इंग्ल्याण्डको लज्जास्पद ब्याटिंग , आयरल्याण्डसंग ८५ रनमै सिमित



  • विकेटनेपाल – ८ श्रावण, बुधवार 

आयरल्याण्ड बिरुद्धको एक मात्र टेस्टको पहिलो इनिंगमा घरेलु टोली इंग्ल्याण्ड मात्र ८५ रनमा समेटिएको छ। लर्ड्स मैदानमा बुधवार सुरुभएको टेस्टको पहिलो सेसन बित्न नपाउंदै इंग्ल्याण्ड अलआउट भएको हो।

टस जितेर ब्याटिंग रोजेको एक दिवसिय विश्व च्याम्पियन टोलीले २३.४ ओभरमा सबै विकेट गुमाएर ८५ रन मात्र जोड्न सक्यो। उसका जो डेन्ली (२३ ), साम करन (१८) र ओली स्टोन (१९) बाहेक अन्य ब्याट्सम्यानले दोहोरो अंकमा रन जोड्न सकेनन्।

तेस्रो ओभरको चौथो बलमा टेस्ट डेब्यु गरिरहेका जेसन रोए व्यक्तिगत ५ रन जोड्दै पभेलियन फर्किएपछि इंग्ल्याण्डको विकेट पतन सुरु भएको थियो। रोएलाई टिम मुर्ताघले आउट गरे। रोएको विकेट लगत्तै दशौँ ओभरमा इंग्ल्याण्डले जो डेन्लीलाई समेत गुमायो। इंग्ल्याण्डको ब्याटिंगमा सर्वाधिक रन जोडेका उनले २८ बलमा २३ रन प्रहार गरे।

Tim Murtagh

आयरल्याण्डका बलरले लगातार कसिलो बलिङ्ग गर्दा इंग्ल्याण्डको विकेट पतन हुने शृंखला रोकिएन। रोरी बर्न्स, जोए रुट, जोनी बेयरस्टो, क्रिस वोक्स र मोइन अली लगातार अन्तरालमा आउट भएपछि इंग्ल्याण्डको इनिंग धरासायी बन्यो।

आयरल्याण्डको बलिङ्गमा टिम मुर्ताघले सर्वाधिक ५ विकेट ( ९-२-१३-५) लिए। यस्तो मार्क एडारले ३ र बोएड र्यान्किनले २ विकेट आफ्नो नाम गरे।

इंग्ल्याण्डको पाँचौं छिटो अलआउट :
आफ्नो टेस्ट इतिहासमा इंग्ल्याण्डले आयरल्याण्ड बिरुद्ध सर्वाधिक पाँचौं छिटो अलआउट हुने रेकर्ड दर्ता गरेको छ। आयरल्याण्ड बिरुद्धको एक मात्र टेस्टको पहिलो इनिंगमा घरेलु टोली २३.४ ओभरमा ८५ रनमा समेटिएको हो।

Shortest all out innings for ENG in Tests:
15.4 vs Aus MCG 1902
19.1 vs WI Port of Spain 1994
20.4 vs NZ Auckland 2018
22.5 vs Aus MCG 1904
23.4 vs Ire Lord’s 2019

 





थप समाचार

अमित मिश्राले शानदार बलिंग गर्दा मुम्बईको चलेन ब्याटिंग

१४ औं आईपीएल अन्तर्गत १३ औं खेलमा मुम्बई इन्डीयन्स र दिल्ली क्यापिटल्स प्रतिस्पर्धा गरिरहेका छन्। चेन्नाई स्थित एमए चिदम्बरम स्टेडियममा […]

नेपाल बिरुद्ध जितमा नेदरल्याण्डले बनायो ६ ठुला रेकर्ड

नेपाललाई ३ विकेटले स्तब्ध पार्दै नेदरल्याण्डले नेपालमा जारी त्रि-देशीय टि-ट्वान्टीमा दोश्रो जित दर्ता गर्न सफल रह्यो। नेपालले दिएको २०७ रनको […]

कप्तान मल्लले बताए सोमपाललाई तेश्रो ओभर बलिंग नदिनुको कारण

त्रि-देशीय सिरिजमा नेदरल्याण्डसंग हार पछि नेपाली टिमका कप्तान ज्ञानेन्द्र मल्लले डेथ ओभरमा सोमपाल हुँदा हुँदै सन्दिप लामिछानेलाई १८ औं ओभरमा […]

रोमान्चक खेलमा नेपाल बिरुद्ध नेदरल्याण्डको कीर्तिमानी जित, लिडेको कीर्तिमानी ब्याटिंग

नेपालमा जारी त्रि-देशीय टि-२० सिरिज अन्तर्गत चौथो खेलमा नेदरल्याण्डले नेपाललाई ३ विकेटले पराजित गर्दै दोश्रो जित दर्ता गरेको छ। टियु […]

कुशलले बनाए विश्वकीर्तिमान, नेदरल्याण्ड बिरुद्ध नेपालको किर्तिमानी योगफल

नेपालमा जारि नेपाल, नेदरल्याण्ड र मलेसिया सम्मिलित त्रि-देशीय टि-ट्वान्टी सिरिज अन्तर्गत चौथो खेलमा नेपाल र नेदरल्याण्ड प्रतिस्पर्धा गरिरहेका छन्। टियु […]

नेदरल्याण्डसंग नेपालले टस जितेर ब्याटिंग गर्दै, यस्तो छ अन्तिम-११

नेपालमा जारि त्रि-देशीय टि-ट्वान्टी सिरिज अन्तर्गत चौथो खेलमा मंगलबार नेपाल र नेदरल्याण्ड प्रतिस्पर्धा गर्दैछन्। खेलमा नेपालले टस जितेर ब्याटिंग गर्ने […]