इंग्ल्यान्ड-वेस्टइन्डिज पहिलो टेस्ट आज



कोभिड-१९ महामारीका कारण अन्तर्राष्ट्रिय क्रिकेट ठप्प भएको करिब ४ महिना पछि बल्ल क्रिकेट प्रेमीहरुले अन्तर्राष्ट्रिय क्रिकेटको मज्जा लिन पाउने भएका छन्।

इंग्ल्यान्ड भ्रमणमा पुगेको वेस्टइन्डिजले घरेलु टिमसंग तिन टेस्टको सिरिज खेल्दै छ। द रोज बल, साउथाम्टनमा खेलिने पहिलो टेस्ट आज बेलुका नेपाली समय ३:४५ बजे बेलुका सुरु हुँदैछ। दोश्रो टेस्ट जुलाई १६ तथा तेश्रो टेस्ट जुलाई २४ देखि सुरु हुनेछ। दोश्रो र तेश्रो टेस्ट ओल्ड ट्रयाफोर्डमा खेलिनेछ।

सिरिजको सबै टेस्ट दर्शक बिना खेलिनेछ। प्राय दर्शकहरुले भरिपूर्ण रहने इंग्ल्यान्डको क्रिकेट सिजनमा दर्शक विहिन मैदानमा टेस्ट खेलिएको दृश्य नयाँ हुनेछ। तथापी सिरिज हेर्ने टिभी दर्शक भने ठुलो हुने विश्वास गरिएको छ।

सिरिज अघि वेस्टइन्डिज टिम वेस्टइन्डिज बाट चार्टर गरिएको बिमानमा इंग्ल्यान्ड पुगेको थियो जसपछि १४ दिन क्वारेन्टाइनमा बसेको थियो। सबै तिन वटा टेस्ट विशेष स्वास्थ्य साबधानीका बीच खेलिनेछ।


१३ मार्च देखि अन्तर्राष्ट्रिय क्रिकेट खेल भएको छैन भने अन्तिम पटक खेलिएको टेस्टको अन्तर १२७ दिन भैसकेको छ। सन् १९७५ मा १३१ दिनको अन्तरमा टेस्ट खेलिएको थियो जुन सबैभन्दा दुइ टेस्ट बीचको अन्तर थियो।

टेस्ट क्रिकेटको पुनरागमन हुँदा नयाँ नियमहरु लागु हुनेछ। खेलको दौरान थुक प्रयोग प्रतिबन्धित रहेको छ। खेलाडीहरुले एक अर्कासंग हात मिलाएको, अंगालो मारेको दृश्यहरु टेस्टमा देखिनेछैनन्।

इंग्ल्यान्ड र वेस्टइन्डिज दुवै टिमका खेलाडीहरुले आफ्नो जर्सीमा ‘Black Lives Matter’ लोगो लगाउनेछन्।

वेस्टइन्डिज बिरुद्धको सिरिजको पहिलो टेस्ट नियमित इंग्ल्यान्ड कप्तान जोए रुटले गुमाउने छन्। उनको स्थानमा बेन स्टोक्सले कप्तानी गर्नेछन्। आफ्नो दोश्रो सन्तानको बाबु बन्न लागेका कारण रुट उपलब्ध नभएका हुन्।

इंग्ल्यान्ड टिम : Rory Burns, Dominic Sibley, Joe Denly, Zak Crawley, Ben Stokes(c), Ollie Pope, Jos Buttler(w), Dominic Bess, Jofra Archer, Stuart Broad, James Anderson, Chris Woakes, Mark Wood

वेस्ट इन्डिज टिम : John Campbell, Kraigg Brathwaite, Shai Hope, Shamarh Brooks, Roston Chase, Jason Holder(c), Shane Dowrich(w), Rahkeem Cornwall, Alzarri Joseph, Kemar Roach, Shannon Gabriel, Chemar Holder, Nkrumah Bonner, Raymon Reifer, Jermaine Blackwood





थप समाचार

T20 WC : बंगलादेश स्तब्ध ! स्कटल्याण्डको ऐतिहासिक जित

युएई र ओमानमा संयुक्त रुपमा आयोजित सातौँ संस्करणको टि-ट्वान्टी विश्वकप अन्तर्गत पहिलो दिन आइतबार दोश्रो खेलमा एसोसिएट राष्ट्र स्कटल्याण्डले टेस्ट […]

टि-२० विश्वकप : पीएनजी बिरुद्ध ओमानको शानदार जित

सातौँ संस्करणको टि-ट्वान्टी विश्वकप २०२१ ओमानमा सुरु भएको छ। ओमान र युएईले संयुक्त रुपमा आयोजना गरेको विश्वकप अन्तर्गत उद्घाटन खेलमा […]

चेन्नाईलाई चौंथो पटक आईपीएल उपाधि

फाइनलमा कोलकाता नाइट राइडर्सलाई २७ रनले पराजित गर्दै चेन्नाई सुपर किंग्सले १४ औं संस्करणको इन्डियन प्रिमियर लिग जितेको छ।चेन्नाईले चौंथो […]

IPL FINAL : डु प्लेसीको उत्कृस्ट पारि, चेन्नाईद्वारा कोलकातालाई चुनौतिपूर्ण लक्ष्य

१४ औं संस्करणको इन्डियन प्रिमियर लिग ( ईपीएल ) टि-२० को उपाधिको लागि चेन्नाई सुपर किंग्स र कोलकाता नाइट राइडर्स […]

IPL : फाइनल पुग्न असफल भएपछि दिल्ली कप्तान रिशभ पन्तले भने “म संग व्यक्त गर्ने शब्द छैन”

रोमान्चक खेलमा कोलकातासंग ३ विकेटले पराजित हुँदै १४ औं संस्करणको आईपीएल फाइनलमा पुग्न चुकेपछि दिल्ली क्यापिटल्सका कप्तान रिशभ पन्तले निराशा […]

IPL : सनसनीपूर्ण खेलमा दिल्लीलाई पराजित गर्दै कोलकाता फाइनलमा

सनसनीपूर्ण दोश्रो क्वालीफायरमा दिल्ली क्यापिटल्सलाई ३ विकेटले पराजित गर्दै कोलकाता नाइट राइडर्स १४ औं संस्करणको इन्डियन प्रिमियर लिगको फाइनल प्रवेश […]