दोश्रो टेस्टमा भारतको लज्जास्पद हार



  • विकेटनेपाल, साउन २७ 

इंग्ल्याण्ड बिरुद्ध जारि ५ टेस्ट शृंखला अन्तर्गतको दोस्रो टेस्टमा पाहुना टोलि भारतले एक इनिंग र १५९ रनको लज्जास्पद हार बेहोरेको छ। यो संगै इंग्ल्याण्डले ५ टेस्टको सिरिजमा २-० को अग्रता कायम गरेको छ।

विराट कोहलीले टिमको कप्तानी सम्हालेपछि भारतले पहिलो पटक इनिंग अन्तरको हार बेहोरेको हो। यसअघि पहिलो टेस्टमा भारत ३१ रनले पराजित भएको थियो।

वर्षाले प्रभावित टेस्टमा इंग्ल्याण्डले टस जित्दै भारतलाई पहिले ब्याटिंग गर्ने निम्तो दिएको थियो। इन्ग्लिश बलर जेम्स एण्डरशनको स्विंग थाम्न नसक्दा भारत पहिलो पारीमा मात्र १०७ रनमै समेटिएको थियो। एंडरसनले ५ विकेट हात पारे।

जो इंग्ल्याण्डले क्रिस वोक्सको अविजित १३७ रनको मदतमा ७ विकेट गुमाएर ३९६ रन जोड्दै पारि समाप्तिको घोषणा गरेको थियो। उसको इनिंगमा क्रिस वोक्सले १३७ तथा जोंनी बेयरस्टोले ९३ रन जोडे।

आफ्नो दोस्रो पारीमा २८९ रनले पछि पर्दै दोश्रो इनिंगमा ब्याटिंग थालेको भारतले १३० रन जोड्दा सबै विकेट गुमाउन पुग्यो र खेल एक इनिंग र १५९ रनले इंग्ल्याण्डको जिम्मा लगाउन बाध्य बन्यो।

भारतको ब्याटिंगमा रबिचंद्रन अश्विनले सर्वाधिक ३३ रन बनाए ! इंग्ल्याण्डको बलिंगतर्फ जेम्स एण्डरशन र स्टुअर्ट ब्रोडले समान ४-४ विकेट चट्काए। यो संगै एण्डरसनले लर्ड्स क्रिकेट मैदानमा १०० विकेट पुरा गरेका छन्। एउटै मैदानमा १०० विकेट लिने एण्डरसन मुथैया मुरलीधरन पछि बिश्वकै दोश्रो क्रिकेटर समेत बनेका छन्।

टेस्ट शृंखला अन्तर्गतको तेस्रो टेस्ट अगष्ट १८ बाट नटिंगघममा हुनेछ।

 





थप समाचार

टेलर र नेत्रभाल्कर चम्किंदा अमेरिकाद्वारा नेपाल पराजित

स्टेभेन टेलरले आईसीसी विश्वकप लिग-२ अन्तर्गत ओमानमा जारी त्रिकोणात्मक एकदिवसीय अन्तर्राष्ट्रियमा नेपाल लगातार दोश्रो खेलमा ६ विकेटले पराजित हुन पुगेको […]

कप्तान मल्लको अर्धशतक, नेपालद्वारा अमेरिकालाई सामान्य लक्ष्य

आईसीसी विश्वकप लिग -२ अन्तर्गत ओमान, नेपाल र अमेरिका बीच त्रिकोणात्मक एकदिवसीय सिरिज अन्तर्गत आफ्नो तेश्रो खेलमा अमेरिकासंग प्रतिस्पर्धा गरिरहेको […]

अमेरिका बिरुद्ध गुल्सन झाको डेब्यु, टस हारेर नेपालले ब्याटिंग गर्दै

ओमान भ्रमण अन्तर्गत त्रिकोणात्मक एकदिवसीय अन्तर्राष्ट्रिय सिरिजको आफ्नो तेश्रो खेलमा नेपाल र अमेरिका प्रतिस्पर्धा गर्दैछन्। खेलमा अमेरिकाले टस जितेर फिल्डिंग […]

ओडीआई वरियतामा नेपाललाई पछि पार्दै ओमानको फड्को, जिम्बाब्वेलाई समेत पछि पार्यो

आईसीसी एकदिवसीय अन्तर्राष्ट्रिय वरियतामा नेपालले ओमानलाई उछिनेको ३ दिन पनि नबित्दै ओमानले पुनः नेपाललाई पछि पार्दै फड्को मारेको छ। अन्तर्राष्ट्रिय […]

ICCWCL2 : नेपालको तेश्रो खेल आज अमेरिकासंग ( सम्पूर्ण जानकारी )

नेपालको ओमान भ्रमण अन्तर्गत आईसीसी विश्व कप लिग-२ अन्तर्गतको त्रिकोणात्मक एकदिवसीय अन्तर्राष्ट्रिय सिरिजको आफ्नो तेश्रो खेलमा नेपालले दोश्रो पटक आज […]

प्रतिस्पर्धात्मक खेलमा ओमानद्वारा अमेरिका पराजित

प्रतिस्पर्धात्मक खेलमा अमेरिकालाई ४ विकेटले पराजित गर्दै ओमानमा जारी त्रिकोणात्मक एकदिवसीय अन्तर्राष्ट्रियमा ओमानले लगातार दोश्रो जित दर्ता गरेको छ। अल […]