एपीएफको जितमा भुवनको अल-राउण्ड योगदान, सेमीफाइनल समीकरण पुरा



  • विकेटनेपाल, बैशाख-१८ , बुधबार 

सुर्खेतमा जारि वाईवाई कर्णाली प्रिमियर लिग अन्तर्गत समुह चरणको अन्तिम खेलमा शशस्त्र प्रहरी बल एपीएफले महेन्द्रनगर क्रिकेट एकेडेमीलाई पराजित गर्दै सबै ३ वटै खेलमा जितको साथ समुह ‘बि’ को विजेताको रुपमा सेमीफाइनल प्रवेश गरेको छ।

यो संगै प्रतियोगिताको सेमीफाइनल समीकरण पुरा भएको छ। समूह ‘बि’ बाट समुह विजेताको रुपमा एपीएफ र उप-विजेताको रुपमा न्यु होराइजन बुटवल सेमीफाइनल प्रवेश गरेका छन् भने समुह ‘ए’ बाट समूह विजेताको रुपमा कर्णाली-११ र उप-विजेताको रुपमा त्रिभुवन आर्मी क्लब सेमीफाइनल प्रवेश गरेका छन्।

कर्णाली क्रिकेट एकेडेमीको आयोजनामा जारि प्रतियोगिताको सेमीफाइनल खेलहरु शुक्रबार संचालन हुनेछन्। पहिलो सेमीफाइनलमा कर्णाली-११ र न्यु होराइजनले प्रतिस्पर्धा गर्ने छन् भने दोश्रो सेमीफाइनलमा एपीएफ र त्रिभुवन आर्मीले प्रतिस्पर्धा गर्नेछन्। फाइनल खेल शनिवार खेलिनेछ।

भुवन कार्कीको अल-राउण्ड प्रदर्शन 

कालिन्चोक मैदानमा टस जितेर ब्याटिंग रोजेको एपीएफले २० ओभरमा ९ विकेट गुमाएर १४३ रनको योगफल तयार गरेको थियो। उसको लागि सुमित महर्जनले सर्वाधिक २६, भुवन कार्कीले २०, आयुष्मान बमले १५ र कमल सिंह ऐरीले अविजित १२ रन योगदान दिए।

एपीएफले पहिलो ५ विकेट ४८ रनमा गुमाएपछि सुमित महर्जन र भुवन कार्कीले ४६ रनको साझेदारी गरेका थिए।

 

महेन्द्रनगर क्रिकेट एकेडेमीका बलर सन्तोष भट्ट (४-०-२०-३ )  र आकाश चन्दले ( ४-०-१९-३ ) समान ३/३ विकेट तथा बिक्रम ठगुन्नाले २ विकेट ( ४-०-३०-२ ) लिए।

१४४ रनको लक्ष्य पछ्याउने क्रममा महेन्द्रनगरले २० ओभर ब्याटिंग गरे पनि ८ विकेट गुमाएर १२५ रन मात्रै बनाउन सक्यो र १८ रनले पराजित हुन पुग्यो।

Kamal Singh Airee

महेन्द्रनगरलाई लक्ष्यसम्म पुग्न नदिन एपीएफ बलर कमल सिंह ऐरीले सर्वाधिक ३ ( ४-१-१४-३ ) तथा भुवन कार्कीले २ विकेट ( ४-०-१२-२ ) लिए। सन्तोष भट्टले ५० रन बनाए पनि महेन्द्रनगर जितसम्म पुग्न सकेन। भट्टले ३५ बलमा ४ चौका र ३ छक्का प्रहार गरे। यस्तै हेमन्त कार्कीले ३० रन बनाउनु बाहेक अन्य ब्याट्सम्यानले उल्लेख्य प्रदर्शन गर्न सकेनन्।

Player of the match Bhuwan Karki

खेलको प्लेयर अफ द म्याच भुवन कार्की घोषित भए। स्कोरकार्ड 

प्रतियोगिताको विजेताले नगद ५ लाख रुपैयाँ तथा उप-बिजेताले नगद २ लाख रुपैयाँ प्राप्त गर्नेछन्। यस्तै प्लेयर अफ द म्याच घोषित हुने खेलाडीले ३५०० रुपैयाँ तथा प्रतियोगितामा उत्कृस्ट घोषित हुने बलर र ब्याट्सम्यानले समान २०,००० र प्लेयर अफ द सिरिजले ५०,००० प्राप्त गर्नेछनन्।





थप समाचार

EPL : आजको दुवै खेल टस समेत नभई स्थगित, स्थगित खेल नयाँ मितिमा हुन सक्ने

चौंथो संस्करणको एभरेस्ट प्रिमियर लिग ( ईपीएल ) अन्तर्गत तेश्रो दिन सोमबारको दुई वटै खेल टस समेत हुन नपाई स्थगित […]

अफ्रिदी खेल्ने अन्तिम खेल मैदान भिजेको कारण रद्ध

चौथौ संस्करणको एभरेष्ट प्रिमियर लिग (ईपिएल टि-२०) अन्तर्गत सोमबारको पहिलो खेल मैदान भिजेको कारण रद्ध हुन पुगेको छ | हिजो […]

EPL मा आज पनि दुई खेल हुँदै

चौंथो संस्करणको एभरेस्ट प्रिमियर लिग ( ईपीएल ) टि-ट्वान्टी अन्तर्गत सोमबार तेश्रो दिन पनि दुई वटा खेलहरु हुनेछन्। दिनको पहिलो […]

हर्षलको ह्याट्रिक, बैंगलोर बिरुद्ध मुम्बईको इतिहासकै कम योगफल

हर्षल पटेलले ह्याट्रिक विकेट लिंदा डिफेन्डिङ च्याम्पियन मुम्बई इन्डीएन्सलाई ५४ रनले पराजित गर्दै रोयल च्यालेन्जर्स बैंगलोरले चौंथो खेलमा हारको शिलशिला […]

EPL : अम्पायरको निर्णयको बिरोध गर्दा विलियम्सलाई कारवाही

काठमाडौँमा जारी चौंथो संस्करणको एभरेस्ट प्रिमियर लिग ( ईपीएल ) को आइतबार सम्पन्न पोखरा राइनोज र भैरहवा ग्ल्याडीएटर्स बीचको खेलमा […]

ईपीएलमा करनको कप्तानी अनुभव “गार्हो नै हुने रैछ “

एभरेस्ट प्रिमीयर लिग अन्तर्गत दोश्रो दिन सम्पन्न लिगको दोश्रो खेलमा चितवन टाइगर्ससंग पराजित भएपछि बिराटनगर वारियर्सका कप्तान करन केसीले आज […]