा […]

काठमाडौं मेयर ११ ले दियो बागमतिलाई २४५ रनको लक्ष्य

मुलपानी । पछिल्ला क्रममा खेलाडीले उत्कृष्ट ब्याटिङ गरेपछि काठमाडौं मेयर्स ११ ले मेयर्स कप क्रिकेटमा बागमति प्रदेशलाई २४५ रनको लक्ष्य […]

लिटल फ्लावर लिग: बाल बाटिका सेमिफाइनलमा, होलिल्याण्डको दोस्रो जित

धनगढी : कैलालीको बौनियाको बाल बाटिका स्कुल धनगढीमा जारी चण्डिका ग्रुप लिटल फ्लावर प्रिमियर लिग (एलपीएल) क्रिकेटमा लगातार तेस्रो जित […]