दबाबमा इंग्ल्याण्ड



  • विकेटनेपाल,भदौ २३ 

भारत र इंग्ल्याण्ड बीच ५ टेस्टको शृंखला अन्तर्गत अन्तिम टेस्ट लन्डनको ओभलमा सुरु भएको छ। शृंखला यस अघिनै इंग्ल्याण्डले३-१ ले आफ्नो पक्षमा पारिसकेकको भएता पनि दुवै टिम प्रतिष्ठाको लागि अन्तिम टेस्ट जित्न चाहन्छ।

टेस्टको पहिलो दिन सकिदा टस जितेर ब्याटिंग रोजेको इंग्ल्याण्डले ७ विकेट गुमाएर १९८ रन बनाएको छ। घरेलु टिमको लागि खेल जीवनको अन्तिम टेस्ट खेलिरहेका एलेस्टर कुकले सर्वाधिक ७१ रन तथा मोइन अलिले ५० रन योगदान दिए।

राम्रो सुरुवात गरेको इंग्ल्याण्ड १३३/१ को अवस्थामा थियो। पहिलो विकेटको लागि कुक र किटन जेनिङ्गसले ६० तथा दोश्रो विकेटको लागि कुक र अलिले ७३ रनको साझेदारी गर्दै इंग्ल्याण्डलाई ठुलो स्कोरतर्फ अघि बढाएका थिए।

तर ६४ औं ओभरमा कुकलाई जस्प्रित बुम्राले बोल्ड गरेपछि भने इंग्ल्याण्डले लगातार विकेट गुमाउन पुगेको थियो। बुम्राले रुटलाई समेत खाता नखोल्दै एलबिडब्लु धरापमा पारे। सिरिजको पहिलो टेस्ट खेलीरहेका रभिंद्र जडेजाले जेनिङ्गस र बेन स्टोक्सको तथा इशान्त शर्माले अलि, बेयरस्टो र स्याम कुरानको विकेट लिएपछि भारतले खेलमा पकड बनाएको हो।

इशान्तले ३ विकेट ( २२-१०-२८-३ ) तथा बुम्रा ( २१-९-४१-२ ) र जडेजाले ( २४-०-५७-२ ) समान २ विकेट लिएका छन्। दिनको समाप्तिमा जोस बटलर ११ तथा आदील राशिद ४ रन बनाएर ब्याटिंग गरिरहेका छन्।

पाँचौ टेस्टमा भारतको लागि अलराउण्डर हनुमा बिहारीले डेब्यु गर्ने मौका पाएका छन् भने रभिन्द्र जडेजाले आश्विनको ठाउँमा स्थान बनाएका छन्।

भारतले सिरिज अन्तर्गत पहिलो टेस्ट ३१ रनले, दोश्रो टेस्ट इनिंग र १५९ रनले हारेको थियो। तेश्रो टेस्टमा २०३ रनको जित हात पारेपछि चौथोमा भने पुनः इंग्ल्याण्ड ६० रनले बिजयी भएको थियो। यस अघि सम्पन्न टि-२० शृंखला भारतले ( २-१ ) तथा एकदिवसीय शृंखला इंग्ल्याण्डले ( २-१ ) ले जितेको थियो।





थप समाचार

दुई दिनमै सकियो भारत-इंग्ल्यान्ड टेस्ट, यस्ता बने कीर्तिमान

तेश्रो टेस्टमा इंग्ल्यान्डलाई १० विकेटले पराजित गर्दै भारतले ४ टेस्टको सिरिजमा २-१ को अग्रता हाँसिल गरेको छ। जितसंगै भारत टेस्ट […]

४ सयौं टेस्ट विकेट लिंदै आश्विनले बनाए कीर्तिमान

भारतीय अफस्पिनर रभीचन्द्रन आश्विनले टेस्ट क्रिकेटमा व्यक्तिगत ४ सय विकेट पुरा गर्दै नयाँ कीर्तिमान बनाएका छन्। इंग्ल्यान्डबिरुद्ध अहमदावादको नरेन्द्र मोदी […]

रुपन्देही सुपरलिग : लुम्बिनी खुकुरी विजयी

प्रकाश न्यौपाने, भैरहवा, फागुन १३ भैरहवास्थित सिद्धार्थ रंगशालामा जारी नेपाल टेलिकम रुपन्देही सुपर लिग क्रिकेट प्रतियोगिता अन्तर्गत बिहीबार भएको डिभिजन […]

रोमान्चक दोश्रो टि-२०मा न्युजिल्यान्डद्वारा अस्ट्रेलिया पराजित

रोमान्चक दोश्रो टि-२० मा अस्ट्रेलियालाई ४ रनले पराजित गर्दै घरेलु टोलि न्युजिल्यान्डले ५ वटा टि-२० अन्तर्राष्ट्रियको सिरिजमा २-० को अग्रता […]

रुपन्देही सुपरलिग : रुपेशले उत्कृस्ट बलिंग गर्दै बुद्धको सहज जित

प्रकाश न्यौपाने, भैरहवा, फागुन १२ भैरहवामा जारी नेपाल टेलिकम रुपन्देही सुपर लिग क्रिकेट प्रतियोगिता अन्तर्गत बुधबार भएको डिभिजन ‘ए’को खेलमा […]

पीएसएल : शर्जिलको शतकका बाबजुद कराची पराजित

शर्जिल खानको आक्रामक शतकका बाबजुद कराची किंग्सलाई पराजित गर्दै इश्लामवाद युनाइटेडले पाकिस्तान सुपर लिगमा लगातार दोश्रो जित दर्ता गर्दै जित […]