विश्वकपको लागि इङ्गल्याण्डको टिममा ३ परिवर्तन, जोफ्रा आर्चरको इन्ट्री



  • विकेटनेपाल, जेठ ७ – मंगलबार

सन् २०१९ को एकदिवसीय क्रिकेट विश्वकप सुरु हुनमात्र केहि दिन बाँकी रहँदा सहभागी १० राष्ट्रले आफ्नो अन्तिम नामावली सार्वजनिक गर्ने क्रम जारि रहेको छ।

यसैक्रममा केहि समय अगाडी प्रारम्भिक १५ सदस्यीय टिमको घोषणा गरेको आयोजक राष्ट्र इङ्गल्याण्डले १५ सदस्यीय अन्तिम नामावली सार्वजनिक गरेको छ। अब टिममा खेलाडी परिवर्तन गर्नको लागि अन्तर्राष्ट्रिय क्रिकेट परिषद् (आइसीसी) को बिशेष अनुमती लिनु पर्नेछ।

यसअघि १५ सदस्यीय टिममा रहेका ओपनर एलेक्स हेल्स, ब्याट्सम्यान तथा पार्ट टाइम लेग स्पिनर जोए डिन्ले र देब्रेहाते तिब्र गतिका बलर डेविड विल्लीले अन्तिम १५ सदस्यीय टिममा स्थान बनाउन सकेनन्।

विश्वकपको अन्तिम १५ मा नपरेका एलेक्स हेल्स, जोए डिन्ले र डेविड विल्ली (बायाँबाट क्रमश:)

एलेक्स हेल्सलाई लागु पदार्थ लिएको टेस्ट पोजेटिभ पाईएपछि यसअघि नै विश्वकपको टिमबाट हताइएको थियो। उनको स्थानमा अर्का ब्याट्सम्यान जेम्स भिन्सलाई मौका दिइएको छ। त्यसैगरि टिममा ब्याटिंग र बलिंगको रुपमा प्रयोग गर्नको लागि राखिएका जोए डिन्लेले भन्दा रोयल लन्डन एकदिवसीय क्रिकेटमा लियम डाउसनको प्रदर्शन राम्रो रहेपछि उनलाई बोलाएको छ। उनले स्लो लेफ्टआर्म स्पिन गर्ने गर्छन्।

जोफ्रा आर्चर

तेस्रो तथा रोमान्चक परिवर्तनको रुपमा जोफ्रा आर्चरले टिममा स्थान बनाएका छन्। प्रारम्भिक टिमको घोषणा हुँदा अन्तर्राष्ट्रिय क्रिकेटको समेत अनुभव नभएका आर्चर माथि टिमले उच्च प्रदर्शनको आशा गरेको छ। उनलाई डेविड विल्लीको स्थानमा राखिएको हो। आर्चरले विभिन्न देशका टि२० लिगहरुमा गरेको प्रदर्शनले सबैको मन जितेका छन्। उनको क्षमता भनेको डेथ ओभरमा कम इकोनोमीमा बलिंग गर्नु रहेको छ।

आर्चरले भर्खरै सम्पन्न आइपिएल क्रिकेटमा राजस्थान रोयल्सको लागि खेल्दै ११ खेलमा ११ विकेट लिएका छन्। त्यो भन्दा पनि महत्त्वपूर्ण डेथ ओभरमा बलिंग गर्ने गर्छन र इकोनोमी मात्र ६.७६ को रहेको थियो। त्यस्तै विश्वकपमा छनोट हुनको लागि अवसर बनेको पाकिस्तान बिरुद्दको सिरिजमा उनले २ खेल खेल्दै १४ ओभरमा ६६ रन खर्चेर २ विकेट लिए।

आयोजक इङ्गल्याण्डले प्रतियोगिताको उद्घाटन खेलमा मे ३० तारिखमा दक्षिण अफ्रिकासँग प्रतिस्पर्धा गर्नेछ।

Image

विश्वकपको लागि इङ्गल्याण्डको टिम: इयान मोर्गान (कप्तान), जेम्स भिन्स, मोईन अलि, जोन्नी बेयरिस्टो, जोस बटलर, टोम करन, लियम डाउसन,  लियाम प्लंकेट, आदील रशिद, जोए रुट, जेसन रोए, बेन स्टोक्स, जोफ्रा आर्चर, क्रिस वक्स, मार्क वुड





थप समाचार

IPL : रोमान्चक खेलमा बैंगलोरद्वारा हैदरावाद पराजित

१४ औं आईपीएल अन्तर्गत छैठौं खेलमा रोयल च्यालेन्जर्स बैंगलोरले सनराइजर्स हैदरावादलाई ६ रनले पराजित गर्दै दोश्रो जित दर्ता गरेको छ। […]

पाकिस्तानको जितमा बाबर आजमको विस्फोटक शतक

पाकिस्तानको दक्षिण अफ्रीका भ्रमण अन्तर्गत चार वटा टि-२० अन्तर्राष्ट्रियको सिरिज अन्तर्गत तेश्रो टि-२० जित्दै पाकिस्तानले सिरिजमा २-१ को अग्रता हाँसिल […]

त्रिकोणात्मक सिरिजको लागि नेपाली टोलिको घोषणा, को परे को परेनन्

घरेलु मैदानमा नेदरल्याण्ड र मलेसियासंग खेलिने त्रिकोणात्मक टि-२० सिरिजको लागि नेपाल क्रिकेट संघले १५ सदस्यीय नेपाली राष्ट्रिय टोलिको घोषणा गरेको […]

आईपीएल २०२१ : संजु स्याम्सनको शतक बाबजुद राजस्थान पराजित

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार सम्पन्न चौथौं खेलमा केएल राहुल कप्तानीको पन्जाब किंग्सले संजु […]

आईपीएल २०२१ : राहुल र हुड्डाले शतकीय साझेदारी गर्दा पन्जाबद्वारा राजस्थानलाई विशाल लक्ष्य

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार जारि चौथौं खेलमा संजु स्याम्सन कप्तानीको राजस्थान रोयल्स र केएल […]

IPL : कोलकाताद्वारा हैदरावाद १० रनले पराजित

१४ औं आईपीएल अन्तर्गत आइतबार सम्पन्न खेलमा कोलकाता नाइट राइडर्सले सनराइजर्स हैदरावादलाई १० रनले पराजित गर्दै विजयी सुरुवात गरेको छ। […]