रिसभ र राहुलको शतकले रोकिएन इंग्ल्याण्डको जित, ४-१ ले सिरिज कब्जा



  • विकेटनेपाल, भदौ २६ – मङ्गलबार 

भारतलाई ११८ रनले पराजित गर्दै इंग्ल्याण्डले ५ टेस्टको सिरिजमा भारतलाई ४-१ ले पराजित गरेको छ।

केंनिंगटन ओभल मैदान लन्डनमा जितको लागि ४६३ रनको बिशाल लक्ष्य पछ्याउने क्रममा भारतलाई अन्तिम दिन ४०६ रन आवस्यक थियो। राम्रो ब्याटिंग प्रदर्शन गरेपनि भ्रमण टिमले ३४५ रनमा सबै विकेट गुमाउन पुग्यो र इंग्ल्याण्डले अर्को जित थप्यो।

भारतले सिरिज अन्तर्गत पहिलो टेस्ट ३१ रनले, दोश्रो टेस्ट इनिंग र १५९ रनले हारेको थियो। तेश्रो टेस्टमा २०३ रनको जित हात पारेपछि चौथोमा भने पुनः इंग्ल्याण्ड ६० रनले बिजयी भएको थियो। यस अघि सम्पन्न टि-२० शृंखला भारतले ( २-१ ) तथा एकदिवसीय शृंखला इंग्ल्याण्डले ( २-१ ) ले जितेको थियो।

कुकको शानदार अन्तिम टेस्ट 

यो संगै इंग्ल्याण्ड क्रिकेटर एलेस्टर कुकले आफ्नो टिम टेस्टमा जित सहितको विदाई पाएका छन् भने टेस्टमा शतक र अर्धशतक समेत प्रहार गर्दै अन्तिम टेस्टलाई शानदार बनाएका छन्। अन्तिम टेस्टमा कुकनै प्लेयर अफ द म्याच समेत घोषित भए।

खेल जीवनमा १६१ वटा टेस्ट खेल्ने क्रममा कुकले २९१ इनिंग ब्याटिंग गर्दै कुल १२,४७२ रन बनाए जुन क्रममा ३३ शतक र ५७ अर्धशतक प्रहार गरे। कुक टेस्टमा सबैभन्दा धेरै रन बनाउने देब्रे हाते ब्याट्सम्यान हुन् भने इंग्ल्याण्डको लागि टेस्टमा धेरै रन बनाउने ब्याट्सम्यान पनि रहेका छन्।

टेस्ट क्रिकेट इतिहासमा कुक धेरै रन बनाउने लिस्टमा पाँचौ स्थानमा रहेका छन्। पहिलो नम्बरमा सचिन तेन्दुलकर ( १५,९२१ ) , दोश्रो नम्बरमा रिकी पोंटिंग ( १३,३७८ ) , तेश्रो नम्बरमा ज्याक कालिस ( १३,२८९ ) तथा चौथो स्थानमा राहुल द्रविड ( १३,२८८ ) रहेका छन्। कुक पछि छैठौं स्थानमा कुमार संगाकारा ( १२,४०० ) तथा सातौँ स्थानमा ब्रायन लारा ( ११,९५३ ) रहेका छन्।

रिशभ र राहुलको उत्कृस्ट ब्याटिंगले रोक्न सकेन जित 

४६३ रनको बिशाल लक्ष्य पछ्याउने क्रममा २ रनको योगफलमा ३ विकेट गुमाईसकेको अवस्थामा लज्जास्पद हारको खतरा थियो। तर ओपनर लोकेश राहुलले चौथो विकेटको लागि अजिंके रहानेसंग ११८ रनको तथा छैठौं विकेटको लागि रिशभ पन्तसंग २०४ रनको बिशाल साझेदारी गर्दै इंग्ल्याण्डको जित मुस्किल बनाएका थिए।

 

आदील रशिदको बलमा बोल्ड हुनु अघि राहुलले १४९ रन ( २२४ बल, २० चौका र १ छक्का ) बनाए भने पहिलो टेस्ट शतक बनाउने क्रममा रिशभले ११४ रन ( १४६ बल, १५ चौका र ४ छक्का ) बनाए। इंग्ल्याण्डको भुमिमा भारतीय विकेटकिपर ब्याट्सम्यानले प्रहार गरेको यो नै पहिलो टेस्ट शतक समेत हो।

राहुल र रिशभको साझेदारीले एक समय जिततर्फ अघि बढेको भारतलाई रोक्न आदील रशिदले दुवै ब्याट्सम्यानको विकेट लिंदै इंग्ल्याण्डलाई सहज बनाएका थिए। लेग स्पिनर राशिदले २ विकेट लिए भने जेम्स एण्डरसनले ३ तथा स्याम कुरानले २ विकेट लिए।

यस अघि 

टेस्टमा टस जितेर ब्याटिंग गरेको इंग्ल्याण्डले पहिलो इनिंगमा ३३२ रन बनाएको थियो जसपछि ब्याटिंग गरेको भारतले २९२ रन बनाएपछि ४० रनको अग्रता पाएको इंग्ल्याण्डले दोश्रो इनिंगमा शानदार ब्याटिंग गर्यो।

इंग्ल्याण्डको लागि अन्तिम टेस्ट खेलीरहेका ओपनर एलेस्टर कुकले १४६ तथा कप्तान जोए रुटले १२५ रनको इनिंग खेलेपछि इंग्ल्याण्डले ८ विकेट गुमाएर ४२३ रन बनाउदै इनिंग समाप्तिको घोषणा गरेको थियो।

टेस्ट करियरको ३३ औं शतक बनाएका कुकले २८६ बलमा १४ चौका तथा रुटले १४ औं शतक पुरा गर्दा १९० बलमा १२ चौका र १ छक्का प्रहार गरे। दुवैले तेश्रो विकेटको लागि २५९ रनको बिशाल साझेदारी गरे। पहिलो टेस्ट खेलीरहेका भारतीय बलर हनुमा बिहारी र रभिंद्र जडेजाले समान ३/३ तथा मोहम्मद शामीले २ विकेट हात पारे।

फोटोहरु ( आईसीसी )

 





थप समाचार

क्यानद्वारा २० सदस्यीय यु-१९ राष्ट्रिय टिमको घोषणा, बुधबार देखि बन्द प्रशिक्षण

काठमाडौँमा आइतबार सम्पन्न अन्डर-१९ राष्ट्रिय प्रतियोगिता सकिएकै दिन नेपाल क्रिकेट संघले डिसेम्बरमा युएईमा आयोजना हुने भनिएको यु-१९ एसिया कपको लागि […]

लुम्बिनीलाई यु-१९ राष्ट्रिय प्रतियोगिताको उपाधि

सुदूरपश्चिम प्रदेशलाई ११३ रनले पराजित गर्दै लुम्बिनी प्रदेशले अन्डर-१९ राष्ट्रिय क्रिकेट प्रतियोगिताको उपाधि जितेको छ। टियु अन्तर्राष्ट्रिय क्रिकेट मैदानमा सम्पन्न […]

यु-१९ राष्ट्रिय : उपाधिको लागि लुम्बिनी र सुदूरपश्चिम खेल्दै

नेपाल क्रिकेट संघको आयोजनामा काठमाडौँमा जारी अन्डर-१९ राष्ट्रिय प्रतियोगिताको उपाधिको लागि लुम्बिनी प्रदेश र सुदूरपश्चिम प्रदेश प्रतिस्पर्धा गर्दैछन्। खेल नेपाली […]

सितालाई हंगकंगमा खेल्ने अवसर

राष्ट्रिय महिला क्रिकेट टिमकी उपकप्तान सीता रानामगरले हङकङमा आयोजना हुने फेयर ब्रेक इन्भिटेसनल महिला टि-२० प्रतियोगिता २०२२ खेल्ने भएकी छिन्। […]

U19 National : सुदूरपश्चिम फाइनलमा, हेमन्त र शेरको घातक बलिंग

लिग चरणको अन्तिम खेलमा बागमती प्रदेशलाई ८ विकेटले पराजित गर्दै सुदूरपश्चिम प्रदेश यु-१९ राष्ट्रिय प्रतियोगिताको फाइनल पुगेको छ। लिग चरणमा […]

को बन्लान् नेपालको मुख्य प्रशिक्षक ? यी हुन् दावेदार

नेपाल क्रिकेट संघ ( क्यान ) ले राष्ट्रिय क्रिकेट टिमको मुख्य प्रशिक्षकको लागि आवेदन दिएका ६० जना आवेदकहरु मध्ये बिहिबार […]