पूर्वान्चलको खराब प्रदर्शन जारी, पुलिसको ९ विकेटको जित

sunil dhamala


  • विकेटनेपाल, ११ जेठ

प्रधानमन्त्री कप रास्ट्रिय एकदिवसीय क्रिकेट प्रतियोगितामा पूर्वान्चलले लगातार दोश्रो खेलमा ठुलो अन्तरको हार बेहोरेको छ l दोश्रो हारसंगै पूर्वान्चल प्रतियोगिताबाट बाहिरिएको छ l

स्कोरकार्ड , अंकतालिका 

त्रिभुवन विश्वविद्यालय किर्तिपुरमा टस हारेको बिराटनगरले पहिलो इनिंगमा १०४ रन मात्रै बनाउन सकेपछि १०५ रनको लक्ष पुलिसले १ विकेट मात्रै गुमाई पछ्यायो l यस भन्दा अघि पहिलो खेलमा पूर्वान्चलले त्रिभुवन आर्मी क्लबसंग पनि ९ विकेटको हार बेहोरेको थियो जुन खेलमा पूर्वान्चलले पहिलो इनिंगमा मात्रै १०३ रन बनाउन सकेको थियो l

लगातार दोश्रो खेलमा जित हात पारेपछि पुलिस क्लबले दोश्रो चरण पुग्ने सम्भावना मजबुत बनाएको छ l यस अघि हिजो पुलिसले सुदुरपश्चिमाञ्चललाई ७ विकेटले पराजित गरेको थियो l

टस हारेको पुर्वान्चलको लागि मेहबुब आलमले ४० रन तथा आलम दासले १३ रनको योगदान दिनु बाहेक अन्य ब्याट्सम्यानले दोहोरो अंकमा रन बनाउन सकेनन् l ४७ बलमा ३ छक्का र २ चौका प्रहार गरेका आलमलाई मन्जित श्रेष्ठले २६ औ ओभरमा आरिफ शेखको हातबाट आउट गराएपछि पूर्वान्चलले लगातार विकेट गुमाएको थियो l आलम आउट हुँदा ९२/६ को स्थितिमा रहेको उसले बाँकी ४ विकेट १० रन जोड्दै गुमायो l

पुलिसको लागि सिद्धान्त लोहनीले सर्बाधिक ३ विकेट तथा सुशील कंडेल र ललित सिंग भण्डारीले २/२ विकेट हात पारे l लेग स्पिनर लोहनीले ३.१ ओभरमा मात्र ३ रन खर्चिए l

जवाफमा १०५ रनको लक्ष पुलिसले १७.१ ओभरमा भेटायो l अघिल्लो खेलमा अर्धशतक बनाएका ओपनर अमित श्रेष्ठ ७ रन बनाई आउट भएपछि सुनिल धमला र दिलिप नाथले दोश्रो विकेटको लागि ६० रनको साझेदारी गर्दै जितसम्म पुर्याए l

खेलको म्यान अफ द म्याच घोषित सुनिलले अविजित ४९ बलमा ३ चौका र ४ छक्का मदतले ५२ रन तथा दिलिपले ६ चौका मदतले अविजित ३५ रन बनाए l

प्रतियोगिता अन्तर्गत भोलि शुक्रबार सुदुरपश्चिमाञ्चल र पूर्वान्चल बीच खेल हुनेछ l पुरा खेल तालिका





थप समाचार

नेपालको क्रिकेट विकासमा सहयोग गर्ने आईसीसीको प्रतिबद्धता

युवा तथा खेलकुद मन्त्री महेश्वरजंग गहतराज र आईसीसीका प्रतिनिधिबीच शनिबार भेटवार्ता भएको छ । त्रिपुरेश्वरस्थित राष्ट्रिय खेलकुद परिषद्को बैठक कक्षमा […]

एसीसी महिला टी-ट्वान्टी : मलेसियालाई हराउँदै युएई च्याम्पियन

युएईले एसीसी महिला टी-ट्वान्टी च्याम्पियनसिपको उपाधि जितेको छ । मलेसियाको किनरारा ओभलमा शनिबार भएको फाइनलमा आयोजकलाई ५ विकेटले हराएर युएईले […]

नेपालको दुर्भाग्य, वर्षाले खेल पुरा नहुँदा युएई एसिया कप खेल्न छनोट

मलेसियामा जारि एसीसी महिला टि-२० प्रतियोगिता अन्तर्गत सेमीफाइनल खेल वर्षाका कारण पुरा हुन नपाउदा समुह चरणको प्रदर्शनको आधारमा युएई फाइनल […]

नेपाल हङकङसँग पराजित

एसीसी महिला टी–ट्वान्टी च्याम्पियनसिपमा नेपाल हङकङसँग पराजित भएको छ । मलेसियाको किनरारा ओभल क्रिकेट मैदानमा आज भएको समूह चरणको अन्तिम […]

एसीसी महिला टी-२० च्याम्पियनसिप : आज हङकङ भिड्दै नेपाल

काठमाडौँ । मलेसियामा जारी एसीसी महिला टी-ट्वान्टी च्याम्पियनसिप अन्तर्गत नेपालले आज मंगलबार हङकङसँग प्रतिस्पर्धा गर्दैछ । किनरारा ओभलमा नेपालले चौंथो […]

एसीसी टि-२० महिला : नेपाल सेमिफाइनलमा

एसिसी महिला टी–ट्वान्टी च्याम्पियनसिपमा नेपालले बहराइनलाई पराजित गर्दै सेमिफाइनलमा प्रवेश गरेको छ । स्कोरकार्ड , अंकतालिका  मलेसियाको किनरारा ओभल क्रिकेट […]