इंग्ल्यान्डलाई शृंखला, वरीयतामा अस्ट्रेलियालाई उछिन्यो



  • विकेटनेपाल, २२ साउन

अन्तिम टेस्ट १७७ रनले जित्दै इंग्ल्याण्डले दक्षिण अफ्रीकालाई ३-१ ले पराजित गर्दै टेस्ट सिरिज आफ्नो पक्षमा पारेको छ l

दक्षिण अफ्रीकालाई टेस्ट जित्न दोश्रो इनिंगमा ३८० रन आवस्यक थियो l उक्त लक्ष पछ्याउने क्रममा भ्रमण टिमले २०२ रनमै सबै विकेट गुमायो l

मोइन अलिले ५ विकेट तथा जेम्स एण्डरसनले ३ विकेट लिंदै दोश्रो इनिंगमा दक्षिण अफ्रीकाको सम्भावनालाई अन्त्य गर्न महत्वपूर्ण योगदान दिएका थिए l हासिम आम्लाले ८३ तथा कप्तान फाफ डु प्लेसिसले ६१ रनको इनिंग खेले पनि अन्य खेलाडीहरु क्रिजमा जम्न नसक्दा दक्षिण अफ्रीका जितको नजिक पनि पुग्न सकेन l

खेलको म्यान अफ द म्याच मोइन अलि घोषित भए जसले दोश्रो इनिंगमा ५ विकेटको साथै अविजित ७५ रन समेत बनाएका थिए भने पहिलो इनिंगमा २ विकेट र १४ रन बनाएका थिए l अलिनै म्यान अफ द सिरिज समेत घोषित भए जसले सिरिजभर कुल २५ विकेट हात पारेका थिए भने २५२ रन समेत बनाएका थिए l

यस अघि ओल्ड ट्राफोर्ड मैदानमा टस जितेर पहिलो ब्याटिंग गरेको इंग्ल्याण्ड पहिलो इनिंगमा ३६२ रनमा अलआउट भएको थियो l त्यसपछि दक्षिण अफ्रीकाले आफ्नो पहिलो इनिंगमा  २२४ रन मात्र बनाउन सकेपछि इंग्ल्याण्डले १३६ रनको अग्रता पाएको थियो l दोश्रो इनिंगमा इंग्ल्याण्ड २४३ रनमा आउट भएको थियो l

दक्षिण अफ्रीकालाई पहिलो इनिंगमा २२६ रनमै अलआउट गर्न जेम्स एण्डरसनले ४ विकेट तथा स्टुवार्ट ब्रोडले ३ विकेट लिएका थिए l भ्रमण टिमको लागि टेम्बा बभुमाले सर्बाधिक ४६ तथा हासिम आम्लाले ३० रन योगदान दिएका थिए l इंग्ल्याण्डको दोश्रो इनिंगमा जोए रुटले ४९ तथा मोइन अलिले अविजित ७५ रन योगदान दिएका थिए l दोश्रो इनिंगमा अफ्रिकी बलर मोर्ने मोर्केलले सर्बाधिक ४ विकेट हात पारेका थिए l

सिरिज अन्तर्गत पहिलो टेस्टमा इंग्ल्याण्ड २११ रनले बिजयी भएको थियो भने दोश्रो टेस्टमा दक्षिण अफ्रीका ३४० रनले जितेको थियो l तेश्रो टेस्ट इंग्ल्याण्डले २३९ रनले जितेको थियो l

दक्षिण अफ्रीकाले टेस्ट सिरिज अघि इंग्ल्याण्डसंग टि-२० र एकदिवसीय सिरिज दुवै  २-१ को अन्तरले हारेको थियो l

बरियतामा उक्लियो इंग्ल्याण्ड 

जित पछि इंग्ल्याण्ड टेस्ट बरियतामा अस्ट्रेलिया भन्दा माथि उक्लेको छ भने दक्षिण अफ्रीका दोश्रो स्थानमा यथावत छ l भारत १२३ रेटिंग अंक सहित पहिलो स्थानमा छ भने दक्षिण अफ्रीका ११० अंक सहित दोश्रो, इंग्ल्याण्ड १०५ अंक सहित तेश्रो र अस्ट्रेलिया १०० अंक सहित पाँचौ स्थानमा छ l यस्तै न्युजिल्याण्ड पाचौ, पाकिस्तान छैठौं, श्रीलंका सातौं, वेस्ट इन्डिज आठौं, बंगलादेश नवौं र जिम्बाबे दशौ स्थानमा रहेको छ l





थप समाचार

IPL : रोमान्चक खेलमा बैंगलोरद्वारा हैदरावाद पराजित

१४ औं आईपीएल अन्तर्गत छैठौं खेलमा रोयल च्यालेन्जर्स बैंगलोरले सनराइजर्स हैदरावादलाई ६ रनले पराजित गर्दै दोश्रो जित दर्ता गरेको छ। […]

पाकिस्तानको जितमा बाबर आजमको विस्फोटक शतक

पाकिस्तानको दक्षिण अफ्रीका भ्रमण अन्तर्गत चार वटा टि-२० अन्तर्राष्ट्रियको सिरिज अन्तर्गत तेश्रो टि-२० जित्दै पाकिस्तानले सिरिजमा २-१ को अग्रता हाँसिल […]

त्रिकोणात्मक सिरिजको लागि नेपाली टोलिको घोषणा, को परे को परेनन्

घरेलु मैदानमा नेदरल्याण्ड र मलेसियासंग खेलिने त्रिकोणात्मक टि-२० सिरिजको लागि नेपाल क्रिकेट संघले १५ सदस्यीय नेपाली राष्ट्रिय टोलिको घोषणा गरेको […]

आईपीएल २०२१ : संजु स्याम्सनको शतक बाबजुद राजस्थान पराजित

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार सम्पन्न चौथौं खेलमा केएल राहुल कप्तानीको पन्जाब किंग्सले संजु […]

आईपीएल २०२१ : राहुल र हुड्डाले शतकीय साझेदारी गर्दा पन्जाबद्वारा राजस्थानलाई विशाल लक्ष्य

१४ औं संस्करणको इण्डियन प्रिमियर लिग ( आईपीएल ) अन्तर्गत सोमबार जारि चौथौं खेलमा संजु स्याम्सन कप्तानीको राजस्थान रोयल्स र केएल […]

IPL : कोलकाताद्वारा हैदरावाद १० रनले पराजित

१४ औं आईपीएल अन्तर्गत आइतबार सम्पन्न खेलमा कोलकाता नाइट राइडर्सले सनराइजर्स हैदरावादलाई १० रनले पराजित गर्दै विजयी सुरुवात गरेको छ। […]