एपीवान र ईपीएलबीच रेकर्ड प्रशारण सम्झौता



  • विकेटनेपाल, १४ भदौ

एभरेस्ट प्रिमियर लिग र एपीवान टिभी बीच ३ बर्षे प्रशारण सम्झौता भएको छ l

आज राजधानीमा आयोजित पत्रकार सम्मेलन माझ एपीवानका प्रबन्ध निर्देशक लक्ष्मी प्रसाद पौडेल र एभरेस्ट प्रिमियर लिगका प्रबन्ध निर्देशक आमिर अख्तरले सम्झौतामा हस्ताक्षर गरेका छन् l

एपीवान टेलिभिजनले प्रतिबर्ष १ करोड रुपियाँमा एभरेस्ट प्रिमियर लिगसंग प्रशारण अधिकार खरिद गरेको हो l नेपाली क्रिकेट इतिहासमै यो सबैभन्दा ठुलो प्रशारण सम्झौता हो l

प्रबन्ध निर्देशक लक्ष्मी प्रसाद पौडेलले यो पटक प्रत्यक्ष प्रशारण गर्दा १२ वटा क्यामरा प्रयोग गर्ने तथा थर्ड अम्पायर समेत उपलब्ध हुने बताएका छन् l यस्तै मैदानमा दर्शकको लागि ठुलो स्क्रिन समेत देखाइने छ l

प्रत्येक खेलको दौरान खेल विश्लेषण, अक्सन, पुरस्कार वितरण समारोहको अधिकार एपीवानमा रहनेछ l

एभरेस्ट प्रिमियर लिग प्रबन्ध निर्देशक अख्तरले यो सम्झौताले लिगको प्रशारण अन्तर्राष्ट्रिय स्तरको हुने बिश्वास गरेको र त्यसैले एपिएवानसंग सम्झौता गरेको बताए l यस्तै एपिवन निर्देशक पौडेलले प्रशारणलाई अन्तर्राष्ट्रिय स्तरको बनाउन हरसम्भब प्रयास गर्ने बताएका छन् l

एभरेस्ट प्रिमियर लिगको यो सिजन डिसेम्बरमा आयोजना गरिनेछ जसको अक्सन दशैं पछि आयोजना गर्ने योजना रहेको अख्तरले बताएका छन् l पोखरा, काठमाडौँ, ललितपुर, बिराटनगर, भैरहवा र बिरगंज गरी ६ सहरको टोली सहभागी हुँदै छन् l टिम र टिम मालिकको घोषणा भइसकेको छैन l

आमिर अख्तर ( ईपीएल, प्रबन्ध निर्देशक )

लिगमा सहभागी टिमहरुले अनिबार्य ३ जना बिदेशी खेलाडीहरु खेलाउनु पर्नेछ l एक टिममा १५ जना खेलाडीहरु रहने छन् जसमा १ खेलाडी ट्यालेन्ट हन्ट बाट प्रत्येक टिमले छनौट गर्नु पर्नेछ l

प्रतियोगिताको बिजेताले रु. २१ लाख रुपैयाँ पाउनेछ जुन नेपाली घरेलु क्रिकेटमै सर्बाधिक पुरस्कार राशी हो l

लक्ष्मी प्रसाद पौडेल ( एपीवान, प्रबन्ध निर्देशक )





थप समाचार

“वर्तमान युगमा उनि नम्बर-१ ब्याट्सम्यान हुन्, उनि अद्भुत प्रदर्शन गरिरहेका छन्।” युसुफले बताए कोहली र आजममा को नम्बर-१

वर्तमान विश्व क्रिकेटका दुई ठूला ब्याट्सम्यान भारतका बिराट कोहली र पाकिस्तानका बाबर आजम बीच को महान् भन्ने बहस क्रिकेट फ्यानहरु […]

टि-ट्वान्टी विश्वकपमा २० वटा टिम, इन्टर कन्टिनेन्टल कप फरक नाममा

क्रिकेट खेललाई विश्वव्यापीकारण गर्ने प्रयास स्वरूप अन्तर्राष्ट्रिय क्रिकेट परिषद ( आईसीसी ) टि-ट्वान्टी विश्वकपमा टिम संख्या बढाएर २० वटा पुर्याउने […]

पाकिस्तानको सिरिज जितमा बाबरको किर्तिमान

लगातार दोश्रो टेस्ट इनिंग्स अन्तरले जित्दै भ्रमण टोलि पाकिस्तानले जिम्बाब्वे बिरुद्धको दुई वटा टेस्टको सिरिज क्लिन स्विप गरेको छ। यस […]

कुशल भएनन् आईसीसी प्लेयर अफ द मन्थ

पाकिस्तानकै फखर जमान र नेपाली क्रिकेट टिमका ओपनिंग ब्याट्सम्यान कुशल भुर्तेललाई पछि पार्दै बाबर आजम अन्तर्राष्ट्रिय क्रिकेट परिषदको ( आईसीसी […]

हार्दिक र पृथ्वीलाई बाहिर राख्दै वर्ल्ड टेस्ट च्याम्पियनसिपको लागि भारतीय टिमको घोषणा

आगामी महिना आयोजना हुने पहिलो विश्व टेस्ट च्याम्पियनसिपको फाइनल तथा त्यसलगत्तै इंग्ल्यान्ड बिरुद्ध पांच टेस्टको सिरिजको लागि भारतले टिमको घोषणा […]

कुशल भुर्तेल आईसीसीको प्लेयर अफ द मन्थ मनोनयनमा, कसरि गर्ने भोट

नेदरल्याण्ड र मलेसिया बिरुद्ध त्रिकोणात्मक सिरिजमा शानदार ब्याटिंग गर्दै विश्वकीर्तिमान बनाएका नेपाली क्रिकेट टिमका ओपनर कुशल भुर्तेल अन्तर्राष्ट्रिय क्रिकेट परिषद […]