रुटको उत्कृस्ट शतकमा इंग्ल्याण्ड सन्तुलित



  • विकेटनेपाल, कार्तिक ३० – शुक्रबार 

कप्तान जोए रुटले शानदार शतक प्रहार गरेपछि श्रीलंका पालेकेलेमा जारी दोश्रो टेस्टको तेश्रो दिनको खेल समाप्तिमा इंग्ल्याण्डले २७८ रनको अग्रता लिएको छ।

टेस्टको पहिलो इनिंगमा २९० रन बनाएको इंग्ल्याण्डलाई श्रीलंकाले पहिलो इनिंगमा ३३६ रन बनाएपछि ४६ रनको अग्रता लिएको थियो।

४६ रनले पछि परेको अवस्थामा ब्याटिंग गरेको इंग्ल्याण्डले पहिलो ४ विकेट १०९ रनमै गुमाउन पुग्दा मात्र ६३ रनको अग्रता थियो। तर कप्तान रुटले शानदार ब्याटिंग गर्दै इंग्ल्याण्डको अग्रता २५० पार गराउन सफल भए र इंग्ल्याण्डलाई सन्तुलित अवस्थामा लिएर गए।

रुटले पाँचौ विकेटको लागि जोस बटलरसंग ७४ रन तथा सातौं विकेटको लागि बेन फोक्ससंग ८२ रनको साझेदारी गरेपछि विकेट गुमाउन पुगे। बटलरले ३४ तथा फोक्सले अविजित ५१ रन बनाएर ब्याटिंग गरिरहेका छन्। यस अघि ओपनर रोरी बर्नले ५९ रन बनाएका थिए।

टेस्ट करियरको १५ औं शतक तथा इंग्ल्याण्ड बाहिर चौथो शतक बनाउने क्रममा रुटले १४६ बलमा १० चौका र २ छक्का प्रहार गर्दै १२४ रन बनाए।

तेश्रो दिनको खेल सकिंदा इंग्ल्याण्डले ९ विकेट गुमाएर ३२४ रन बनाएको छ र २७८ रनको अग्रता लिएको छ।

श्रीलंकाको लागि अकिला दनन्जयले सर्वाधिक ६ विकेट ( २३-०-१०६-६ ) तथा दिलरुवान परेराले २ विकेट ( १९-२-८७-२ ) लिएका छन्।

यस अघि टेस्टको पहिलो दिन टस जितेर ब्याटिंग गरेको इंग्ल्याण्डले ७५.४ ओभर ब्याटिंग गर्दै २८५ रनमा सम्पूर्ण विकेट गुमाउन पुगेको थियो।इंग्ल्याण्डको लागि स्याम कुरानले सर्वाधिक ६४ ( ११९ बल १ चौका र ६ छक्का ) तथा जोस बटलरले ६३ रन ( ६७ बल, ७ चौका ) योगदान दिएका थिए। श्रीलंकन स्पिनर दिलरुवान परेराले ४ विकेट लिएका थिए।

श्रीलंकाको पहिलो इनिंगमा रोशेन सिल्भाले ८५ , दिमुथ करुनारत्नेले ६३ तथा धनन्जय डी सिल्भाले ५९ रन योगदान दिएपछि ३३६ रन बनाएको थियो। भ्रमण टोलिको लागि ज्याक लिच र आदील राशिदले समान ३/३ विकेट लिएका थिए।

३ टेस्टको सिरिज अन्तर्गत पहिलो टेस्टमा इंग्ल्याण्ड २११ रनले विजयी भएको थियो। दुई टिम बीच यस अघि सम्पन्न ५ एकदिवसीयको सिरिज इंग्ल्याण्डले ३-१ ले जितेको थियो भने एक मात्र टि-२० पनि इंग्ल्याण्डले जितेको थियो।

Joe Root
Joe Root

( फोटोहरु – आईसीसी र इंग्ल्याण्ड क्रिकेट )





थप समाचार

ज्ञानेन्द्र मल्लले ईपीएल नखेल्ने, यी खेलाडीले गर्नेछन् मल्लको सट्टा कप्तानी

सेप्टेम्बर २५ तारिख देखि सुरु हुने एभरेस्ट प्रिमियर लिग ( ईपीएल ) मा ललितपुर पेट्रिएट्सका कप्तान रहेका राष्ट्रिय क्रिकेट टिमका […]

ईपीएल खेल्न नेपाल आइपुगे अफ्रिदी

विश्वचर्चित पाकिस्तान क्रिकेटर शाहिद अफ्रिदी एभरेस्ट प्रिमियर लिग ( ईपीएल ) खेल्न नेपाल आइपुगेका छन्। अफ्रिदी ३:३० बजे दिउसो पाकिस्तानबाट […]

EPL : कस्तो छ डिफेन्डिङ च्याम्पियन ललितपुर, कमजोर र बलियो पक्ष यस्ता छन्

सेप्टेम्बर २५ तारिख देखि सुरु हुने एभरेस्ट प्रिमियर लिगको चौंथो संस्करणमा डिफेन्डिङ च्याम्पियन ललितपुर पेट्रिएट्स उपाधि रक्षा गर्ने लक्ष्यका साथ […]

IPL : हैदरावादलाई सहजै पराजित गर्दै दिल्ली शिर्षमा

सनराइजर्स हैदरावादलाई सहजै ८ विकेटले पराजित गर्दै दिल्ली क्यापिल्स आईपीएल अंकतालिकाको शिर्ष स्थानमा पुगेको छ। युएईमा जारि लिगको दुबई अन्तर्राष्ट्रिय […]

चलेन हैदरावादको ब्याटिंग, दिल्लीलाई सामान्य लक्ष्य

आईपीएलको युएईमा जारि दोश्रो फेज अन्तर्गत लिगको ३३ औ खेलमा दिल्ली क्यापिटल्स र सनराइजर्स हैदरावाद प्रतिस्पर्धा गरिरहेका छन्। दुबई अन्तर्राष्ट्रिय […]

क्रिकेटर भण्डारी र संचारकर्मी अर्याल विवाह बन्धनमा बाँधिने

राष्ट्रिय क्रिकेट टिमका विकेट किपर ब्याट्सम्यान बिनोद भण्डारी र संचारकर्मी सोनीका अर्याल विवाह बन्धनमा बाँधिने भएका छन्। भण्डारी र अर्याल […]