भारतीय पेसरहरु हाबी हुँदा इंग्ल्याण्डको खराब सुरुवात,



  • विकेटनेपाल,भदौ १५ 

भारत र इंग्ल्याण्ड बीच इंग्ल्याण्डको रोज बल मैदानमा सुरु भएको चौथो टेस्टमा भारतले शानदार सुरुवात गरेको छ।  सिरिजमा २-१ ले अघि रहेको अवस्थामा चौथो टेस्टमा टस जितेर ब्याटिंग रोजेको इंग्ल्याण्डले नसोचेको सुरुवात गरेको हो। भारतीय पेस बलरहरुले उत्कृस्ट बलिङ्ग गरेपछि घरेलु टिमले ७६.४ ओभरमा सम्पूर्ण विकेट गुमाएर २३६ रन मात्रै बनाउन सक्यो।

अत्यन्त खराब सुरुवात गरेको इंग्ल्याण्डले पहिलो ६ विकेट ८६ रनको योगफलमै गुमाएको थियो जसपछि स्याम कुरान र मोईन अलिले सातौँ विकेटको लागि ९१ रनको साझेदारी गर्दै इंग्ल्याण्डलाई सम्मानजनक स्कोरतर्फ डोर्याएका थिए। अलि ४० रन बनाएर आउट भए पछि पनि कुरानले एउटा किनार सम्हालीरहे र नवौं विकेटको लागि स्टुवार्ट ब्रडसंग ६३ रनको साझेदारी गरे। ब्रड १७ रन बनाएर आउट भए पछि अन्तिम विकेटको रुपमा कुरान पनि आउट भए जसले १३६ बलमा ७८ रन बनाउन ८ चौका र १ छक्का प्रहार गरे।

फोटो – आईसीसी

यस अघि इंग्ल्याण्ड ब्याट्म्यान एलेस्टर कुक ( १७ ), केटन जेनिङ्ग्स ( ० ), जोए रुट ( ४ ), जोंनी बेयरस्टो ( ६ ) तथा बेन स्टोक्स ( २३ ) रन बनाएर आउट भएका थिए। भारतीय बलर जस्प्रित बुम्राहले सर्वाधिक ३ विकेट ( २०-५-४६-३ ) तथा इशान्त शर्मा, मोहम्मद शमि र रभीचन्द्रन आश्विनले समान २/२ विकेट हात पारे।

इंग्ल्याण्डको इनिंग समाप्ति पछि भारतले आफ्नो इनिंगको सुरुवात गर्नेक्रममा पहिलो दिन सकिंदा विकेट नगुमाई १९ रन बनाएको छ। शिखर धवन ३ र लोकेश राहुल ११ रन बनाएर ब्याटिंग गरिरहेका छन्।

सिरिज अन्तर्गत पहिलो टेस्ट इंग्ल्याण्डले ३१ रनले जितेको थियो भने दोश्रो टेस्ट इनिंग र १५९ रनले जितेको थियो। तेश्रो टेस्टमा कम्ब्याक गरेको कोहलीको टिमले २०३ रनक जित हात पारेको थियो।

 





थप समाचार

ईपीएल खेल्न नेपाल आइपुगे अफ्रिदी

विश्वचर्चित पाकिस्तान क्रिकेटर शाहिद अफ्रिदी एभरेस्ट प्रिमियर लिग ( ईपीएल ) खेल्न नेपाल आइपुगेका छन्। अफ्रिदी ३:३० बजे दिउसो पाकिस्तानबाट […]

EPL : कस्तो छ डिफेन्डिङ च्याम्पियन ललितपुर, कमजोर र बलियो पक्ष यस्ता छन्

सेप्टेम्बर २५ तारिख देखि सुरु हुने एभरेस्ट प्रिमियर लिगको चौंथो संस्करणमा डिफेन्डिङ च्याम्पियन ललितपुर पेट्रिएट्स उपाधि रक्षा गर्ने लक्ष्यका साथ […]

IPL : हैदरावादलाई सहजै पराजित गर्दै दिल्ली शिर्षमा

सनराइजर्स हैदरावादलाई सहजै ८ विकेटले पराजित गर्दै दिल्ली क्यापिल्स आईपीएल अंकतालिकाको शिर्ष स्थानमा पुगेको छ। युएईमा जारि लिगको दुबई अन्तर्राष्ट्रिय […]

चलेन हैदरावादको ब्याटिंग, दिल्लीलाई सामान्य लक्ष्य

आईपीएलको युएईमा जारि दोश्रो फेज अन्तर्गत लिगको ३३ औ खेलमा दिल्ली क्यापिटल्स र सनराइजर्स हैदरावाद प्रतिस्पर्धा गरिरहेका छन्। दुबई अन्तर्राष्ट्रिय […]

क्रिकेटर भण्डारी र संचारकर्मी अर्याल विवाह बन्धनमा बाँधिने

राष्ट्रिय क्रिकेट टिमका विकेट किपर ब्याट्सम्यान बिनोद भण्डारी र संचारकर्मी सोनीका अर्याल विवाह बन्धनमा बाँधिने भएका छन्। भण्डारी र अर्याल […]

आईसीसी नयाँ ओडीआई वरियतामा सन्दिपको फड्को

अन्तर्राष्ट्रिय क्रिकेट परिषद ( आईसीसी ) ले जारि गरेको नयाँ एकदिवसीय अन्तर्राष्ट्रिय वरियतामा नेपाली लेग स्पिनर सन्दिप लामिछानेले पुनः फड्को […]