EPL मा आज दुईवटा खेल हुँदै, चितवनलाई प्लेअफ स्थान मजबुत बनाउने अवसर



काठमाडौँमा जारि एभरेस्ट प्रिमियर लिग टि-ट्वान्टी (ईपीएल टि-२० ) अन्तर्गत शुक्रबार दुईवटा खेल हुँदैछन्।

दिनको पहिलो खेलमा विहान ९:३० बजे करन केसी कप्तानीको बिराटनगर वारियर्स र कुशल भुर्तेल कप्तानीको ललितपुर पेट्रिएट्स प्रतिस्पर्धा गर्दैछन्। यस्तै दिनको दोश्रो खेलमा १:३० बजे दिउसो बिनोद भण्डारी कप्तानीको पोखरा राइनोज र सोमपाल कामी कप्तानीको चितवन टाइगर्सले प्रतिस्पर्धा गर्नेछन्।

लिग अंकतालिकामा बिराटनगर दुवै खेलमा हार बेहोर्दै छैठौं स्थानमा छ जो पहिलो खेलमा चितवन टाइगर्ससंग २ विकेटले तथा दोश्रो खेलमा  भैरहवा ग्ल्याडीएटर्ससंग ६ विकेटले पराजित भएको थियो। ललितपुर अंक तालिकामा पाँचौ स्थानमा छ जसले ३ खेलमा २ हार र १ बराबरी नतिजा ल्याएको छ। पहिलो खेलमा काठमाडौँ किंग्स-११ संग ७ विकेटले तथा दोश्रो खेलमा पोखरा राइनोजसंग ९ विकेटले पराजित भएको ललितपुर तेश्रो खेलमा भैरहवासंग बराबरीमा रोकिएको थियो।

यस्तै पोखरा २ खेलमा २ जित र १ खेल नतिजाविहिन रहंदा ३ अंक सहित तेस्रो स्थानमा रहेको छ। पहिलो खेल भैरहवासंग नतिजाविहिन रहेपछि पोखराले दोश्रो खेलमा बिराटनगर वारियर्सलाई ९ विकेटले पराजित गरेको थियो। अर्कोतर्फ चितवन टाइगर्स दुवै खेलमा जित दर्ता गर्दै ४ अंक सहित दोश्रो स्थानमा रहेको छ। चितवनले पहिलो खेलमा बिराटनगर वारियर्सलाई २ विकेटले तथा दोश्रो खेलमा काठमाडौँ किंग्स-११ लाई ३ विकेटले पराजित गरेको थियो।

आज चितवन विजयी भएर तेश्रो जित दर्ता गरेको खण्डमा प्लेअफमा पुग्ने सम्भावना मजबुत हुनेछ भने अंकतालिकाको शिर्ष स्थानमा पुग्नेछ। बिराटनगर र ललितपुरलाई भने प्लेअफ सम्भावना जीवित राख्न जित अत्यावश्यक छ। पोखरा पनि जित दर्ता गर्दै प्लेअफ यात्रा मजबुत बनाउन चाहन्छ।





थप समाचार

T20WC : अस्ट्रेलिया बिरुद्ध कायम रहला श्रीलंकाको जित यात्रा, दुवै टिमको सम्भावित-११

युएईमा जारि टि-ट्वान्टी विश्वकप अन्तर्गत सुपर-१२ चरण अन्तर्गत समुह ‘१’ को खेलमा अस्ट्रेलिया र श्रीलंका प्रतिस्पर्धा गर्दैछन्। खेल दुबई अन्तर्राष्ट्रिय […]

T20WC : ट्रंपलम्यानको घातक बलिंग, नामिबियाद्वारा स्कटल्याण्ड पराजित

स्कटल्याण्डलाई ४ विकटले पराजित गर्दै युएईमा जारि टि-ट्वान्टी विश्वकपको सुपर-१२ चरणमा नामिबियाले विजयी सुरुवात गरेको छ। पहिलो खेलमा अफगानिस्तानसंग पराजित […]

पाकिस्तानसंग हारपछि पनि सेहवागको विश्वास “भारतले टि-२० विश्वकप जित्नेछ”

युएईमा जारी टि-ट्वान्टी विश्वकपको आफ्नो पहिलो खेलमै पाकिस्तानसंग १० विकेटको विशाल अन्तरले पराजित भएको भारतलाई प्रतियोगिता सुरु हुनु अघि विश्वकप […]

विश्वकप एसियाली छनोट खेल्ने महिला राष्ट्रिय टिमको घोषणा, कविता पहिलो पटक राष्ट्रिय टिममा

युएईमा आगामी महिना नोभेम्बर २० देखि २६ तारिखमा आयोजना हुने २०२१ आईसीसी महिला टि-ट्वान्टी विश्वकपको एसिया छनोट प्रतियोगिताको लागि १४ […]

T20WC : बंगलादेश बिरुद्ध शानदार जित पछि इंग्ल्यान्ड समुह ‘१’ को शिर्षमा

युएईमा जारी टि-ट्वान्टी विश्वकप अन्तर्गत सुपर-१२ चरणमा इंग्ल्यान्डले आफ्नो शानदार लय जारी राख्ने क्रममा बंगलादेशलाई ८ विकेटले सहजै पराजित गरेको […]

T20WC : टि-२० विश्वकपमा आज दुई खेल हुँदै

युएईमा जारि टि-ट्वान्टी विश्वकपको सातौँ संस्करण अन्तर्गत सुपर-१२ चरण चल्दै गर्दा आज बुधबार दुई खेल हुँदैछन्। दिनको पहिलो खेलमा समुह […]