ललितपुरको ब्याटिंगको मध्यक्रम नचल्दा पोखरालाई जितको लागि १३९ को लक्ष्य

Yogesh Nagar


  • विकेटनेपाल, पौष १२  – बुधवार  

ओपनर ब्याट्समेनहरु जयकिसन कोल्सावाला र शंकर रानाले दिएको उत्कृस्ट सुरुवातलाई ठूलो स्कोरमा परिणत गर्न नसक्दा ललितपुर प्याट्रीयट्स आफ्नो पहिलो इनिंगमा १३८ रनमा रोकिएको छ। किर्तिपुर मैदानमा जारि दिनको दोस्रो खेल (एलिमिनेटर) मा ललितपुर प्याट्रीयट्सले पोखरा राईनोजलाई १३९ रनको लक्ष्य दिएको छ।

टस जित्दै पोखरा राईनोजले पहिले बलिंग गर्ने निर्णय लिएपछि ब्याटिंगमा उत्रिएको ललितपुरले उत्कृस्ट सुरुवात गर्यो। पहिलो विकेटका लागि ओपनर ब्याट्समेनहरु जयकिसन कोल्सावाला र शंकर रानाले ६० रनको साझेदारी गरे।

टोलीलाई राम्रो सुरुवात दिनेक्रममा ओपनर जयकिसन कोल्सावालाले २८ रन बनाए। २२ बल खेलेका कोल्सावालाले ३ चौका र १ छक्का प्रहार गरे। प्रतियोगिताभरि नै आफ्नो संयमित ब्याटिंगको कारण चर्चा कमाएका कोल्सावालाले यस खेलमा पनि त्यस्तै ब्याटिंगको प्रदर्शन गरे।

त्यस्तै अर्का ओपनर शंकर रानाले पनि ललितपुरको इनिंगमा ३४ रनको योगदान गरे। ४३ बल खेलेका रानाले ४ चौका र छक्का समेत प्रहार गरे।

शंकर राना र जयकिसन कोल्सावालाले उत्कृस्ट ब्याटिंग गर्दै ललितपुरलाई ठुलो स्कोर तर्फ लागिरहेका समयमा इस्रारुल्लाह र सुशन भारीले विकेट लिंदै पोखरालाई खेलमा ल्याए।

६० रन बनाउंदा कुनै विकेट नगुमाएको ललितपुरले थप १६ रन जोड्न ५ विकेट गुमायो। ज्ञानेन्द्र मल्ल, सोनु तामांग र कुशल भुर्तेल चल्न नसक्दा ललितपुरको ठुलो स्कोर बनाउने सपाना टुट्यो।

खेलको बीच ओभरमा पोखरा राईनोजका बलरले विकेट लिंदै रन गतिलाई घटाए पनि खेलको अन्त्य तर्फ ललितपुरका दुई ब्याट्समेनहरु सन्नी पटेल र दिपेश भण्डारीले ठुला सट प्रहार गर्दै ललितपुरको इनिंगलाई १३८ रन सम्म पुर्याए।

२६ बल खेलेका सन्नी पटेलले २ चौका र ३ छक्का प्रहार गर्दै ३८ रन जोडे। त्यस्तै दिपेश भण्डारीले पनि १७ बलमा १९ रनको योगदान दिए।

सुरुवाती ओभरमा फिक्का देखिएको पोखराको बलिंग बिचका ओभरमा भने उत्कृस्ट रह्यो। पोखराको लागि इस्रारुल्लाहले ३ तथा सुशन भारीले २ विकेट लिए। ४ ओभर बलिंग गरेका इस्रारुल्लाहले १४ रन खर्चेर ३ विकेट लिए भने समान ओभर बलिंग गरेका सुशन भारिले ३३ रन खर्चेर २ विकेट लिए।

अहिले ललितपुरले जवाफी ब्याटिंग सुरु गरिसकेको छ। यस खेलको बिजेताले भोलि भैरहवा ग्लाडीएटर्स संग फाईनल प्रवेशका लागि भिड्ने छ।





थप समाचार

EPL मा आज दुई खेल हुँदै

चौंथो संस्करणको एभरेस्ट प्रिमियर लिगको दोश्रो दिन दुई वटा खेलहरु खेलिंदैछन्। शनिवार सम्पन्न पहिलो खेलमा सन्दिप लामिछाने कप्तानीको काठमाडौँ किंग्स-११ […]

IPL : दिल्ली र पन्जाब विजयी, दिल्ली पुनः शिर्षमा

युएईमा जारी आईपीएलको शनिवार सम्पन्न दुई खेलमा पन्जाब किंग्स र दिल्ली क्यापिटल्स विजयी भएका छन्। दिनको पहिलो खेलमा दिल्लीले राजस्थान […]

यस्तो रह्यो टियु मैदानमा अफ्रिदीको उपस्थिति ( फोटो फिचर सहित )

विश्वचर्चित पाकिस्तानी क्रिकेटर शाहिद अफ्रिदीखेल खेल आफ्नै आँखा अगाडी टियु मैदान कीर्तिपुरमा हेर्ने नेपाली समर्थकहरुको चाहना शनिवार पुरा भएको छ। […]

प्लेयर अफ द म्याच चुनिएपछि बर्लले भने ‘देब्रे हाते स्पिनरलाई प्रहार गर्न सहज’

डिफेन्डिङ च्याम्पियन ललितपुर पेट्रिएट्स बिरुद्ध उद्घाटन खेलमा काठमाडौँ किंग्स-११ का अलराउण्डर रायन बर्ल प्लेयर अफ द म्याच चुनिए। २७ वर्षीय […]

“व्यक्तिगत प्रदर्शन भन्दा टिमको जित महत्वपूर्ण” सन्दिप लामिछाने

चौंथो संस्करणको एभरेस्ट प्रिमियर लिग टि-२० मा विजयी सुरुवात गरेपछि काठमाडौँ किंग्स-११ का कप्तान सन्दिप लामिछानेले व्यक्तिगत प्रदर्शन भन्दा टिम […]

EPL : बर्ल र गुर्बजको आक्रामक ब्याटिंग, काठमाडौँको विजयी सुरुआत

डिफेन्डिङ च्याम्पियन ललितपुर पेट्रिएट्सलाई ७ विकेटले पराजित गर्दै काठमाडौँ किंग्स-११ ले एभरेस्ट प्रिमियर लिग ( ईपीएल ) टि-२० मा विजयी […]