इंग्ल्यान्डलाई झिनो अग्रता



न्युजिल्यान्ड र इंग्ल्यान्ड बीच एजब्यास्टनमा जारी टेस्टको तेश्रोको दिन समाप्तिमा घरेलु टोलि इंग्ल्यान्ड हार नजिक पुगेको छ।

पहिलो इनिंग्समा ८५ रनले पछि परेको इंग्ल्यान्डले दोश्रो इनिंग्समा ४१ ओभर ब्याटिंग गर्दा १२२ रन बनाउदा ९ विकेट गुमाईसकेको छ। इंग्ल्यान्डले ३७ रनको दोश्रो इनिंग्सको अग्रता लिएको छ र साथमा १ विकेट मात्र बाँकी रहेको छ। क्रिजमा ओली स्टोन १५ रन तथा जेम्स एण्डरसन खाता नखोली ब्याटिंग गरिरहेका छन्। चौथो दिन १ विकेट हातमा रहेको इंग्ल्यान्डले सक्दो अग्रता बढाउन चाहनेछ।

कमजोर ब्याटिंग गरेको इंग्ल्यान्डले ७६ रनमै ७ विकेट गुमाएको थियो। आठौँ विकेटको लागि ओली स्टोन र मार्क वुडले ४६ रनको साझेदारी गर्दै अग्रतातर्फ डोर्याए। २९ रन बनाएका वुड आउट भएपछि न्युजिल्यान्ड पुनः हावी बनेको हो। यस अघि ओली पोप २३ रन, ज्याक क्रले १७ रन, जो रुट ११ रन, डोमिनिक सिबले र जेम्स ब्रेसे समान ८ रन तथा रोरी बर्न्स र ड्यानियल लरेन्स खाता नखोली आउट भए।

न्युजिल्यान्डको बलिंगमा म्याट हेनरी ( १२-२-३६-३ ) र निल वाग्नर ( १०-१-१८-३ ) ले समान ३ विकेट लिए। एजाज पटेलले २ विकेट ( ९-४-२५-२ ) र ट्रेन्ट बोल्टले ( १०-२-३४-१ ) ले १ विकेट लिए।

न्युजिल्यान्डको दोश्रो इनिंग्स

यस अघि दोश्रो दिनको समाप्तिमा २२९/३ को अवस्थाबाट ब्याटिंग सुरु गरेको न्युजिल्यान्डले तेश्रो दिन ब्याटिङ्ग सुरु गर्दै ११९.१ ओभर ब्याटिंग गर्दै ३८८ रनमा सम्पूर्ण विकेट गुमाउन पुग्यो।

स्टुवार्ट ब्रोडले ४ विकेट लिए

न्युजिल्यान्डको लागि विल योंगले सर्वाधिक ८२ रन बनाए भने रोस टेलर र डेभोन कनवेले समान ८० रन बनाए। इंग्ल्यान्ड बलर स्टुवार्ट ब्रोडले ४ विकेट ( २३.१-८-४८-४ ) , मार्क वुड ( २५-३-८५-२ ) र ओली स्टोन ( २४-५-९२-२ ) ले समान २ विकेट लिए। जेम्स एण्डरसन ( २९-९-६८-१ ) र ड्यानियल लरेन्स ( ३-०-१६-१ ) ले समान १ विकेट लिए।

इंग्ल्यान्डले पहिलो इनिंग्समा ड्यानियल लरेन्स र रोरी बर्न्सको समान ८१ रनको मद्दतले ३०३ रन बनाएको थियो। न्युजिल्यान्ड बलर ट्रेन्ट बोल्टले ४ तथा म्याट हेनरीले ३ विकेट लिएका थिए।

सिरिज अन्तर्गत पहिलो टेस्ट बराबरीमा टुंगिएको थियो।





थप समाचार

द हन्ड्रेड : मोईन अलि कप्तानीको बर्मिंघम ३ विकेटले विजयी

इंग्ल्यान्डमा जारी ‘द हन्ड्रेड’ लिग अन्तर्गत गय राति सम्पन्न लिगको दोश्रो खेलमा मोईन अलि कप्तानीको बर्मिंघम फोनिक्सले ओएन मोर्गन कप्तानीको […]

श्रीलंकाद्वारा भारत ३ विकेटले पराजित

तेश्रो खेलमा भ्रमण टोलि भारतलाई ३ विकेटले पराजित गर्दै श्रीलंकाले सिरिजको सुखद अन्त्य गरेको छ। यस अघिनै भारतले अघिल्लो दुई […]

आमिर अख्तरलाई क्यानको जवाफ

पूर्व राष्ट्रिय क्रिकेटर तथा एभरेस्ट प्रिमियर लिग ( ईपीएल ) का प्रवन्ध निर्देशक आमिर अख्तरले दुई दिन अघि नेपाल क्रिकेट […]

श्रीलंकाद्वारा भारत २२५ रनमै सिमित

भारतको श्रीलंका भ्रमण अन्तर्गत तिन खेलको एकदिवसीय अन्तर्राष्ट्रियको सिरिज अन्तर्गत तेश्रो खेल जारि रहेको छ। आर प्रेमदासा स्टेडियम कोलोम्बोमा टस […]

जिम्बाब्वेद्वारा बंगलादेश पराजित, सिरिज बराबरी

दोश्रो खेलमा बंगलादेशलाई पराजित गर्दै घरेलु टोलि जिम्बाब्वेले तिन खेलको टि-२० अन्तर्राष्ट्रिय सिरिज १-१ को बराबरी गरेको छ। हरारे स्पोर्ट्स […]

मधिभिरेको करियरकै उच्च स्कोर, जिम्बाब्वेद्वारा बंगलादेशलाई चुनौतीपूर्ण लक्ष्य

बंगलादेशको जिम्बाब्वे भ्रमण अन्तर्गत तिन वटा टि-२० अन्तर्राष्ट्रियको सिरिज अन्तर्गत दोश्रो खेल जित्न जिम्बाब्वेले बंगलादेशलाई १६७ रनको लक्ष्य प्रस्तुत गरेको […]